( U&Z )
ရှင်းသန့်ဖုန်းဆက်သောကြောင့်သိုလ်အကြောင်းစုံကို အားလုံးသိပြီးမှ ထင်ရှားဇော်၏ ဓာတ်ပုံစတူဒီယိုသို့ရောက်လာခဲ့လေသည်။
သူရောက်တော့ ရဲတွေရောက်နေကြပြီဖြစ်ပြီး ထိုနေရာအားလုံးကို ချိတ်ပိတ်ထားကာ ဘယ်သူ့ကိုမှ ဝင်ခွင့်မပြုပေ။
ရှင်းသန့်က သိုလ့်ကို မြင်တော့ သူကိုယ်တိုင်လာခေါ်သောကြောင့်သိုလ်အထဲသို့ရောက်လာခဲ့ရလေသည်။အပေါ်ထပ်က အခန်းထဲတွင်အဓိကသက်သေဓာတ်ပုံတွေ အများအပြားရှိနေလေသည်။ ထိုပုံတွေကို ကြည့်ရုံနဲ့ ထင်ရှားဇော်သည်လူသတ်တရားခံအစစ်ဖြစ်သည်ဟု အထင်မှားစရာ ဘာမှမရှိတော့ပေ။
တကယ်တော့ သူ့ကို ခြိမ်းခြောက်နေသည့်လူသတ်တရားခံအစစ်သည်သူ့အနားမှာ မိတ်ဆွေအဖြစ်ဟန်ဆောင်နေခဲ့လျက်..."ဒါဆို မိုးဖွဲ မိုးဖွဲရော ... "
ရှင်းသန့်ကို သူမေးလိုက်တော့ ...
"ဆိုင်ကဝန်ထမ်းတွေပြောစကားအရတော့ ...
အစ်မမိုးဖွဲဒီကိုရောက်ပြီး သိပ်မကြာဘူး ထင်ရှားဇော်က ဒီကိုပြန်ရောက်လာတယ်......
ပြီးတော့ အထဲမှာ ထင်ရှားဇော်နဲ့ အစ်မမိုးဖွဲတို့ စကားပြောနေတယ်ထင်ပြီး သူတို့လဲ အထဲလိုက်မဝင်သွားဖြစ်တော့ဘူးတဲ့ ......
ဆယ့်ငါးမိနစ်လောက်ကြာတော့ ထင်ရှားဇော်ကကျောပိုးအိတ်တစ်လုံးနဲ့ အစ်မမိုးဖွဲကိုပွေ့ချီပြီး အနောက်ဘက်က အရေးပေါ်လှေကားကနေဆင်းသွားပြီးတော့ ကားနဲ့ထွက်သွားကြတယ်တဲ့ .....
သူတို့လဲ ဘာတွေဖြစ်နေမှန်း မသိပေမယ့်မြင်တော့မြင်လိုက်တယ်တဲ့ ...... ""ဒါဆို ဒီကောင်မိုးဖွဲကိုခေါ်သွားတာပေါ့ ဟုတ်လား ..... "
"ဟုတ်တယ်အစ်မမိုးဖွဲကို ဘာလို့ခေါ်သွားမှန်း နားမလည်တော့ဘူး .....
တကယ်ဆို ရဲတွေသိသွားပြီကို သူလဲသိရဲ့သားနဲ့ ကိုယ်လွတ်ရုန်းမပြေးပဲ အစ်မမိုးဖွဲကို ဘာအတွက်ဖမ်းခေါ်သွားရတာလဲ ..... "
YOU ARE READING
လျှို့ဝှက်သော သိုလ်(Complete)
Romance(Unicode&Zawgyi) သူနဲ့ ပတ်သက်သမျှ အရာအားလုံးဟာ နက်နဲသော ရှုတ်ထွေးမှု များစွာနဲ့ သိုလ်ဆိုတဲ့ လူတစ်ယောက်အကြောင်း။ အပြစ်ရှိတဲ့ တရားခံတိုင်းကို အလွတ်မပေးတတ်တဲ့ ရဲအရာရှိမလေး တစ်ယောက်။ ရှုတ်ထွေးနေတဲ့ မှု့ခင်းတွေ ကြားထဲက သူတို့နှစ်ယောက်ရဲ့ အချစ်ဇာတ်လမ်း။ (...