منقذي ذو النجوم

بارت 33

منقذي ذو النجوم

الكاتبه غدير العزاوي

..

من بعد ماسديت الخط بدلت كلت اشوف شنو الموضوع المتعلق بريم يريد يكلي ايا....غطيت ريم وبستها من راسها وطلعت من الغرفه...

نزلت جوه اتصل عليه كالي كاعد كدام المسبح سديته منه شفته وكعدت يمه من بعد الحجي والكلام سألته شنو الشي المهم بخصوص ريم..

شهاب:راح اسولفلك السالفه من البدايه من يوم الي شفتك بي وكتلك اني اشتغل بلااستخبارات..طبعا شغلي اني بس اجمع معلومات وانطي للجهات المختصه بهاي الشغلات اني هم بلنهايه الي خطر بهذا الشغل ...سلمى الي شفتها ذاك اليوم وياي من سألتني عن ريم هاي هم شتغلت ويايه وساعدتني وكلبي هواها وحبها اخذته وياي من طلعنه مناك والله شاهد جانت محافظه ع روحها المهم تزوجنا وراحت ايام واجت ايام واني متزوجها وعايش وياها ريم تعرف ليش مو ويه اهلي ولايوم جذب ع ريم بحجي بس جنت مخفي اشياء عنها مثل انه اشتغل هنانه كجاسوس وبس ...المهم بيوم جنه طالعين اني وسلمى ماحسيت الا وسلمى تكول امشي منا وسحبتني واني اريد افهم شي منها ماكو ماحجت شي واني عفت السالفه سلمى حسيتها داتتغير يوم عن يوم ماتمر دقيقه اذا مااتصلت عليه ويني وشسوي يعني بلمختصر المفيد صارت خايفه ماادري من شنو ...كعدتها بيوم لانه زادت هاي التصرفات من بعد الحاحي عليها حجتلي انه من جنه طالعين هيه شايفه واحد من الي جانت تشتغل وياهم ومن ذاك اليوم جان تجيها رسائل والي عرفته انه اكو بنات شردوهن وحركن اسماء ماضلت يمهم بس باقي شكم اسم وشاكين بيهم ومن ضمنهم مع الاسف سلمى وريم ...صار الوضع يمي لايطاق انتبه اكو ملاحكيني وزادت خطوره اخذت سلمى وسافرنا خارج العراق لانه ماكو امان واني ماعندي لاسند ولااي احد اكدر اعتمد علي ماعندي غير هاي سلمى فطلعنه صحيح الغربه صعبه بس شنسوي اهم شي نضل عايشين ..العراق مايجي يوم ويتصلح من وره الفاسدين الي بي ...المهم سلمى اكدت عليه انه اعرف اخباركم واجي انبهكم ماكدرت التقي بيكم بلحله اول شي اني مراقب وانت وبيتك وتحركاتكم هم مراقبه ...فلااحسن انه تستعجلون بلرجوع لبغداد لانه بيتكم بمنطقة راقيه وامنه مااعتقد الخطر يزول بس اخف يعني من هسه ولاتكول لااي احد من تطلع انه رايح لبغداد وبيتكم هناك ...لاتنصدم انه اعرف عنكم اخبار بس يبقى هذا الشي شغلي اني سويت الي عليه وهاي الرساله اريدك توصلها لريم من سلمى ...ورقمي يمك ماتلكاني موجود علي بس هم اذا احتاجيت شي اني اكدر اوصلك ...يله مع السلامه وسلملي ع ريم هم...ماجنت نواي اخرب فرحتكم وشهر العسل بس شسوي مالكيت غير هاي الطريقه ...

راح شهاب واني ضليت بصدمتي وذهولي من حجيه تخربطت كل احوالي شلون هيج يعني ماتعيش براحه ريم ...كمت طلعت لغرفتنه شفتها كاعده بس اني بالي شارد...

كلتلي بيك شي كتلها لا خلي اروح اجيب ريوك ...وصيت وجابو للغرفه كالتلي تريك كتلها متريك جوه ويه شهاب وهو راح ...هو اني لامتريك ولاشي بس ماالي شهيه اكل ابداا ...صافن ع ريم شلون تاكل وشعرها نازل ببرائه
....