عشك أبن الغربية

بارت 18

بقلم " فاطمه الدليمي " 💙

: الصدفه اللي جابتك دون میعاد،
فرصة و أنا من فرحتي مغتنمها...
، تاريخها عندي مثل عید میلاد،..
تستاهل أحفظ يومها و احترمها...♡♡

........

هالة : احمد جاب العشا باليل .. حضرناه اني وعمتي ..
كلنا كعدنا سوا.. اشو هذا استلمني ..

احمد : ااي هيله وانتِ هم تتعشين ..ويانا

هالة: هااا شنو

احمد: اقصد انتِ هم تاكلين هذا الاكل..
عبالي عايشة  بس ع البرتقال .. وماتاكلين اكُلنا

هالة: خرب بحظي ع هلفشله ..
اي آكله ...  صدك اني من ديالى بس مو معناها ..
عايشة ع البرتقال..

احمد:  صدك   توني يله دريت  تاكلون .. مثلنا همزين .
كتيلي..
اكُلي يابه ... اكُلي.. عليج بالعافية ..

حسين : اي احمد شخبار الذبيحه ..

احمد : مو جاي اتسمم ... اقصد آكل .. هساع وكت ذبيحتك ..
كَوة جذبت ع نفسي .. ونسيتهه .

صدك انه وين هديه عرسي ... اطلبك هديه ..

حسين : كلشي ماكو الك .. هديتك .. واصلتك من زمان  ... 

احمد: والله معليه اريد هدية .. اريد   هديه مرتي ..
صارلك سنتين ذابحني بهديتك .

حسين: ماتريدهه رجعهه ..
عود من تجين هين انه انطيهياه ..

احمد: ترة انه الاصل .. المفروض الفضل اليه ..
اشو كله براس العريس ..
وفوكاها ينطون الهديه للعروس ..

فرات : عجل انطيني سيارتك .. وانه اجيبلك هديه .

احمد : دولي هذه هديه عرسي شون انطيكياها .

طليعة : لاتذبحنه بعرسك عبالك ماخذ حور العين ..
هي ريان العوصه ..

احمد: شكوبيهه .. عوصه وعاجبتني..
طلوع خاف غرتي منهه ..
راح تجي وعبالج انساج واعوفج..

طليعة : امم حظوظ ..
صدك لو كَالوا  .. بالبيت قرود .. وبرة ورود .
الناس تشوفك   انتَ وبس .. ومايدرون بيك ...

احمد : هساع شاذي .. قرد .. المهم حلوو ومحبوب .

حسين : يول بسك عاد .. كملوا بساع .. ولاتنسون ورانه طلعه .

احمد: يبوو نسيت اجيب ويايه  من المختبر  جفوف .
هذا زياد هساع مليان بكتريا ... ووصخ.

ام حسين : يول عيب.. الرجال صار بطولك .. وانتَ لهساع لازكلوا ... كَافي جوز منوا.

حسين : يله كَوموا .. فضونا ..

هالة : ورة ماراحوا .. عزلت المطبخ .. وخطيه عمتي وياي وياي ..شكد حبابةة

بس طلوع ع كوله احمد .. بس تسمع كلام .
ذبحتني كَطمه وكَطمه.