منقذي ذو النجوم
الكاتبه غدير العزاوي
..
اندارينه عليها واني تفاجأت ع شنو تباوع....كالت شنو هذا ...
شفت الفستان مالتي مشكوك شويه من جهة خاصرتي وطالع اثر الحركه من حركني احمد ...
صرت ارمش بعيني واتنفس بس ماكدرت اسوي اي شي والكل باوع ...
ام حسام: واني ابني مجلب ومايريد غير فضلات العالم ...
اندهشت وفتحت عيوني ع وسعهن من سمعت حجيها العبره خنكتني وتنفسي صعب وكأنه شايله الدنيا والبيها ع صدري ...اباوع بوجوهم واحد واحد ماكو اي احد اعرفه ماكو اي احد يسندني وكأنه فريسه وكعت بي وحوش كل عين تحجي شكل ....
خانتني دموعي ونزلن اتقدم حسام غطه الفتحه من يم خاصرتي باايده ومشاني وهو لازمني من خصري للغرفه ....
وقبل لاندخل كال ملاك انتو تكدرون تروحون خلصت الحفله والسينما الي جنتوا تباوعون عليها....
حاسه بثكل ع صدري بس دخلت للغرفه انفجرت بلبجي ودموعي صارت تجري مثل الشلال ....
ماحسيت غير حسام سحبني لصدره وحظني وصار يهدي بيه بس اني ماانقص ازيد....
كالي شبيج ماصار شي تره وبعدين شو خلي اشوف ...ابتعدت عنه ولزمت خاصرتي وهزيت راسي بنفي واني ارجع وره....
-بس اشوفها تره الي يسمج يمسني والي يحجي عليج يعني يحجي عليه ومعليج باامي يومين وتهده واني اعلمهم بلبيت ....
اتقدم ناحيتي ووخر ايدي دنك حتى يشوف واني دموعي مابطلت من النزل استهضمت حيل...
زين منو الي مسوي هيج بلفستان ...
من شاف مكان الحرك فتح عيونه بصدمه بس ماحاول يبينلي شي عرفت....ضمني لصدره وكال...منو الي مسوي هيج ضليت ساكته ماحجيت رفعت عيني وصارن عيوني يحجن نزلت دمعتي وكلت الي اخذني غصب عني هو الي سوا هيج...
- وجه السطل مو ....اني اعلمه...عادي مكان كولش صغير يروح ....لاتهتمين لحجيهم اني انتضر كل هاي السنين هذا اليوم وانتِ تبجين بي ...والله كلبي يوجعني لاتأذيني ...اهم شي اني احبج معليج بيهم ...وهسه اريد السبع بعد يحجي كدامج او كدامي بخصوص هيج موضوع ....
اطمأنيت شويه من حجيه هو شوكت مايحجي يسحب كل حزني وغضبي حتى اتذكرت من اجه وشافني بلزياره هم هيج سوه....كتله بس مو تسوي شي ...كال افاا اني اسوي شي لا تفكرين ارتاحي
حظني وباسني من خدي كالي ديري بالج ع نفسج مااريد اشوف دموع عيونج بعد واني عايش ماطول اني عايش اتحدى واحد ينزل دمعتح بعد من اليوم ورايح....
حضني وباسني من الخد الثاني كال حتى لايزعل علينه ابتسمت ....طلع من الغرفه واني اخذتلي ملابس ونزعت البدله ودخلت اسبح....
أنت تقرأ
منقذي ذو النجوم
Romanceوكفت السياره جان بيها شابين وبنيه بس حال البنيه ماعجبني كتلهم صفو على اليمين وهسه اجيكم رحت كتلهم اني فد دقيقه بس استجوب ذيج السياره واجيكم كالو حاضر سيدي تقدمت حاس مو بس احساس متيقن اكو شي غريب نزلو الشباب وره الاجرائات كتلهم منو البنيه الي وياكم و...
