منقذي ذو النجوم

بارت 1

منقذي ذو النجوم

الكاتبه غدير العزاوي

..

ام ريم:يله ولجن كومن ابوجن بلبيت اليوم كومن بسرعه

ريم:ماما الله عليج خلينه ننام يعني شنو هو يوم جمعه ودائما هيج تسوون بينه الواحد يرتاح بهذا اليوم بس احنه لا عكسس العالم

امريم:بلالغوه زايده يله كومن تره اصيح ابوجن وهناك يصير حسابكم شي ثاني

رزان:اوف ماما يله كايمين ها كمنه بس انتي روحي نزلي واحنه نجي وراجن

ام ريم:يله بسرعه لاتتاخرن

ريم:اووف يعني والله هاي مو حاله حته يوم الجمعه مانرتاح مايكفي دوامنه من الاحد للسبت والله مال اشرد من البيت من وره بابا

رزان:ولجج اششش اسكتي تره والله اذا بابا سمع يدفنج انتي وحيه يعني تدرين بابا بهيج مواضيع

ريم:بضجر كمت من الفراش وكتلها يله انتي نزلي اني اريد اخذلي دوش واانزل وراح

رزان:يله لاتتاخرين لعد

ريم:كمت اخذتلي شاور ع السريع طلعت سشورت شعري كل هذا واني مشغله فيدوهات لمرتضى حرب امووت علي اعشقه لبستلي تراك لون اسود مرسوم علي فراشات ورديه تخبل نص ردن كملت ضفرت شعري صفح ونزلت وهناك جان اشوف خزرات بابا الي

ابو ريم:اننني شكمم مره كايل الكم يوم الجمعه الكعده من وكت اول شي وثاني شي تدرون عدنه جمعه بيت جدكم هاااا

ريم:اعتذر بابا

ابو ريم:اخرررر مره قسما بالله اذا انعاد تشوفين غير شي

ريم:انشاءلله بابا ...طبعا اني شخصيتي كلش قويه حته صديقاتي يكلولي بس كدام بابا لا ابدااا شكد ماجانت شخصيتي قويه اوكف مصنمه كدامه .... كعدنه اتريكنه كمنه كملنه شغلنه وبدلنه اني لبست بشت وجواها بنطرون وقميص وشال نسقت وياهن شي اكيد وجنطتي والموبايل والسماعات والشاحن اهم اشياء لانه راح نبقه لليل يله نرجع...رزان لبست مانتوا وماما لبست مثل الصايه تجي..طلعنه واني من اول ماصعدت حطيت السماعات بااذني وصلنه جانت الساعه ١٠ احنه عايشين بغداد بحكم شغل بابا هناك ومشاريعه هو صايغ بمحل مال ذهب بس اهل جدي ساكنين بلحله هو وبيبي وعمامي الثلاثه عمي الاكبر عنده ٣ اولاد و٤ بنات. .
.وبعدين عمي الثاني عنده ٤ بنات وبعدين بابا واحته بس اثنين بنات ........عمي الثاني هواي يلح بموضوع انه مرته تجيب ولد بس بابا لا مايلح بهذا الموضوع يكول اذا رزقنه الله بولد خير ع ماحصل واذا لا عادي عندي بناتي ماادري منين تجي هيج حنيه كدام الناس الكل يشهد على شغله بلسوك وامين بس كدام الناس شكل ويمنه غير شكل الي يشوفه يكول نيال عائلته علي وبناته بس لا ماكو هيج حجي مشوف الويل لماما بس ماما تسكت لانه ماعدها مكان تروح علي هيه من الموصل وتزوجها بابا عن طريق الحب هيه سنيه وبابا شيعي بس قبل من انطوها لبابا كللوها لانعرفج ولاتعرفينه بعد فلهذا تسكت وخصوصا اذا عصب يكتل بماما عادي يمه ....ومرات يجي يكمل علينه بس ماما ماتقبل توكف بوجه وهيه الي تاكل الكتله مرات اسأل ماما ليش هيج يسوي بيج مو اتزوجتوا عن حب ليش هيج تغير عليج جان تكلي والله حبيبتي علمي علمج بس حقي ميضيع وانشاءلله يرجع كلشي مثل قبل...