عشك أبن الغربية

بارت 14

بارت14

بقلم " فاطمة الدليمي " 💙

عيناكِ فاطمتي  عيناً مؤدبة فيها ...
من الودِ والأشواقِ ألوانٍ فيها .....
مراوغة الأنثى  لعاشقها .....
كأنها جنةٌ روحٍ......... وريحانٍ !!

..................

هالة: اليوم حنه محمد ..همزين كلشي محضرين الا ما متت تعب ..
اسمعي الاء اني رايحه ابدل كلشي ما اسوي بعد ...انتِ استلمي الباقي..

الاء : روحي روحي بس خلصينه من السانج.

هالة: عود عندج عين وتحجين فوك ماجيتي ولكيتي كلشي حاضر محضر ..

لبست فستان قصير تلث ارباع لون بنك وفليت شعري ..طلعت اخبل .   

الاء : ولج هاي هيج تروحين لبيت العروس !!

هالة: اكيد لا حتة حسين يعلكَني من عطوبي بالبنكَة ..
هو قبل اسبوع يوصي .. راح البس بشت فوكاهن واتحجب..

الاء: هههه والله زين تخافين منه ....يبين ظبطج.

هالة : شلكيتيني صايعة ويظبطني ... هو اصلا الستر حلووو ...يلة امشي تاخرنا ..

مصطفى : ماتمشن .. هسة وكت سوالفجن تطلع ..

هالة : جينة جينة ....رحنا لبيت العروس .. جانت طالعة كلش حلوة ونازكة ..
والحلوة محمد يستحي كوة دخل..
بقينا يمهم تقريبا ساعة ورجعنا..

بليل بدت حنة الولد تخبل ..

الاء : ولج هذولة الولد مااعرف ليش حنتهم تصير تجنن ..

هالة: اي والله صدك يمكن لان يركَصون جوبي...
منطيهم اجواء روعةة ...احسن من عدنا احنة البنات مرتبين ..

الاء: اي والله...  صدك  لعد وليدي وينة ما شفته ..بس لا ضاع خل الحك عليه ..

هالة: ههه تلكَينة كَاعد يعلف يم امي ..ابو بطن.

الاء: لا موهلشكل تصنفينة  ... راح ازعل هو بعد صغير ..

هالة: دروحي شوفي روحي ..

مصطفى : بعد ماخلصت الحنة وكلمن راح لاهلة ...
خل اقنع محمد نركص بعد شوية ..
محمد الله عليك خل نركص بعد شويه .قابل انتَ يومية متزوج.

محمد: شتركص ..يمعود والله تعبت فد مرة انتهيت ..

هالة: اي الله عليك بس شوية ..اريد اهوسلك هم ... هو انتَ اول واحد تزوج ...خل نفرح بيك..

محمد : يبوو يبوو بس شوية.

مصطفى : شغلت اغنية وبقينة نركص .. وهالة بنصنه تصفك منظرنه يموت ضحك ...طلعنا كل خبالاتنا.

هالة: يلة اني راح اهوس وانتوا صفكوا ..

(((حمودي حصل مرة وصوفي صافط ع السرة هلا ...