عشك أبن الغربية

بارت 9

بارت 9

بقلم " فاطمة الدليمي " 💙

احببتها عشقتها وتمنيتها..
احببتها بمرارة بشرارة بجدارة...

بحرارة بقداسة بلطافة بسعادة بتعاسة..
ببرائة بطفولة بحنانة بجهالة ...

احببتها صديقة عشيقة حبيبة ..
أميرة سعيدة حزينة تعيسة ..

رومنسية لطيفة قديسة ..
احببتها عشقتها تمنيتها ...

" تمتمت تمتمة فضحكت عليها ..
فكأن قلبي قد نطق مكانها ...

سنبقى  انا وانتي ويبقى الحب بيننا ..
سوف احارب بقلب قديس..

يحارب كل عتريس  اقاتل ...
كل  إبليس يريد ُ تفرقتنا ...

..........................

ام محمد: يمة محمد انتَ مامفكر تتزوج شتنتظر ماتكلي .هاي اختك وراح تتزوج .

قابل ابقى وحدي اريد ونيس وياي بلبيت.
.
محمد: يمة عوفيني ما داخلة فكرة الزواج هسة  بعقلي ..واذا ع شغل البيت عود اني ومصطفى نساعدج بي..

ام محمد: اي وانه ابقى انتظر شوكت تدخل عقلك ..قابل تريد تصير بالاربعين يلة تتزوج ..مو صار عمرك ٣٠ سنة ..يا شغل هو احنة شعدنة هو بس انتَ واخوك وابوك ..اريد ونيس نسولف سوة نكَعد سوة نلتهي انه وياها .اشو الة ازوجك جان رضيت او لا ، وانه لاكيتلك العروس همين.

محمد: طلعتي طابختهة للطبخة زين.وتريديني بس آكل يلة  بله  مني العروس .

ام محمد: هنة اثنين مو وحدة انه مخلية عيني عليهن وانتَ اختار .. اول وحدة زينب بنت ام هادي وهذه دكتورة . والثانية . تغريد بنت ابو عبدالله ، هذه السنة تتخرج .مدرسة .

محمد : الله كريم خل افكر .

ام محمد: ازوجك يعني ازوجك مفهوم .

محمد: ادري هي غصب خما غصب .

ام محمد: لو ع ايدك تبقى عمرك كلة عانس .مكَابلني وكَاعد .

مصطفى :: عوذة من النسوان من يلحن ..بعد منو يلحكَهن ..

ام محمد: عوذة بعين عدوك .. وانتَ شكو اذنك يمنة ..ماتولي تقرة .

مصطفى : يبوو يبوو لو ادري ما حاجي .. هو انتن النسوان من تلزكن بسالفة بعد لو يجي الحر ما تعوفنهة ..

ام محمد : وانتَ لا عبالك مثل اخوك تكَابلني وتكَعد .بس تنجح من السادس ازوجك..

مصطفى :  لا استلم .تزوجني ماخلصان من وحدة تجي ثانية تكملهة علي وتبقى تكنكن برأسي ..
خليني اعيش اجواء الجامعة اتونس ..

محمد: بالله طلعت تفتهم بس ما ادري ليش لساعك نايم بالسادس لو شوية عقلك يسحب بأمور الدراسة ..

مصطفى : فوك ما كَاعد ادافعلك  مو همه يكولون سوي زين وذب بالشط ..هو انتَ تعرفهن شايفهن .
ترة امك ذوقهة امر من ذوق جديتك قديم ..