منقذي ذو النجوم

البارت 40 والاخير

منقذي ذو النجوم

الكاتبه غدير العزاوي

طلعت من يمهم واني بصدري حامل هموم الدنيا منانه ريم الي هاده حيلي ومنانه امل وعلي يعني باقي بينهم ....

طلعت للسياره اتصلت ع صديقي بعد السلام والكلام ....

-انطيني البشاره...

-شنو وليش...

-تدري منو يمنه بلسجن..

-منو كول يالله ...

-وجه السطل مالتك هو وابو..

-لابشرفك صدك تحجي..منين هاي الاخبار وليش ...وشلون...

-هاي سالفه طويله يحتاجلها مكالمه طويله او كعده...

-اعذرني يخوي والله كعده مااكدر زوجتي مريضه وصارلي اشهر بلمستشفى...

-شنو سلامات يخوي عسى ماشر ..

-والله ماادري شكلك يخوي تعبان تعبان ..

-اني ذاك اليوم سألت محمد بس ماكالي ع هيج شي ...

-اي اني منبه مايكول لااحد ...والله دوم اني ويا واحجي ونتواصل ...

-سلامات يخوي من يصير عندك مجال اتصل عليه واجيك افهمك السالفه ...

-ان شاءالله يصير خير ...في امان الله...

سديته منه واني كلت من هسه بدت حوبة ريم تطلع بيهم...

لانه قبل اسبوع.....

جنت يم الدكاتره اخذ علاج ريم ...طلعت ودك موبايلي شلته جان رقم ...

جان صوت بنيه حجت وسلمت ....

-بلاصغرا بيج بس ماعرفتج..

-اني اكون رزان اخت ريم...

-هه قصدج وحده ماتعرفيها ولاتعرفج ...

بدت تبجي بكل حيلها وصوتها طالع تالي سدته مني ...مااتصلت بعد وهذا الي صار....كرار الله شاهد جان يتصل مايكطع وياي ويسألني عن حالة ريم...

وكل مره يسولفلي عن حالة جده وصاير بي زهايمر....الشماته مو حلوه ابداا عادي جنت ادعيله الله يشافي صح الي سوا بريم مو قليل بس حسابه عن رب العالمين ...وميضيع حق احد...

ودوامي ماخذ اجازه ومحمد ينقلي كولشي وماعافني ولايوم...بكل شي وبكل خطوه ويايه الله شاهد اكثر من اخو وكلش عزيز عليه ...وبأي شي احتاجه يكون يمي ...

رحت يم ريم سألتني وين جنت كتلها يم امل ....طلبت مني طلب وعرفت راح تطلبه وجنت خايف منه...

-حسام مو تكولون انت والاطباء ماكو فائده من العلاجات غير انه مسكنات ...مو ه هذا ا الي تكولوا...ماكملت حجيها وبدت تبجي ومن بين دموعها كالت اريد اكمل باقي ايامي الي ضاله يم امل وعلي وبينكم هذا اخر طلب دااطلبه منك...