منقذي ذو النجوم

بارت 39

وانت ذاك

اشما جزيت ابروحي ليله

الصفنه تاخذني اعله رسمك واستريح

منقذي ذو النجوم

الكاتبه غدير العزاوي

..

ركضت عليها وشلتها وخليتها بحضني وهيه تبجي اريد افهم اي شي يصير ماكو محد دايحجي واصلا همه هم مايعرفون ..

سكتت شويه واجو ركض علي والولد الي وياا ...صاروا يسألون شصار علي مدايحجي اي شي بس يريدون يفهمون منه اي شي ماكو مدايجاوب ...ساألوا الولد همينه هم ماجاوب اخذه ابو وهو يضرب بي وحسام لزم علي انطا راجدي يريده يحجي ماحجه هم شي ...

اخذت امل ودخلتها جوه واني حيل مابيه ابدااا بلكوه شايلتها اجت بنيه واخذتها مني وصلتها للحمام نزعتها وسبحتها واني اسأل بيها اريد بس تحجي حرف مداتحجي ...

طلعتها وبدلتلها نامت رأسا مادري من التعب لو من الي صار وياها ....بستها بعد مانامت واني ادعي كون بنتي ماتمر بلي مريته اني بحياتي اريدها تعيش بسعاده وماتعرف شنويعني دموع ...

صاحتني وحده وكالت حسام يريدج عدلت شالي وطلعت ...كاعدين بلصاله صار يسألني شلونها امل انت اشلونج...

اني ودااحجي كحيت خفت لايطلع دم مثل ذيج المره اخذت كلينس بسرعه هم طلع حجت الحجيه كالت مايصير هيج لازم تاخذها للدكتور ...وهمه يحجون اني بعد غوشت الدنيا بعيني ...

كعدت واني بلغرفه ويمي فاطمه وملاك يبجون ...

-شبيكم ليش تبجون حسام بي شي امل بيها شي زينين موو؟

طلعو اثنيناتهن من بعد مادخل حسام للغرفه ...اتقدم يمي وكعد يمي واخذ ايدي وحطها بين ادي...

-ريم حبيبتي حياتي سمعيني للااخر..

-حسام دتخوفني شكو احجي ...بيك شي...امل وينها..

-سكتي وفهميني اني وامل زينين مابينه شي بس انتِ مريضه شويه مو هواي ...طلع بلدم مالتج تتذكرين بفحص الحمل ماحجيتلج ..فهناك طالع عندج اشكالات بلدم ولازم نعالجها واني وياج وشي بسيط وسهل...

-وليش تبجون اذا شي بسيط ...

-غير يخافن عليج ويحبنج هسه اريدج تكومين تبدلين وتحظرين اغراضج همه محظرين باقيه بس انتِ نرجع وهناك ننقلج للمستشفى ...

كام من يمي واني كعدت احظر اغراضي حظرت كولشي وبدلت طلعت من الغرفه شفتهم كلهم كاعدين كاموا الولد وسلمو وودعناهم وطلعنه ...

علي بمجرد ماصعد للسياره دنك راسه يمي وباسني وهو يكول الله لايحرمنه منج والله نحبج اني وامل مو هيج امل...

حجت امل بكل براءة ..اي اي ماما اني احبببج كووومه بكد حب بابا الي والج...

ناموا ثنيناتهم الطريق كوله واني اغفه وافز ع كوابيس حسام طول الطريق يسوق باايد وحده والايد الثانيه لازم ايدي ...