بقلم " فاطمة الدليمي " 💙
حسين: يولوا يولد بالعجل شوية هّمة لاتظلون تماطلون بنفسكم.
احمد:: هاا ابو يوسف تبين شاد حزامك علولد شوي فك عنهم لاتخاف نلحك .
حسين : ول يابة غير عرسوا لاخوي واريدوا يفرح بعرسوا ونبيض وجهوا ويا الاوادم .
احمد : ان شاء الله وجهوا ابيض اي يخوي وهذا فرات راح يزوج وياخذلوا دجلة بقينة بس انة وياك .
حسين : يول جم مرة كتلك لاتصنف عليةوتكول ياخذلوا دجلة عيب مايجوز . تريد انتَ روح اتزوج انة ما اتزوج هساع .
احمد : لاتلزمني محاضرة عيب وعيب بشرفك هو فرات وياخذلوا دجلة انة مامقهور غير علولد الي يخلفونوا
راح يسمونوا شط العرب .ههههههه
حسين: عجل هيجي صارت السالفة انتَ بس تكَرب وتعال هين يمي وتكَظبك ايدي شون اخلي دجلة وفرات ينقهرون عليك.
احمد : شني قابل خبل واَكَرب يمك غير تعيدوا لفصالي من جديد ،انة مامقهور غير ع المرة الي راح تتزوجهة الله يساعدهة ماخذتلهة واحد اشطر من محمد علي بالملاكمة .
حسين : راح اجيك واشوفوا منو الي ينقهر عليك .
طلعت تنقهر ع امة محمد كلهة . يلة كافي لغوة روح اسقبل المعازيم .
احمد : هههه يخوي كليبي رجيج مو بيدي شسوي
حسين : فرات مبروك عرسك منك المال ومنهة العيال يوم نشوف وليداتك .
فرات: تسلم يخوي بحضورك ، يوم الكَ ونشوفك عريس . وينفتح كَليبك .
حسين : يولوا اليوم شبيكم وياي هساع انتوا عرسوا انة ما اريد ، خلوني اشوف تاليتوا ليوسف واطلعوا من حالتوا .
فرات : الله كريم ان شاء الله تصير حالتوا زينة .
يلة روح بدل حتى نتوكل.
حسين : هااا يول هين الحجي كول مستعجل ع مرتك.
فرات : ههههههه والله محد يكدرلك غيروا لاحمد.
حسين: هو احمد وينوا وين راح.،
بسرعة سبحت وبدلت لبست دشداشة بيضة وشماغ احمر .واخذت سبحتي وطلعت ادور ع يوسف .ولان اشوف امي ملبستوا دشداشة ..فدوة طالع حيل حلوو
اخذتوا وصعدت بسيارتي والباقين توزعوا ع السيارات.
احمد: عشتوا للدور وعساس كمت اهوس واليوم عرسوا لاخوية لحد يحجي وياية ..
نصوا لطريق نزلنا انة واصدقاء فرات نركص ونغنيلوا ونهوسلوا ...
يسيطرة هدينا ..
هذا عرسوا لوالينا
يحمود هذا الوعد
شتريد من امك بعد
بنت جواد ومكلفة
ونريد من عدها الوفة
طب العريس وشفناه
حمدنة الله وشكرناه...
حسين :: هههههه مخابيل انتوا فضحتونة . يلة اصعدوا .كافي..
رحنا جبنا العروس من بيتهم وانة والولد علكناها بالرمي ، وصلنا للبيت وتعشوا الناس ، بعدين ورة العشا كام الجوبي يدك .انة واحمد لزمنة راسوا للجوبي . حتى ساس هم لعبنا ...بقينا ل١٢ وكل واحد راح لبيتوا ،،
كمت افكر بوضعوا ليوسف يبين شوي متغيرة حالتوا مو مثل قبل ..
حسين : كَاعدة افكر بيوسف احسوا متغير واطباعوا مو مثل قبل صاير احسن .
احمد : يول منو الماخذتوا لعكَلك وصافنلهة .. لا تصفن مو الك الصفنة
حسين : ههه شني انة موبشر لو بس الصفنات الكَ تعال هين اريد احاجيك..
احمد: اكَحز غادي خل اكعد بسدك تبين سالفتك ماهي خالية .. بعد بيهة صفنات..
حسين : يول انتَ عمرك كَلوا كَظيتوا تفكيرك زايل صفح. السالفة تخصوا ليوسف يعني مو الي لا تكيف.
احمد : ههههه حرامات شني سالفتوا ليوسف .
حسين : ما ملاحظوا شون متغيرة اطباعوا صاير وجهوا مبتسم ويحجي ويانا مو مثل قبل ، لاحضتوا للتغير علية من كمت اخذوا للجامعة وياي..
احمد: اي منتبه ، الحمد لله عجل انتَ ما سألتوا شفتوا . شبي.
حسين : اي سالتوا وحاولت اجرجر منو الكلام ، يكول صاير عندوا صديقة .
احمد : بلكت الله تكون هي سبب تغيروا انتَ همين ولاتركوا..وحدوا.
حسين : انة شوكت تاركوا اشو حتى للدوام اخذوا وياي ومكَظي النهار كلوا يموا .
احمد:: الله كريم ...صدك شفتوا لفرات اليوم يبين مريحوا الزواج حسيت بي من كلاموا ...خما مثلي ومثلك .االله يعلم شوكت نطيح.
حسين : عجل انتَ طلعت ميت ع الطيحة كول هيجي من البداية عليش مدخلني وياك ، روح طيح انة مانعك... يلة اطلع وسدوا للباب وراك ، اريد شوي اتمدد.
احمد: هههههه انة ما اطيح بالهين .. بدون متكول طالع ترة عندي احساس .
حسين : الحمدلله احساسك مشتغل .. اطلع اطلع صايرلي اليسا مدري شسمهة كلكم احاسيس .....
.............................
الى اللقاء في البارت القادم💐😘
YOU ARE READING
عشك أبن الغربية
Short Storyقصة عراقية باللهجة الغربية وخصوصاً من الأنبار أيا دائي ودوائي ... كيف وقعتَ في قلبي مثل الانفجاري ! دويه هزَّ كل افكاري.. كيف أتيتَ من الغربية الى داري ! بلا موعدٌ أختياري .. فقط أسمك بعثر كياني .. كيف لو أتيتَ أمامي ....
