عشك أبن الغربية

بارت 13

بقلم " فاطمة الدليمي" 💙

وَما حُبُّ الديار شَغفنَ قَلبي..
               ولكَن حبُّ من سكَن الديارا
  لقد أستوطنَ قلبي

.......           

حسين : الله  الله عاشواا هساع  هلكَثر انه  حلوو وما ادري بنفسي ..

هالة: ههه يسلموا ... يمه التواضع.

حسين: من الله متواضعين ...التواضع ميلوك لغيرنا ..

هالة : اي بالله وانتَ الصادك ..هواي متواضع ..يلة عيني لا تضيع السؤال جاوب ... ما ازعل .. حبك الاول مو .

حسين : يولي حبيش زعليش ، شوفي احنة الظروف جبرتنة ع الزواج لا انه احبهة ولا هي تحبني بس بيناتنة احترام كلش قوي ،
هالة: يعني شون..

حسين: يعني همة قبل جانوا جيرانة وبيتهم فجروا داعش وماتوا كل اهلهة مابقى عدهة احد ، لهذا الوالد الله يرحموا جابهة يمنة وطلب مني اتزوجهة استر عليهة حتة لاتبقى مشردة ، لان جان هو وابوها مثل الاخوان
..وبيوم االطلب مني اتزوجهة ، جان طالع بسيارتوا وداعش قتلوا . لهذا انه حققتلوا  طلبوا وتزوجتهة بس لا عرس ولا كل شي  سوينة ..

بعدين رحنة لبغداد ، وهناك  الله رزقنابيوسف ، ومن جان عمروا سنتين ، احترك بيتنة ، وهي جان عدهة ربوا لهذا اختنكت وتوفت
...وبعدهة يوسف صارت حالتوا مو زينة وصار بي  توحد. ومنعزل ..

هالة: الله يرحمهم ويجعل مئواهم الجنة.

حسين : آمين ،صدك انتِ شسويتيلوا ليوسف وتحسنت حالتوا رغم انه هواي عرضتوا ع اطباء وما فادوا.

هالة: اسرار دولة ميصير تطلع .

حسين :   عجل زين اذا  دولتنة طلع بيهة اسرار.

هالة : اي عيني بيهة اسرار بس ذابيهن ع العام ممخليهن صامت. يلة مع السلامة .

حسين: ههه الله وياج

طليعة: يول صارلك ساعة تحجي ويهاي البترة عجل لوبيهة طول جان شسويت .

حسين: ول عمة شبيج عليهة والله خوش بنية ، بعدين مرتي واحاجيهة شكد ما اريد قابل انه  بايك ..

طليعة: حظوظ البترات الكَطمات.بعد شكَول..
.............

هالة: اليوم اول يوم العيد وحدي مخبوص خبص ، يمة هذه الاء اني اعلمهة  ، ماتجي تساعدني ، خطار اهلهة ، تجي ويا المعازيم ، الة اخابرهة واحجي وياها حجي بطعم الكَهوة، بسيطة .

ام محمد: لايمة لاتخابرين هي هم بيت وعيال قابل تعوفهم وتجي ميصير ، واليوم عيد خطية تقهرينهة .

هالة: ما اخابر ، رايحة انام شوية متت تعب .

................

حسين : يول يوسف يلة امشينة نروح بالعجل راح نتأخر .
احمد: يولوا خل اجي وياكم ضايج .