منقذي ذو النجوم

بارت 7

منقذي ذو النجوم

الكاتبة غدير العزاوي

..

دخلت عليهم وبكل صوتي واصيح واكول شنو انتو مووو بشر ماعدكم كلب معقووله تره هو اخوكم قبل مايصير ابونه ولكم بعده ترابه مانشف.....

تقبلون انتو تموتون وهيج يكولون بناتكم ولككم ليش وكعت بلكاع واني اصيح واابجي وحيلي انهد دااحجي بصوت ناصي اشبه بلهمس همه طلعوا بس كالو النه جيه مره ثانيه عود فكرو...

جانت نفاضه يمي شلتها وذبيتها وراهم يعني احنه بيا حال وهمه هيج يحجون معقوله هلكد ما اثر بيهم موت اهلي....زين ليشش...

اجتي رزان عليه كومتني وحضنتني وهيه هم تبجي دخل كرار كال شماسوو بيج مجان لازم تحجين هيج همه اكبر منج...

عفتهم ودخلت للغرفه ولميت رجليه يم صدري وكمت ابجي وااشهك نمت بمكاني وكمت ماادري وره ماادري شوكت رزان تكومني حته اكل جانت جايبتلي للغرفه ...

وكلتني هيه بيدها شويه لانه مالي نفس اكل ابدااا...

بقيت يمهم شي ٣ اشهر بس كل ليله افكر بتصرف حسام واتلمس الكلاده دائما بيدي زين ليش سوه هيج شنو جان قصده ...بس لازم من اشوفه اسأله ..

وماكو شي جديد ومن نسأل عن سبب وفاتهم يكولون حادث بس يكولون متعمد مو حادث عادي بحيث ماعايشين ماما ميته رأسا بس بابا باقي شكم يوم بلعنايه وبعدين فاقدي وبلكوه محصلين ارقامنه... بس دخلت بحاله اكتئاب بس يردون ياخذون مني اي رده فعل ماكو.....

مرتين ودوني وياهم لبيت جدو بس مدااكدر انسجم وياهم ابدااا ....جانو بنات عمي يحجون ويه ابائهم للحضه جنت اقارن بيني وبينهم..

ليش اني بقيت هيج ليش ماما وبابا ماكو وياي ....اشوف خوف امهاتهم عليهم واني مايمي ماما ...

بيوم كالو سميه بلمستشفى لانه وضعها صااير كولش صعب هيه والي بطنها ....ولدت بس خلو الطفل بلخدج ..

سمعت انه تريد تشوفني بلمستشفى لانه حالتها كولش صعبه ....

رحت للمستشفى دخلت يمها كالت طلعو كلكم اريد احجي وياها ...طلعو بقينه بس اني وياها حالتها مو احسن من حالتي بس ابدددا مو سميه الي شفتها اول مره الضحكه الي متفاركها والكشخه وهسه وينها فرق بين السما للكاع...

اتقدمت يمها بدت تحجي...

سميه: ريم اني ماشفت حياتي ويمكن بلفتره الاخيره يله عرفت وقدرت كلشي حوليه اعتذر جدددا اخذت منكم ابوكم بس والله هو الي انقذني من ضيمي وحياتي الي جنت عايشتها ...مسولفتلج اني بس شنو كل هذا وتحجي بلكوه الحروف والكلمات تطلع منها بشكل صعب...

اخر شي كالتلي ايا انه ديري بالج ع ابني اني جان بودي اسمي علي سمي ع هذا الاسم ولاتخلين عمامج ياخذو منج لانه دريت كل نواياهم وانتي بلااخص ديري بالج منهم ...ومااريد علي يتربه بينهم وع الحقد اريدج ماتعوفي وحده عوضي بمكاني كوني اله الام ولاتحسسي بفقدان الام انتي هسه جبيره ومن فقدتي امج وابوج عانيتي فكيف هو طفل مااريدج تعوفي راح اخلي امانه يمج.....