Monasterio Series #4: A Romance Blossomed In Sirao

Kabanata 11

Kabanata 11

Dashiel:

I'll see you later. Susunduin kita.

Paulit-ulit kong binabasa ang text na 'yon ni Dashiel sa akin habang nakaupo ako dito sa canteen at kumakain ng tanghalian. Hindi ko mapigilan ang mapangiti habang nakatanaw roon.

I'm already using the phone he gave me and I'm still familiarizing myself with it. Mahirap dahil hindi naman ako sanay rito. Marami pang pinipindot kumpara roon sa luma ko. Kanina ko lang rin ito nagawang kalikutin dahil ibinuhos ko ang oras sa pagaaral.

When I unboxed it earlier, Dashiel's number was already registered here. Tama nga siya nang sabihing ayos na ang lahat, gagamitin na lang.

Ako:

Ikaw ang bahala.

Pagkatapos ipadala ang text na 'yon ay nagsimula akong busisiin ang laman ng cellphone. My lips held a smile when I saw the application I've been dying to download before but couldn't be able to make it.

Binuksan ko ang Instagram sa unang pagkakataon. Ang sabi ni Dashiel ay naigawa na raw niya ako ng account doon. Tama nga siya dahil madali akong nakapasok. The username he even put was @LucindaDelaCruz. Mayroon na rin akong profile picture, litrato na siya pa ang kumuha sa akin nang hindi ko namamalayan dahil naka-side view ako.

Ibinaba ko ang hawak na tinidor at nag-focus sa pagkalikot ng cellphone. Ayon sa account ko, mayroon akong isang follower at isa lang rin ang taong sinusundan ko - siya iyon. I clicked his picture and his personal account instantly showed up.

Dashiel looks so sophisticatedly handsome in his profile picture. He seems to be in some social place, certainly not in their mansion here in Argao. He has hundred thousands of followers but he only follows six people. Tiningnan ko kung sino ang mga sinusundan niya at pangalan ko kaagad ang bumungad sa akin.

Mera Francheska Monasterio
Adrianna Grace Monasterio
Zadriel Monasterio
Tatiana Follosco
Lauren Cassandra Ricaforte

Halos puro kamag anak lang pala niya ang pina-follow niya. Pero nakakasurpresa pa rin na madami siyang followers. Kung sa bagay, kilala siyang tao at siguradong maraming kuneksyon. And I bet his followers are mostly women.

"Hi, Dreya! Puwede akong tumabi sa'yo?"

Nag angat ako ng tingin at nabungaran si Marcus na nasa akin ang atensyon habang may hawak na tray. Tipid akong ngumiti sa kanya.

"Sige lang. Wala naman akong kasabay."

Hindi na siya nagsayang pa ng oras at naupo na sa harapan ko. I anchored my eyes back to my phone and received a message from Dashiel again.

Dashiel:

No more rejections. That's good.

Natawa ako, napapailing dahil sa mga sagot niya. Ramdam ko ang literal na kilig sa puso ko sa mga simpleng kilos niya sa akin. Wala akong maramdaman na pagdududa. Pawang totoo nga ata ang lahat.

"Mukhang masaya ka ngayon."

I diverted my eyes to Marcus who's now staring at me while holding his fork. He brought his gaze on my phone and stared there for a little while.

"Ang ganda ng cellphone mo. Bagong bili mo?"

I gulped. Mabilis akong nagisip ng alibi na puwede kong gamitin tungkol sa cellphone na ito. He knew the kind of life I have. Isa lang akong magsasaka kapag hindi nagaaral. Mahirap makabili ng ganitong kamahal na cellphone lalo pa kung iyon lang ang trabaho na mayroon ang mga magulang ko.