LOVE WAR (Boys Vs. Girls)

CHAPTER THIRTY EIGHT

Ainiella's Points Of View:

Alas singko y media pa lamang ay nagising na ako, bahagya lang akong nag-inat nang kaunti tsaka dumeretso sa baba.

“Good morning! Gising ka na rin pala, timpla kitang kape? Hindi pa tapos yung niluluto ko eh.” bungad sa'kin ni Lourdes.

“Good morning. Ako na magtitimpla, tuloy mo na yung niluluto mo.” saad ko tsaka kumuha ng tasa at nagtimpla ng kape.

“Si Ronalyn? Ba't di mo pa ginising?” tanong ko kay Lourdes habang hinahalo ang kape ko.

“Alas otso pa raw ang pasok nila, kasi sila ang next after natin magperform.” sagot niya at tumango lang naman ako.

“Excited na ako! Anu-ano kaya yung mga nakahandang games dun?” nakangiting tanong ko sa kan'ya.

“Ewan nga rin eh, kinikilig ako na ewan!” natatawang aniya.

“Paksyet! Ansaya nito! Panigurado!” sigaw ko pa at tinanguan n'ya naman ako.

Tinulungan ko s'yang maghain at saka kami nag-umpisang kumain.

Mabilis lang ang ginawa naming pagkain tsaka kami nagkukumahog na umakyat papuntang kwarto.

Ilang minuto lang akong nagpahinga bago pumasok ng banyo at naligo.

Paglabas ko ay kaagad akong naupo sa harap ng salamin at binlower ang buhok ko at nang matuyo ito ay kaagad akong naglagay ng mga cream at lotion sa katawan at mukha tsaka ko isinuot ung magkaternong damit naming dalawa ni Nicco.

Binuksan ko ang walk-in-closet ko at kinuha ko dun yung Gucci Luggage ko na pinaglalagyan ng mga pinamili namin nila Nicco, nung martes ko pa ito inimpake.

Suot ang dolce and gabbana black pumps ko ay bumaba ako habang hawak-hawak sa kaliwang kamay yung maleta ko at sa kanang kamay naman ay ang sling bag ko na pinaglalagyan ko ng mga make-up at mga cream sa katawan at mukha, at may nakasakbit sa likod ko na Korean small Beige-bagpack na ang nilalaman ay ang white Chanel purse ko at cellphone.

Nakakadalawang hakbang pa lang ako ng hagdan ay kaagad na akong tinulungan ni Nicco sa maleta ko.

“Good morning, babe.” nakangiting bati nito sakin.

“Good morning din.” nakangiti ring saad ko.

“Where's my morning kiss?” bulong nito sa'kin na ikinapula ng pisngi ko.

Lumingon muna ako sa paligid at nakita ko sa mahabang sofa na nag-uusap yung dalawa ni Angelo at Lourdes at si Ethan naman ay nakaupo sa isang single sofa.