وهل للضعف وجود-كاملة ☑️

الفصل السادس عشر💙

#رواية_وهل للضعف وجود
#سماهر_جمال
الفصل السادس عشر💙
**************************

تغيبين عني وأشتاق نفسي....
وأهفو لقلبي على راحتيك....
نتوه نشتاق نغدو حيارى....
ومازال بيتي في مُقلتيك....
ويمضي العمر بي في كل الدروب.....
فأنسى همومي على شاطئيك....
وإن فرقتنا دروب الحياة...
فمازلت أشعر أني إليك...
أسافر عمراً وألقاك يوماً...
فإني خُلقت وقلبي لديك...............

"آسر" بجمود:-
_ مافيش حاجة يا أدهم دي خناقة بسيطة، يلا علشان نبدأ الإجتماع.........

ثم نظر إلى "جاسر" الذي كان ينظر إلى "عشق" بخبث

"آسر" بصوت عالي وبغضب:-
_ جااااااااااسر

فزع جميع من في المكتب على صوته ليتنحنح "جاسر" وينظر للأسفل

"آسر" وهو مازال ينظر له بغضب:-
_ عشق

"عشق" بتوتر:-
_ نعم

رد عليها بصرامة:-
_ روحي على مكتبك يلا

غادرت "عشق" دون أي كلام، ليُعيد "آسر" نظره إلى "جاسر" بعد أن كان ينظر إليها...

"آسر":-
_ يلا يا أدهم علشان الاجتماع

ثم غادر

فنظر "أدهم" إلى "مراد" و"جاسر" قائلاً:-
_ كويس إنه سابك يا جاسر بعد كدة يبقى بص على قدك، يلا علشان الاجتماع

ثم تركهم وغادر هو الآخر!!!....

"مراد" ل"جاسر" مُحذراً:-
_ جاسر مالكش دعوة بالبنت دي، أنا مش عايز مشاكل مع آسر وأظن أنت عارفه

"جاسر" بإعتراض:-
_ وأنا كنت عملت ليها حاجة يعني!!

"مراد" بإستهزاء:-
_ أومال مين اللي كان بيبصلها دلوقتي وهياكلها بعنيه؟!... أنا مثلاً!!!!!... يلا تعالى ورايا

ثم غادر ليلحق ب"آسر" و"أدهم"...

"جاسر" لنفسه:-
_ هو في اي كل شوية واحد يمشي ويسيبني لوحدي؟!...

ثم أكمل بغيرة وحقد:-
_ وبعدين مش كل حاجة لآسر!!... في أيام الجامعة كان لامم البنات حواليه وما كانش بيعبرهم اشمعنا دي يعني؟!... بس كدة كدة هخليها تحبني ما هو مش كل حاجة ليه!!......
*********************
في منزل "دينا"

كانت قد استأذنت من الجامعة لِكي ترجع إلى منزلها مُبكراً مُعللة أنها ليست بخير.....

ولم يكن أحداً بالمنزل ف"والدها" قد ذهب إلى شركة "آسر" بخصوص العمل بعد أن وافق "آسر" على مقابلته، و"والدتها" قد ذهبت هى الأخرى إلى منزل "أختها" لتطمئن عليها بسبب مرضها، وأخيها بالطبع كان بمدرسته.......

"دينا" لنفسها:-
_ كويس إن محدش في البيت علشان ما يسألوش جاية بدري لي؟!

دخلت "دينا" غرفتها ثم رمت حقيبتها بإهمال على الكرسي الذي كان بجانب الباب وجلست عليه هى أيضًا مُحدثة نفسها بحزن:-
_ يعني كنتِ مستنية اي يعترفلك بحبه!!... يعني فيكِ اي مُميز علشان يبصلك ولا هدوم ولا ملامح ولا حتى جسم!!... فيكِ اي يعني علشان يختارك أنتِ!!...