How to Avoid Heartbreaks

33

The following day, I woke up really late. Tanghali na akong nagising at kung hindi ako ginising ng mga kaibigan, mas late pa siguro akong bumangon.

"Maligo kana," ani Galaxy sabay tapon ng tuwalya sa akin. "May party pa tayong pupuntahan."

"Wear something blue," Sugar ordered. "Taken na ang cobalt blue, midnight blue, navy blue at royal blue. Ikaw na lang ang mag-adjust."

"For a person who dislikes colorful things, you know a lot of colors," I pointed out. Bumelat lang ang kaibigan at ganoon din ang ginawa ko bago dumiretso sa banyo.

After showering, I wore my baby blue bikini then layered it with a see-through wrap dress. Pagkalabas ko ng banyo, tapos na ring mag-ayos ang mga kaibigan.

Hindi ko alam kung saan ang tungo namin kaya sumunod lang ako sa kanila. Dumiretso kami sa dalampasigan at saka pumasok sa isang yate.

"Huy! Kanino 'to?" Tanong ko kay Sugar na busy sa cellphone.

"Malay ko," walang kwenta niyang sagot at saka ako hinatak paakyat ng yate.

"Birthday ng bebe Orion mo," ani Galaxy sabay akbay sa akin. "Hindi mo alam?"

"Siyempre alam niya. Kaya nga nagsuot ng ganiyan para maglaway sa kaniya—" hindi natapos ni Sugar ang sasabihin dahil binatukan ko na.

Sinamaan niya ako ng tingin pero agad din namang ngumisi na ikinakaba ko naman. May kung ano sa expresyon niya na nagsasabi na may masama siyang binabalak.

"So makiki-birthday tayo?" Gulat kong tanong dahil hindi ako na-inform. "Invited ba tayo?"

"Baliw! Siyempre invited tayo—" bigla siyang tumigil at maarteng napatakip ng bibig. "—correction pala, invited kami dahil sa'yo," aniya pa habang tinuturo ako.

Inirapan ko ang mga kaibigan at nauna nang umakyat sa top deck. Kami-kami lang rin ang nandito katulad nang sa dinner kahapon.

Isa-isa kong tinignan ang mga suot nila at katulad namin, naka-blue rin sila ngunit dalawa lang ang nakikita kong naka-light blue— ako at si Orion.

"Sorry natagalan kami. Late na kasing gumising si London," ani Sugar sabay ngisi habang nagsitanguan naman ang mga kaibigan.

"Late na kasing natulog," dagdag pa ni Galaxy sabay iling-iling. "Ano ba kasi ang ginawa mo kagabi?"

"Magkasama tayo kagabi!" I hissed, pretending to be oblivious to the teasing looks they were all sporting.

"No worries," ani Orion. Napabaling ako sa kaniya at nakitang nakatingin din siya sa akin. "You guys stay here while I go make this thing move."

Nang makaalis si Orion, agad silang kumilos na parang nagmamadali. Nakita kong may nilabas silang mga dekorasyon mula sa isang compartment. Ang iba naman ay bumaba at mukhang may kukunin.

"What's happening?" Naguguluhan kong tanong.

"Surprise for Orion," sagot ni Gia at nagmamadaling kinuha ang cake mula kay Iouis. "Here, hold this."

Bago pa ako makapagsagot, nasa akin na ang cake at sinisindihan na ni Iouis ang mga kandila.

Bumaling ako sa mga kaibigan, nalilito, pero nginisihan lang nila ako. Tapos na rin sila sa paglalagay ng mga dekorasyon.

Biglang huminto ang yate, senyales na pabalik na si Orion.

"Sinong maghahawak nito?" Tanong ko sabay taas ng cake.

Sandali lang nila akong tinignan bago binalewala ang tanong ko.

Hindi nagtagal, bumalik na si Orion. Pagkatapos magpaputok ng confetti, kinantahan siya namin ng birthday song. And since I'm the one holding the cake, I had to go near him so he can blow the candles.