( U & Z )
"သေဆုံးသူငွေနှင်းစက်ဒါလီနွယ်တို့နဲ့အတူတူ မကြာခဏလာခဲ့ဖူးတဲ့ကော်ဖီဆိုင်ဆိုတာ ဒီဆိုင်လား ..."
ကော်ဖီဆိုင်လေးထဲတွင်လူအများကြီးရှိနေပါချေ။ သီးသန့်ဆန်၍ တိတ်ဆိတ်သော်ငြားလည်း တခြားသူတွေ မတော်တဆတောင်ကြားလို့မဖြစ်သော စကားမို့ မိုးဖွဲက သိုလ်နဲ့ မျက်နှာချင်းဆိုင်ထိုင်နေရာကနေ အနည်းငယ်ရှေ့တိုး၍ ခပ်တိုးတိုးပြောလိုက်လေ၏။
ဒါကို သိုလ်ကလည်း သူမပြောတဲ့ပုံစံအတိုင်း မျက်နှာချင်းနီးေအာင်ရှေ့ကိုထပ်တိုး၍ စကားသံတိးုတိုးဖြင့်...
"ဟုတ်တယ်ဒီဆိုင်ပဲ ..."
လိုတာထက်ပိုပြီးရှေ့တိုးလာသော သိုလ်ရဲ့မျက်နှာချောချောနဲ့သူမမျက်နှာသို့ အဖျားခတ်လာခဲ့သောသူ့ရဲ့စကားပြောသည့့်လေငွေ့နွေးတို့ကြောင့်မိုးဖွဲတွန့်ခနဲနောက်ပြန်ဆုတ်လိုက်ရ၏။
ပြီးတော့ အလိုမကျသည့်အကြည့်တစ်ချို့ကလဲ သူ့ထံသို့ပြေးဝင်သွားခဲ့လေသည်။
သိုလ်ကတော့ သူမကိုကြည့်ပြီး ပြုံးနေလေ၏။"တကယ်တော့ ဒီဆိုင်မှာက မသင်္ကာစရာဘာမှမရှိပါဘူး ကိုယ်ပုံမှန်လာနေကျ ဆိုင်မို့လို့ သူတို့ကိုပါခေါ်လာခဲ့ဖူးတာငွေနှင်းစက်ကတော့ ဒီကကော်ဖီကိုကြိုက်တယ်ဒါလီနွယ်ကတော့ သိပ်မကြိုက်ဘူး ကိုယ်ဒီကိုလာတတ်လို့ သူလာတာ ..."
"မသင်္ကာစရာ မရှိဘူးဆိုရင်ဆိုင်ထဲကို ဘာလို့ဝင်လာသေးလဲ တခြားဖြစ်နိုင်ချေရှိတဲ့နေရာတွေလူတွေဆီကိုသွားသင့်တာပေါ့ ..."
"ကိုယ်ကော်ဖီသောက်ချင်လို့ ဝင်လာတာလေ ..."
"အပျော်လျောက်သွားနေတာ မဟုတ်ဘူးနော်တာဝန်အရစုံစမ်းဖို့ သွားနေရတာ ရှင်သောက်ချင်ရင်နောက်မှကိုယ့်ဘာသာ တစ်ယောက်ထဲလာပေါ့ ..."
"ပြောထွက်တယ်နော်မင်းရဲ့တာဝန်ဆိုတာအတွက်ကိုယ့်ရဲ့အချိန်တွေကို ဖဲ့ပေးပြီး ပူးပေါင်းကူညီပေးနေတာ ...
ကိုယ်က အလုပ်မရှိပဲ အားနေတဲ့သူတစ်ယောက်မဟုတ်ဘူးဆိုတာတော့ မင်းသိမှာပါ ..."
YOU ARE READING
လျှို့ဝှက်သော သိုလ်(Complete)
Romance(Unicode&Zawgyi) သူနဲ့ ပတ်သက်သမျှ အရာအားလုံးဟာ နက်နဲသော ရှုတ်ထွေးမှု များစွာနဲ့ သိုလ်ဆိုတဲ့ လူတစ်ယောက်အကြောင်း။ အပြစ်ရှိတဲ့ တရားခံတိုင်းကို အလွတ်မပေးတတ်တဲ့ ရဲအရာရှိမလေး တစ်ယောက်။ ရှုတ်ထွေးနေတဲ့ မှု့ခင်းတွေ ကြားထဲက သူတို့နှစ်ယောက်ရဲ့ အချစ်ဇာတ်လမ်း။ (...