منقذي ذو النجوم

بارت 3

منقذي ذو النجوم

الكاتبه غدير العزاوي

..

-طلعت رزان من الغرفه وجها اصفر مثل الكركم اجت يمي رفعت وحطت عينها بعيني وتلالت الدموع بيها حضنتني وكالت اسفه وركضت للغرفه رحت وراها بسرعه دخلت يمها شفتها مغطيه نفسها سحبت الغطه منها.....

ريم: احجي ولج اشبيج وشكال بابا

رزان:شحجيلج ماادري والله ورطتج ويايه

ريم:دحجججي ولججج اشبيج شكال بابا فهميني

روزان:كال موافق ع الزواج بس ...

ريم:يي لعد شكو هذا البجي

رزان:اني اتزوج كرار وانتي تتزوجين احمد ثنينه طلبونا

ريم:هنانه عبالك ضربوني براسي ..ولج شدتحجين انتي اني وين شايفته غير مره بلسنه واني تدرين بيه اكررهم يااخي اكررررهم ولجج شلووون هيج اني ماموافقه راح اكول لبابا....

-نزلت بسرعه لكيت بابا كاعد بلصاله كتله بابا اني دائما اسكت بس هاي المره لا اني مااريد اتزوجه واصلاا مامفكره بلزواج شلون تنطيني بدون علمي شلون

ابو ريم:اي هاهيه اذا هيج ماكو ماانطي ولاوحده منجن لو اثنينجن لو ماكو

ريم:هنانه جانت الصدمه الاكبر وشلون ورزان تحب كرار قاطعني من صفنتي صوت بابا وهو يكول..

ابو ريم:فكروا اثنيناتكم منا لااسبوع عدكم مجال لو اثنيناتكم لو ماكو ...

-راح دخل للغرفه ..واني كلي خيبات امل طلعت فوك شفت ماما توها طالعه من الحمام كالت

ام ريم :شبيكم صوتكم طالع شجان يريد ابوجن بس لا مسويه شي

ريم:لاماما تعالي هسه نفهمج اخذتها لغرفتنا ومن شافت رزان تبجي راحت عليها

ام ريم:اشبيج ولج ريم اشبيها اختج يله جاوبي شكو

ريم:ماما..........وسولفنالها القصه من البدايه لحد حجي بابا وانه عدنه مهله منا لااسبوع...

لطمت ماما ع خدودها وكالت

ام ريم : ولجن ليش دخلتن نفسجن بهيج مواضيع ورزان ليش ماكتيلي من البدايه يعني اصير دائما اخر من يعلم ليش ولجن تالي عمري اني انطي بناتي الهم يله بله حلوها هسه شلون بيجن

ريم:يي عادي نكللهم ماموافقين وانتهت القصه ورزان اكو الف من يتمناها...كلت هذا الحجي ورزان رفعت راسها الي

ام ريم: هسه بعد بقت يمكم بس اني اكوللكم كرار واحمد ماعليهم شي ومامسمعينه حجي ابدا ونعم التربيه بس بقت يم عوائلهم وانتوا دادكولون انه يطلعج بيت وحدج وانتي ريم بقت يمج بعد

-طلعت ماما بقينه اني ورزان واني اكللها اني مااوافق ابدا اصلا مجرد تفكير مااكدر افكر بهيج شي