My Weirdest Valentine

Chapter 3

Buti na lang ay binitawan din siya ni Valentine makalipas ang sampung segundo. May experience naman na siya sa pag halik sa ex niyang si Diana pero iba ang naramdaman niya nang mahalikan niya si Valentine.

Nakatulala lamang siya kay Valentine habang ito naman ay matamis siyang nginitian.

"Wedding picture!" Pagtawag pansin sa kanila ng isang babaeng may hawak na polaroid camera.

Hinila siya ni Valentine upang pumusisyon para sa picture. Pinalibot nito ang kamay niya sa sariling bewang, niyakap siya nito sa tagiliran at isinandal ang ulo sa kaniyang dibdib. Itinaas pa nito ang isang paa at ngumiti na sa camera, wala na siyang magawa kundi ngumiti na lamang.

Akala niya ay tapos na ngunit humirit pa ng isa si Valentine. Pareho pa rin ang pwesto ng katawan nila pero nakaharap ang mukha nila sa isa't isa. Well, naka tingala si valentine habang naka yuko naman si Saint dahil sa height difference nila.

"Last one, Ria!" pag rerequest pa uli nito kay Ria na nagpipicture sa kanila.

"Tama na Valentine, dalawa na 'yon. Andami pang magpapakasal" Pagsusuway ni Saint sa kanya.

Ngumuso ito sa kanya at unti-unti nanubig ang mata nito. Isa ito sa mga kahinaan niya, napabuntong hininga tuloy siya at napasabi na lang ng "Sige na nga, last one."

"Yey!" Hindi niya alam kung bakit parang natutuwa siya na makitang masaya si Valentine.

Akala niya ay normal lang na pose ang gagawin pero nagulat niya ng bigla siyang talunan ni Valentine. Buti na lang ay nasalo niya ito sa likod at baywang. Ang kinalabasan ay naka bridal carry siya sa kanya.

Itinaas ni Valentine ang kamay na may bulaklak at ang isa ay naka lagay sa likod ng batok ni Saint para sa suporta. Pagka-flash ng camera ay agad itong bumaba sa braso niya.

Excited itong pumunta sa kumuha ng litrato nila at nakita niyang inabot nito kay valentine ang tatlong piraso ng polaroid pictures. Tila kumikinang ang mga mata nito habang pinagmamasdan ang mga polaroids. Niyakap nito ng mahigpit si Ria at patakbong pumunta sa kanya.

Napangiti na naman si Saint dahil sa ka-cute-an nito. Ang weirdong babaeng ito na biga na lang dumating sa buhay niya. Hindi niya mawari kung sino ba talaga ito pero natutuwa siya dito.

Hindi siya close sa mga babae, mas lalong ayaw niya ng mga clingy at magaslaw na babae. Pero parang exception ata itong si Valentine. Hindi siya nakaka-irita, kundi nakakatuwa pa.

Nang dumating si Valentine sa harap niya ay pinakita niya kay Saint ang tatlong polaroids.

"Alin, gusto mo dito?" Natatakpan ng polaroid ang kalahati ng mukha niya pero alam ni Saint na nakangiti ito.

"No thanks, sa'yo na lang lahat 'yan." Ni hindi na niya tinapunan ng tingin ang polaroids sa kamay nito.

Pero ang babaeng ito ay tiningnan na naman siya at ngumuso, maya-maya ay nagtutubig na ang mata nito.

"A-ayaw mo ng wedding pictures na'tin?" Napahilamukos na lamang siya ng mukha at napa buntong hininga, dahil ginamitan na naman siya ni Valentine ng puppy eyes nito.

Kinuha niya sa kamay nito ang litarato kung saan nakasandal sa dibdib niya si Valentine.

Nakita niyang halos pumalakpak ang tainga nito nang kunin niya ang litrato. Si Valentine naman ay itinago na ang polaroids na likod ng phone nito nang nakaharap. Clear ang phone case nito kaya naman, kitang kita ang litrato nila.

Kung titingnan ang polaroids ay mukha talaga silang ikinasal. Pero ang twist ay, arrange marriage lang ito at napilitan lang siyang pakasalan ang babae. Kaya naman mukhang luging lugi ang mukha niya.