Unicode Version
"ငါစဉ်းစားနေတာကွာ။ ဒီဘာသာပြန်စာအုပ်ထဲမှာ ရေးထားတာ ဇာတ်လိုက်နဲ့ဗီလိန်က နာမည်ကြီးbarမှာ Cocktail အတူ သောက်တယ်လို့ ပါတယ်ကွ။ Cocktail ဆိုတာ ဘယ်လိုမျိုးလဲလို့ တွေးနေတာ"
ရဝေချမ်းက ဖတ်လက်စစာအုပ်ကို ပိတ်လိုက်ရင်း ဘေးတွင်ထိုင်နေသော ဇေယျာချမ်းကိုမေးသောအခါ ဇေယျာချမ်းက လက်ဖြောက်တစ်ချက်တီး၍ ပြောလေသည်။
"ဒါလေးများ ဒီကဆရာကြီးကို မေးပါဟ "
"မင်းကို ဆရာတင်မယ့်အစား ငါပဲငတုံးအဖြစ်ခံလိုက်မယ်"
ဇေယျာချမ်းက မိမိအားအထင်မကြီးသလို ပြောလာသည့်ရဝေချမ်းကို လျစ်လျူရှုကာ ဆရာကြီးဂိုက်ဖမ်းပြီး ခပ်တည်တည်ဖြင့် ဆက်ပြောလေသည်။
"Cockဆိုတာဘာလဲ"
"ကြက်ဖ"
ရဝေချမ်းက မဟုတ်တာတော့ လာတော့မည်ဟူသောအကြည့်တို့ဖြင့်ကြည့်ရင်း ပြန်ဖြေလိုက်သည်။ စိတ်ထဲမှာတော့ ဇေယျာချမ်းဗရုတ်သုတ်ခလုပ်တော့မည်မှန်း သိနေ၏။
"tail ကရော "
" အမြီးလေ"
"အေး။ အင်္ဂလိပ်စာဆိုတာ ဘယ်တော့မှတိုက်ရိုက်ဘာသာမပြန်ရဘူး။ ကြက်မြှီးဆိုရင်မှားသွားမှာ။ ဆီလျော်အောင်ဘာသာပြန်ရရင်ကြက်ဖင်...။ အဲ့ဒီတော့ cocktailဆိုတာ ကြက်ဖင်ဆီဖူးပေါ့ကွ "
ဇေယျာချမ်း လူတတ်ကြီးစတိုင်ဖြင့် ပြောသောစကားအဆုံးတွင် ရဝေချမ်းက သူ့ကို ထရိုက်ပါတော့သည်။
"ငါထင်သားပဲ။ ဗရုတ်သုတ်ခတော့ပြောတော့မယ်ဆိုတာ "
"cock ကြက်ဖ tail အမြီးလေ။ ငါဘာမှားလဲ။ ပြော"
"အဲ့တော့ ဇာတ်လိုက်နဲ့ဗီလိန်က နာမည်ကြီး barတစ်ခုမှာ အထာကျကျ ဖင်ဆီဖူးစားရင်း စကားပြောတာဖြစ်နိုင်တယ်ပေါ့လေ"
ရဝေချမ်းမှာ တစ်ချက်လေးမှလေးစား၍မရသည့် အစ်ကိုဖြစ်သူကို မျက်ထောင့်နီဖြင့်ကြည့်၍ ပြောသောအခါ ဇေယျာချမ်းကလည်း မင်သေသေနှင့် ဘာမှအမှားမပါသလို မျက်နှာထားဖြင့် ပြန်ဖြေလေသည်။
"သူတို့ကြိုက်လို့ စားတာနေမှာပေါ့"
"တော် တော် တော်။ မင်းနဲ့ စကားပြောရတာ ကြာရင်ဦးနှောက်ပျက်သွားလိမ့်မယ်"
YOU ARE READING
Falling In Love With the Most Admired Person
Romanceကိုယ္ေလးစားရတဲ့လူတစ္ေယာက္ကိုခ်စ္မိသြားမယ္လို႔ ေတြးဖူးၾကလား.... စိတ္ကူးနဲ႔တင္ယုတၲိမတန္ခ်င္စရာပါ။ ဒါေပမယ့္အဲ့လိုယုတၲိမတန္တာကကြၽန္ေတာ့္ဆီမွာ တကယ္ျဖစ္လာေနၿပီ!!!!!!!! ကိုယ်လေးစားရတဲ့လူတစ်ယောက်ကိုချစ်မိသွားလိမ့်မယ်လို့ တွေးဖူးကြလား..... စိတ်ကူးနဲ့တင်ယုတ္တ...
