#الفصل_الحادي_عشر
#صراع_الحب_و_الكبرياءكملت الدرج بهدوء و عدم اهتمام .. مقررة بس يحاجيها ترده لو مدري منو كَدامها ...
ألقت نظرة بطرف عينها و شافته واكَف وية أمه يحجي بعصبية .. وجه نظراته تتفحصها و تجاهلته و دخلت للهول .. سلمت على عمها الي أخذها بالاحضان بينما عماتها كالعادة، سلامهم رسمي من بعيد .. ملت من كيدهم و نفاقهم ...
و كالعادة بنات عماتها معتزلات بنفسهم و هي معتزلة ببنات عمها الي يتنقلون بين هذا الفريق و هذا الفريق بوديّة تجنباً للمشاكل الحاضرة بكل نقاش ...
نص ساعة و صبوا الغدا و التهوا بيه .. وية ما دياكلون صاح أنس،
- بيبي عاشت ايدج اليوم التمن و البرياني لوز ...رفعت الحجية صوتها و هي ترد بفخر و عينها على وطن،
- يمة اليوم حفيدتي ركّبتهن ...صاح ابو أنس،
- يا هي منهن يمة، اشو هنّ بركة ؟!- وطونة يمة وطونة ...
رد ابو أنس مبتسم،
- والله عمي مرة حوك .. هاي النسوان المعدلة ...
و صد على زياد يكَوله بصوت ناصي ما سمعه غير أنس القريب منهم،
- منا و جاي ترفع التسعيرة بعد اخوك ههههه ...زياد مبتسم له بلا ما يرد .. الكل ظل متفاجئ و اخوتها يشاقوها و أنس مدنكَ راسه ياكل بهدوء و طول الوقت عيونه تفتر على أدهم بالخفية ..
أول ما انشالت السفرة صاحوا جاي .. صبت الجاي و توها اجتي تشيل الصينية حتى تنطيها لواحد من الولد و لكَت أدهم وراها مستعد .. انطته الصينية بدون كلام و اندارت تحجي وية ديما ع الجامعة ...
ربع ساعة و اجة أنس شايل صينية الجاي و يصيح،
- منو دا يصب جاي ؟!اجتي تتهرب من الموضوع و صاحوا البنات من بين الهوسة،
- توتة ...تحركت بتلقائية لجهة الطباخ .. غسلت الاستكانات و هي و دتحط الشكر وصلت همسته لأسماعها،
- قللي لي الشكر ...صدت عليه،
- من يمتى تشرب شكر قليل ؟!رفع لها حاجبه اليسار و هو يرد،
- من اليوم ...ارتبكت من نظرته العميقة الي كل شي ما فهمت منها و اندارت كملت صب الجاي و ابتعدت عن الكاونتر حتى يشيل الصينية و أشرت له،
- هذا مال جدو، و هذا مال بابا، و مالك تعرفه ...شال صينية الجاي و اندارت وطن لكَت أمه واكَفة بركن من المطبخ و مضيقة عينها عليهم ...
صدت عنها بسرعة و شغلت نفسها بأي شي يبعدها عن هذه النظرة و مقاصدها ...
تلملم البيت كله و ورة الغدا تجمعوا مثل عادتهم كل مجموعة ملتهية بصفحة .. دزتها بيبيتها ترتب صياني الفواكه و الحلويات، و جرت إيد تغريد،
- تعاي وياية ...
![](https://img.wattpad.com/cover/221166870-288-k253023.jpg)
YOU ARE READING
صراع الحب و الكبرياء
Romanceظلم تعرض له جيلين من الأبناء على يد الجد .. فرق إبنه عن زوجته، و كانوا ضحايا ظلمه ثلاث أشخاص .. زياد، سميّة و وطن ... و عاود كرّة ظلمه على حفيدته بعد سنين بزواج إجبار من ابن عمها الأكبر ... هي .. عنيدة، ذات كبرياء ... و هو .. يحمل نفس الدماء، عنيد،...