Sadist Lover (Editing)

CHAPTER 10: HE BOUGHT THIS FOR ME

Hi guys! try niyo muna basahin ang Hello, Neighbor ko. Though, next gen na siya ng SL. lol

CHAPTER 10: HE BOUGHT THIS FOR ME

"Hanapin na natin siya." Napatitig ako sa likuran ni Lance nang mag-umpisa na itong maglakad. Sinundan ko naman siya kaagad dahil baka maski siya ay mawala. Nakapamulsa ito habang naglalakad. Hindi niya sinasabi kung saan kami pupunta pero alam ko na kung saan. Patungo kami sa CR!

"Tingin mo nandoon siya?" Medyo binagalan na niya ang paglalakad para na rin siguro masagot niya ang tanong ko.

"Kaya nga hahanapin." He told me. "Baka makasalubong din natin siya." Sabi pa nito.

Muli na namang bumilis ang paglalakad nito kaya naman maski ako ay binilisan na rin ang paglalalakad.

Pumasok kaagad sa CR si Lance at ako naman ay naghintay sa labas. Sana naman ay nandoon si Jake. Imposibleng lumayo pa siya para mag-CR! Ito ang pinakamalapit sa shop na kinaroroonan namin kanina.

"Wala siya sa loob." Walang kagana-ganang sabi ni Lance.

"Imposible 'yun. Nasaan siya?"

"I don't know and I don't really care." Matapos niyang sagutin ang tanong ko ay nauna na naman itong maglakad. Wala naman akong choice kung hindi sumunod sa kanya. Parehas pa naman kaming naka-uniform ngayon. Bawal pa namang pumunta ng mall kapag class hour pa.

"Lance, sandali lang!"

"What?"

"Pwede bang sa'yo na muna ako sumama? Malay mo makita ko si Jake habang---"

"Let's eat, then."

"Pero kakatapos ko lang kumain kanina saka---"

"I said let's eat."

"Jerk." I murmured. Hindi man lang ako pinapatapos magsalita? Bossy! Gusto laging siya ang nasusunod. "Hoy Lance," Medyo binagalan naman nito ang paglalakad. Napansin ko naman na tuwing kinakausap ko siya ay medyo bumabagal siya sa paglalakad para na rin siguro marinig ko ang magiging sagot nya kapag nagtanong na naman ako.

"Saan mo nakuha ang peklat mo?"

"Sa siko, tuhod o sa mukha?" Sa sinabi niyang iyon ay napatingin tuloy ako sa siko niya. May marka nga ito ng tahi... pero marahil sa kakalaro nito ng soccer kaya niya nakuha yun.

"Yung sa mukha."

Nagkibit balikat lang ito at patuloy sa paglalakad. Akala ko nga wala na siyang balak sagutin ang tanong ko pero mga ilang sandali pa ay sumagot din siya.

"Paglaki ko nandyan na 'yan."

"Hindi ba sinabi ni Tita ni Lian o ni Tito Jun?"

"Are we close enough for you to ask that?" Sabi ko nga tatahimik na ako. Hindi na ko magsasalita. Bahala ka sa buhay mo. Mapanis sana ang laway mo. Napakasungit talaga! Tapos mas binilisan pa niya ang paglalakad. Anong akala niya sa mall? Venue ng isang marathon?

"Hoy sadistang rabbit."

"What?" Napakunot talaga ang noo ko dahil sa itinawag niya sa akin.

"Sadistang rabbit." Napansin ko ang pagngisi nito kaya alam kong nang-aasar na sita.

"At talagang inulit?" Humalukipkip ako at huminto sa paglalakad.

"Sabi mmo what. Akala ko tuloy hindi mo naintindihan." Napairap talaga ako ng todo dahil ginawa pa akong bingi. Loko-loko talaga! Akala ko pa naman magkaibigan na kami tapos ginaganito niya ako?

"Sadistang rabbit, anong masarap kainin?"

"Carrots." Rabbit siya nang rabbit. Kumain siya ng carrot kung gusto niya!