منقذي ذو النجوم
الكاتبه غدير العزاوي
..
فتحت الفايبر اشوف شصاير شنو هاي الرسائل لكيت مراسلتني فاطمه ولكيت نفسي بكروب تفاجأت ومكتوب علي كروب العائله ...
دخلت علي وجان اشوف الرسائل بلوه وربي بلوه ...صعدت لااخر رساله كاتبين هلا بعروستنا ...
هذا الي يكول والله الكيك جان كولش طيب وحتى من جبته النه ويكولون شي اكيد تسويلنه ...وذنيج يتعاركن يعني احنه مانعرف نسوي ....
ومنانه حسام راد عليهم عرفته من رقمه جنت حافضته لانه كايل..
والله مرتي اني اذكض وراها وانطوني اياها بالف يالله تردون تشغلوها باحلامكم اخليها بغرفتي واقفل عليها الباب.....
وحجي واحد شنو يخجل يموت من الخجل يكول هسه هيه نايمه وبسابع نومه وانتَ داتحلم بيها .....
والله يمكن تمردها اذا اجت يمك....وحجي هواي بعد اخر شي كالو لانزعج جنتنه هسه اكيد نايمه....
وبعدين الصبح هم متراسلين وكايلين جنتنه تنام للظهر ...ضحكت عبالهم انام للظهر مايدرون جنت اشتغل .....
طلعت وشفت رساله هم دخلت علي شفته رقم حسام ....
كاتب صباح العسل لااحلى كيمر ...
اريد افهم شلون رهمها هاي ...مارديت طلعت دخلت ع فاطمه رديت عليها وراسلتها ....
وبلكروب ماراسلت ...شويه وصلتني مسج من فاطمه تعالي للكروب لاتستحين صرتي منه وبينه بعد....
كتلها ان شاء الله ...كالتلي وخري هاي الرسميات بيناتنه انتِ صرتي اختنه اني وملاك بعد مو جنتنه....كتلها فدوه لكلبج حبيبتي ....
رحت راسلت بلكروب كتبت هلا اول شي فاطمه دزت يم كل رقم اسمائهم وكالت حفضيهم....
كتبت ع كل رقم اسمه ومن ضمنهم اسم ام حسام هم جانت موجوده....
حفضت وطلعت صارو يراسلوني ...زمن كالت اني ماكدرت اجي والله من اجو لانه جان عندي امتحان وهوسه تدرين بعد....
كتلها ولايهمج حبيبتي ....عادي...
شويه ودخل مهدي كال اسكتو لاتحجون شي اني مو بلبيت تدرون وهسه بلمحاظره تدرون كولش زين مااكدر امنع نفسي من المراسله طلعووو....
ملاك:ع عنادك والله نضل نحجي..
زمن:اي والله صحيح حجيج ملوكه بس مو انتوا الي تعناون اني الي اعاني ويطلع قهره بيه بمقالبه اني شارده...
راحت زمن وملاك كالت اني رايحه..بقينه اني وفاطمه كالتلي تعالي خاص....
حجينه شويه وجانت تفهمني ع عاداتهم وتقاليدهم وشلون عايشين بلبيت كولش حلو لمتهم جانت تحجيلي ....
أنت تقرأ
منقذي ذو النجوم
Romanceوكفت السياره جان بيها شابين وبنيه بس حال البنيه ماعجبني كتلهم صفو على اليمين وهسه اجيكم رحت كتلهم اني فد دقيقه بس استجوب ذيج السياره واجيكم كالو حاضر سيدي تقدمت حاس مو بس احساس متيقن اكو شي غريب نزلو الشباب وره الاجرائات كتلهم منو البنيه الي وياكم و...
