My Weirdest Valentine

Chapter 4

"To the Honeymoon!" Sigaw nito habag nakaturo sa field, kung saan nakatayo ang iba't ibang booths.

Hindi na siya nakaangal dahil kinaladkad na siya nito kung saan. Napaka-clingy ng babaeng ito at hindi siya sanay. Kahit na ang ex niyang si Diana ay hindi ganito ka-touchy.

Buong oras ay kinakaladkad lamang siya ni Valentine kung saan nito mapusuang pumunta. Siya naman ay nagpahila lamang, dahil lalo lamang siyang mahihirapan kapag pumiglas pa siya.

Nariyan at pumunta sila sa photo booth, cosplay cafe, mini arcade, cotton candy booth, at marami pang iba. Halos lahat ata ng booth sa feild ay napuntahan na nila. Masakit na ang kaniyang paa kakalakad-takbo at braso kaka-hila naman ni Valentine.

Kaya naman, pinilit niya itong magpahinga muna, kahit na wala ata itong balak na pagpahinga-hin siya. Naka upo sila ngayon sa bench habang si Valentine ay masayang kumakain ng cotton candy. Pinapadyak-padyak pa nito ang mga paa na parang bata.

Nakakunot niya lamang itong tiningnan. Ang daming ginastos ni Valentine, halos lahat ata ng booth na mapuntahan nila ay gumagastos ito.

"Dami mo naman atang pera, dami mong ginastos ah." Pagpupuna niya kay Valentine.

Nagtataka siyang tiningnan ni Valentine habang kinakain pa rin ang cotton candy. Itinigil muna nito saglit ang pagkain at iginilid ang ulo, habang nakatingin pa rin sa kanya.

"Anong ako? Baka ikaw." sabi nito.

"Bakit ako?"Nagtatakang tanong ni Saint.

"Eh pera mo kaya yung pinanggagastos ko." As a matter of factly nitong pag sabi. Lumaki ang mata ni Saint at di makapaniwalang tiningnan si Valentine, dahil sa sinabi nito.

"Ano?!" pasigaw na tanong ni Saint. Tumawa lamang si Valentine sa kanya.

"'Di mo napapansin kanina pa? Siyempre, as a husband it is your duty to spend money on your beloved wife. And because we are married, it is always give and take." Kinindatan pa siya nito at kumain na muli ng cotton candy.

Hindi pa rin siya makapaniwala sa sinabi ng babae. All this time, pera niya ang kanina pa nito ipinanggagastos.

"Wala kang karapatan para gastusin ang pera ko." may diin niyang sabi.

"I'm your wife." as a matter of factly uli nitong sagot.

"It's a fucking fake marriage! Give me back my wallet. Wala akong pamasahe mamaya." galit na utos niya dito.

Hindi siya pinansin ni Valentine at patuloy pa ring ngumunguya ng cotton candy.

"Let's stop this bullshit Valentine! Give me back my Goddamn wallet and flash drive, now!" Hindi na niya napigilan at sumabog na siya. Inis na inis na siya kay Valentine dahil sa paggastos nito ng pera niya.

Hindi siya mayaman para gumasta ng gumasta. Pero ang nakakainis kasi niya ay ginagasta ang pera niya ng kung sinong taong 'di naman niya kilala.

Galit na galit na siya pero ang baliw na babae ay dinededma lamang siya. Pinansin lamang siya nito nang maubos na ang kinakain niyang cotton candy.

"Tara doon sa may dart game na balloons!" Pag turo nito doon sa booth na may tinitirang darts sa mga balloons.

Masaya itong nagmartsa papunta doon at iniwan na siya sa bench. Inis man ay sinundan niya ito dahil kailangan niyang bawiin ang gamit niya. Puputok na talaga siya sa galit.

Lumapit siya kay Valentine na nakatingin lang sa harap ng booth. Mag sasalita na sana siya nang bigla itong humarap sa kanya at iniiabot ang wallet at flashdrive niya.