وهل للضعف وجود-كاملة ☑️

الفصل الخامس عشر💙

#رواية_وهل_للضعف وجود
#سماهر_جمال
الفصل الخامس عشر💙
☆☆☆☆☆☆☆☆☆★☆☆☆☆☆☆☆☆☆☆

قلبي لك يا من ملكت كل القلوب...
وعهدي لك أنني سأبقى رفيق الدروب...
فكُن صبوراً... فقلبي لا يقوى الحروب...
وكُن بي حنوناً... فحبي لك فوق الوصف...

************************************

قهقه "رأفت" على نبرتها قائلاً:-
_ يا حبيبتي ما أنتِ عارفة آسر

"عشق" بهمس:-
_ معرفة سُودة

"عشق" وهى تحمل حقيبتها:-
_ ماشي يا عمو سلام علشان ما أتأخرش

"رأفت":-
_ سلام يا حبيبتي، وأنا كمان هقوم ألبس علشان الشغل

نزلت "عشق" إلى الأسفل ورأت "آسر"  في انتظارها بسيارته وبالسيارة الأخرى الحراس

"آسر" مُنادياً لها بتهكم:-
_ يلا يا حجة هتفضلي واقفة عندك كتير!!

"عشق":-
_ أبو تقل دمك

تحركت "عشق" بإتجاهه وهى تُحاول ألا تحمل حقيبتها وترميها بوجهه، صعدت بالخلف وأمسكت هاتفها

"آسر" و هو يُدير رأسه إلى الخلف ناظراً لها

قائلاً بسخرية:-
_ وهو حد كان قال لحضرتك إني سواق جنابك!!... ما تترزعي جنبي

"عشق" بضيق:-
_ اي تترزعي دي!!... ما تحسن ألفاظك يا بني آدم أنت!!

"آسر" رافعاً حاجبيه بغضب:-
_ صوتك ما يعلاش مرة تانية يا عشق علشان ما أقلبش عليكِ

ثم أكمل بسخرية:-
_ معلش أصل أنا بيئة، اخلصي تعالي جنبي

نزلت "عشق" من السيارة وهى تُبرتم بكلمات لم يفهم لها "آسر" معنى ولكنها تدل على عصبيتها ثم جلست بجانبه...

"آسر" ناظراً لها:-
_ اعملي الحزام، اخلصي

"عشق":-
_ ما تصبر مش بأعمل!!

"آسر" بعد دقيقة:-
_اخلصي

تجاهلته "عشق" ولم ترد على حديثه وركزت اهتمامها على كيفية ربط حزام الأمان...

"آسر" مُكرراً ليُثير استفزازها:-
_ اخلصي

رمت "عشق" الحزام بعصبية ثم نظرت بإتجاهه قائلة بصوت عالٍ:-
_ بس في اي بالع راديو مش عليه إلا قناة واحدة اسمها اخلصي!!... واخلص أنت اتحرك علشان اتأخرت وأنا مش هربط أحزمة اتحرك بقى

كان "آسر" ينظر لها بصدمة فاتحاً فاهه من هجومها المفاجئ:-
_ أنا بردو اللي بالع راديو!!... اخلصي البسي الزفت

ثم استرسل حديثه بشك:-
_ وبعدين تعالي هنا شايفك مش عارفة تعملي الحزام، أومال ازاي عندك عربية وخدتي شهادة السواقة؟!

"عشق" بلا مبالاة:-
_ ما أنا ما كنتش بأحط الحزام أصلاً

"آسر" بقتامة وصوت مرتفع:-
_ نعم يختي!!... ما كنتيش اي؟!...