الجزء الرابع
فى الشركة أمير قاعد بيفكر فى مريم الباب اتفتح دخلت فرح ومريم وقفت وراها طلب منهم يقعدوا ولاحظ حزن مريم أتمنى يضمها ويخفف عنها ألمها ويبعدها عن العالم وتعيش فى مكان معزول عن الكل
فرح بحرج: أسفه على التأخير أوعدك هتكون أخر مره
أمير مستنى مريم تتكلم لكن عارف إنها هتسكت لغاية مايكلمها ويسألها
أمير: أتوقعت إنك تردى بكره اتفاجأت بوجودك
مريم بهدوء: أنا موافقه على طلب حضرتك وممكن أبدأ من الوقتي علشان أثبت إنى قادرة أواجه العالم ومش هخاف تانى
أمير بإبتسامة: حقيقى شايف فرق كبير بين كلامك معايا إمبارح والنهارده شايفك حاليا واحده قوية ومستعده للتحدى اللى داخلين عليه
مريم بشرود: الانسان ممكن يتغير فى لحظه انا عارفه إنى هواجه أزمات كتير لكن مريم القديمة ماتت إمبارح اللى معاك حاليا شخصية جديدة قررت تعيش الحياة
وقف أمير وخرج مع مريم عرفها على المهندسين اللى فى الشركه ومازالوا على تعجبهم من شخصيتها توقعوها شخصية صعبه وعايشه بمبدأ كل شئ ممنوع
وبدأت تشتغل فى المشروع اللى طلبه أمير منها .. أما عند أمير رجع مكتبه مبتسم إن مريم هتكون معاه وقرر يتكلم مع فرح علشان يعرف حكايتها .. فرح على مكتبها دخل عمار وصفر بصوت عالى علشان تنتبه لانها كانت مركزه فى ورق معاها بصت له من غير اهتمام قرب منها
عمار: ممكن تبلغى أمير إنى عاوز أقابله
فرح بهدوء: اقوله مين حضرتك وفيه ميعاد ولا اول مره
عمار بغمزه: هى أول مره أشوف القمر طالع الصبح بس مش أول مقابله مع أمير ممكن أعرفه من ٢٥ سنه
رمت القلم من يديها: حنستظرف باين انت شكلك كدا جاي بواسطة وشايف نفسك بص شوفلك شركة ثانية ويالا من هنا
عمار: شكلك انتي الي شغالة كوسة هنا بسبب لغتك دي انتي اخرك في توك توك تباعة
فرح تتخصر: نعم يا عمر انت والا اسمك ايه الاهي توك توك يفرمك يا بعيد انا خريجةتجارة انجلش يا جاهل وبقولك
ايه اتفضل من هنا بدل وربنا اوريلك النجوم مش بس القمر
عمار: قصيرة وعملالي مهرجان هنا انا حدخله وريني حتوقفيني ازاي ومشا من قدامها اما هي مسكته من قميصه وبقوة اتقطع والتفت بغضب انتي هببتي ايه نهارك مش فايت وجري نحوها اما هي ولا همها ولكن تراجعت للخلف ولم تنتبه للساعي بيده القهوة وادلقت عليها وانفجر ضاحكا ولم تكتفي بل استمرت مناقرتهما الي ان خرج اخاه قائلا في ايه ايه الدوشة دي
فرح باندفاع: انا فهمته انه مش حيدخل من غير ميعاد سابق واظطريت اوقفه
عمار: توقفي مين دا اخويا
فرح: اخوك وقالت في سرها عليه العوض في الشغلانة. ..
دخل عمار وهو بيتوعد ل فرح لكن خافت لما شافت نظرة من أمير خوفتها قرب من مكتبها
أمير بهدوء: المره دى هعدى الموقف لكن لو اتكرر تانى هتكونى بره الشركه
فرح بتوتر: انا أسفه بس أخو حضرتك غلط معايا
حكت له الموقف وغضب من أسلوب أخوه دخل المكتب وطلع تيشيرت جديد وعطاه ل عمار علشان يلبسه بعد فترة دخلت فرح ومعاها القهوة وأمير متابع بخبث النظرات بينها وبين عمار وابتسم
أمير بهدوء: فرح عمار اخويا ومكتبه فى أخر الدور أتمنى تقبلى اعتذارى نيابه عنه
فرح بتحدي: أسفه حضرتك مش هقبل اعتذارك " بص لها عمار بغضب " هو اللى غلط الطبيعي هو يعتذر بعد إذنكم
خرجت و اتكلم أمير: عمار أنا تعبت علشان أكبر الشركه اللى معانا هنا اعتبرهم أخواتك بلاش لعب عيال هنا فاهم
عمار بحرج: أكيد طبعا بس أقولك سر البنت مختلفه عن البنات اللى اتعاملت معاهم كانها جايه من منطقة شعبيه
حدفه امير بملف قدامه خرج يجرى وشافها قاعده مع عميل قرر ينتظر وقت تكون لوحدها ويعمل فيها مقلب .. اما أمير قاعد وبيفكر فى مريم دخلت فرح وبلغته إن فيه عميل عاوز يقابله دخل وقعدوا يتناقشوا واتفقوا يتقابلوا بعد يومين ويشوفوا المكان قرر ياخد مريم معاه........
♡♡♡♡♡♡
عند خديجة فتحت وشافت خلود وكإن الزمن رجع تانى مش مصدقه انها شافتها تانى خوف واشتياق من الجاى هيكون دمار للكل نار وهتحرق الأخضر واليابس ودموعها نزلت حست ان ابنها رجع للحياه من جديد وقفت صباح خايفه من رجوعها تانى ومصير مريم بعد ظهورها ياترى عرفت إن بنتها لسه عايشه ومواجهة وجدي لو عرف انها رجعت مريم هتكون ضحيه بينهم فاقت على صوت خلود
خلود بدموع: مش هتستقبلينى يا عمتى دورت عليكم كتير لكن قالوا انكم سيبتوا البيت متخيلتش إنى هقدر أشوفك تانى وحشتينى أوى
خديجة بحزن: رجعتى ليه تانى وعاوزه أيه مننا ظهورك هيفتح النار على الكل منفذتيش وصية عمك ليه
خلود بترجي: أرجوكى قوليلى الحقيقة عاوزه ارتاح من العذاب اللى عيشاه بنتى ماتت ولا وجدي كدب عليه
خديجة اتنفست بألم لأنها مش هتقدر تقول الحقيقة ورجعت بذكرياتها ٢٢ سنه لما أبو خلود مات وعاشت معاهم
«« بعد موت والد خلود كان أخوها مسافر بره مصر خديجة عارفه إن مراد بيحبها وكان عاوز يتجوزها لكن قرر يستنى رجوع أخوها مرت فترة واتعرفت خلود على رغدة وبقوا أصحاب مراد كان رافض علاقتهم ببعض حاول يعرف حقيقة رغدة بس كانت ذكية بتنفذ خطتها من غير متسيب أثر وراها .. اتعرفت رغدة على وجدي وعرفت تخدعه بحبها رغم اعتراض مراد على ارتباطهم لكن اتجوزوا مع بعض فى نفس اليوم مرت فترة و حملت خلود وقتها رغدة قررت تخلص منها لانها مش عاوزه يكون فيه حفيد للعيلة غير ولادها مش هتقبل حد يشاركها فى حقها عملت خطه ذكية علشان تطرد مراد وخلود من البيت .. اليوم ده كان وجدي كان مسافر وخديجة مع خلود عند الدكتورة كانت فى أوضتها و سمعت صوت عربية مراد ولما سمعته طالع على السلم صرخت طلع بسرعه وفتح الباب اتفاجأ بها هدومها مقطوعه ووجها عليه أثار ضرب كانت خديجة وصلت وطلعت هى كمان مع خلود واتفاجأوا بالمنظر و لما شافت خديجة راحت تبكي بتمثيل واتهمت مراد انه اعتدى عليها وهددها تسيب البيت والا هيتعامل معاها.. وقفت خديجة ساكته لانها عارفه ابنها أه هو رافض وجود رغدة لكن مش ممكن يتعامل بالطريقة دى مع أى واحده وقفت خلود ورا عمتها ودموعها نزلت خايفه من الجاي هى عارفه جوزها كويس ومستحيل تصدق إنه يعمل كده
خديجة بهدوء: أنا عاوزه أعرف الحقيقة اتكلم ساكت ليه
صديق سمع كلامهم وبدأ يضرب مراد بغضب: دافع عن نفسك مستحيل تكون ابنى اللى ربيته
نزل صديق ومعاه مراد: من النهاردة مش عندى غير ابن واحد اطلع بره بيتى
وقف بره حزين ومصدوم من أسلوب والده ازاى الكل صدق كدبها خرجت خلود معاه
خلود بألم: أنا عارفه مراد كويس لو أنتم مصدقين كدبها أنا لأ مراد جوزى وعمرى ما هبعد عنه »»
خرجوا سوا وقعدت خديجه تبكى فاقت من ذكرياتها على صوت صباح
صباح: ممكن تمشى الوقتي وجودك هنا هياذى الكل أرجوكى
مشيت وقررت ترجع وقت تانى
♡♡♡♡♡♡
عند فرح قاعده ولمحت فار بيتحرك وقفت على الكرسى وصرخت خرج أمير ولمح الفار وقرب يمسكه لانه عارف انه لعبه وشاف عمار واقف مستخبى مسكه ورماه فى الشارع وقفت مصدومه
امير: اطلبى مريم قوليلها تيجى المكتب
وصلت ودخلت وبدأوا يتكلموا فى المشروع الجديد وهى مركزه معاه
وجدى قاعد بيفكر ازاى هيعرف مكان خلود وفجأة وقف
رغدة بهدوء: رايح فين الوقتي
وجدي: بعدين هتعرفى
وصل الشركه ودخل اول فرح ما شافته اتصدمت بسبب وجوده خاصة ان مريم عند أمير
وجدي: انتى بتعملى أيه هنا
فرح بتردد: أنا بشتغل هنا
وجدي: حلو بلغى المهندس انى عاوز أشوفه حالا
فرح: بس هو مشغول حاليا ممكن تقابله بكره
لسه هتعترض راح وجدي واقتحم المكتب عليهم
يتبع
ياترى وجدى هيعرف مريم وأيه خطته و أيه باقى حكاية رغدة وليه اتسببت فى طرد مراد من البيت عاوزه توقعاتكم ✍️✍️
