( U & Z )
"အစ်မမိုးဖွဲ အထဲမှာဧည့်သည်ရောက်နေတယ်..... "
မိုးဖွဲက ရဲဌာန၏ အပေါ်ထပ်တွင်တရားခံပြေးတစ်ယောက်ကို ဖမ်းဝရမ်းထုတ်ဖို့ မျက်နှာပုံကြမ်းထုတ်သည့်ဆော့ဝဲလ်သွားသုံးပြီးအောက်ထပ်ပြန်ဆင်းလာခဲ့သည်။အောက်ထပ်ကမှုခင်းစုံစမ်းရေးဌာနသို့ သူမပြန်ရောက်လာတော့ အဝင်ဝထဲကပင်ရှင်းသန့်က သတင်းပေးလိုက်၏။
"ဘယ်သူလဲ .... ငါ့အမေလား .... "
မိုးဖွဲမေမေဒေါ်ခင်ခင်သွယ်က တစ်ခါတစ်လေသူမအလုပ်လုပ်သည့်ဌာနသို့ရောက်လာတတ်သည်မဟုတ်ပါလား ...."မေမေငါ့ဆီလာရင်ဖုန်းကြိုဆက်မှာပါ .....
အခုဖုန်းလဲ ကြိုမဆက်ပဲနဲ့ရောက်လာတာလားမသိဘူး ..... ""အစ်မအမေ မဟုတ်ဘူး .... "
"ဒါဆိုဘယ်သူလဲ .....
ဒီလိုနေရာမျိုးမှာရှိနေတဲ့ ငါ့ဆီကိုမေမေကလွဲရင်ဘယ်ဧည့်သည်က လာမှာလဲ ...."မိုးဖွဲကို လာတွေ့သည့်သူ မရှိသလောက်ပါပဲ။ သူမမှာ သူငယ်ချင်းရှားပါးပါသည်။သူငယ်ချင်းတစ်ချို့တစ်လေ ရှိသော်လည်း တကူးတကသူမအလုပ်လုပ်သည့်ရဲဌာနချုပ်ဆီကိုတော့ လာတွေ့မည့်သူငယ်ချင်းဟူသည်မရှိပါချေ ။ ဒါဆို အခုရောက်နေသည့်ဧည့်သည်က ဘယ်သူလဲ ......
မိုးဖွဲ ဇဝေဇဝါဖြစ်နေပုံကိုကြည့်၍ ရှင်းသန့်က ရယ်ကျဲကျဲဖြင့်.....
"သိပ်အများကြီး စဉ်းစားမနေနဲ့ အစ်မရေ .....
အခုလာတဲ့ဧည့်သည်က အစ်မချစ်သူဆိုတဲ့တစ်ယောက်ပဲ..... ""ငါ့ချစ်သူ ဘယ်ကချစ်သူလဲ ..... "
မိုးဖွဲ ခဏတော့ကြောင်သွား၍ ရှင်းသန့်ပြောတာကို ဒက်ခနဲသဘောမပေါက်လိုက်ပေ။ ပြီးမှ သူမရိပ်မိသွားရကာ ......"ဘာလဲ ဟိုတစ်ယောက်.... သိုလ်လား ....
သိုလ်ကိုပြောနေတာလား ..... ""ဟုတ်တယ်အစ်မရဲ့ချစ်သူလေးလေ .....
သူရောက်နေတာ .... ""သေချင်လို့လား .... ဘာချစ်သူလဲ ..... "
မိုးဖွဲကပြောလဲပြော လက်ကလဲလှစ်ခနဲ ရှင်းသန့်ဆီသို့ပြေးဝင်သွား၏။ ရှင်းသန့်လဲ အသဲအသန်ရှောင်လိုက်ရကာ ......
YOU ARE READING
လျှို့ဝှက်သော သိုလ်(Complete)
Romance(Unicode&Zawgyi) သူနဲ့ ပတ်သက်သမျှ အရာအားလုံးဟာ နက်နဲသော ရှုတ်ထွေးမှု များစွာနဲ့ သိုလ်ဆိုတဲ့ လူတစ်ယောက်အကြောင်း။ အပြစ်ရှိတဲ့ တရားခံတိုင်းကို အလွတ်မပေးတတ်တဲ့ ရဲအရာရှိမလေး တစ်ယောက်။ ရှုတ်ထွေးနေတဲ့ မှု့ခင်းတွေ ကြားထဲက သူတို့နှစ်ယောက်ရဲ့ အချစ်ဇာတ်လမ်း။ (...