الجزء الثامن
وجدى عرف بوجود جنا عند والدته لكن رغدة كانت رافضه إنها تتعامل معاهم وطلبت منه يروح يرجعها قبل مايأثروا عليها وتكون فى صفهم .. لكن قبل وصوله كانت وصلت مريم مع خلود صباح فتحت واتفاجأت بوجودها مع مريم لكن خوفها على مريم و قلقها كان أقوى ضمتها بحب وخوف بعدت عنها
صباح بعتاب : كنتى فين طول الليل خايفين عليكى سامحيني
مريم بهدوء : إنتى اللى سامحيني بس أوعدك هرجع حقك إنتى وفرح
صباح بخوف : مش هقبل تعرضي نفسك للخطر الليل مهما طال النهار مسيره يطلع جدتك قلقانه عليكى وزعلانه منك ادخلى طمنيها عليكى
دخلت مريم أوضة خديجة وشافت معاها صوره رفعت وجهها وشافت مريم قررت تعاقبها بسبب اختفائها لكن مريم جريت عليها وضمتها بكت بقوه لدرجة إن صباح و خلود سمعوا صوتها خديجة خافت عليها بعدتها بهدوء ولسه هترفع النقاب مريم حركت رأسها بالرفض لكن رفضت تسمع لها لانها الوحيدة اللى مريم بتكشف وجهها قصادها رفعت أيدها و مسحت دموعها مريم كانت ضعيفه جدا منهاره نامت على رجلها وبدأت خديجة تمسد على شعرها .. عند صباح كانت مستنيه إن خلود تتكلم و تسألها بس ياترى هاتقدر تجاوب قعدوا فى الصاله بعد ما جابت لها عصير تشربه
خلود بحزن : مريم تبقى بنتى ' صباح ' وحياة بنتك قوليلى الحقيقة ريحوا قلبى بقى حرام عليكم
صباح : مش من حقى اجاوب على سؤالك لان الكل وقتها هايدمر وجودك هنا غلط لو وجدي عرف الحرب هتبدأ أرجوكى امشى
وقفت خلود وراحت أوضة خديجة فتحت الباب من غير ماتخبط خديجة بصت لها بغضب و مريم غطت وجهها بسرعه
خديجة : ازاى تدخلى من غير إذن عاوزه ايه مننا
خلود وهى بتقرب من خديجه و هتقبل أيدها : ورحمة مراد قوليلى بنتى ماتت ولا لا
لسه هترد سمعوا خبط على الباب راحت صباح تفتح وكان وجدي وقفت مرعوبه خايفه من المواجهه
وجدي بعدها ودخل : ايه هترفضى إنى ادخل بيتى ولا ايه نسيتى نفسك
خديجة سمعت صوته : مفيش حد يخرج منكم سامعين خلود لو عاوزه تعرفى الحقيقة متفكريش تخرجي
خرجت خديجة وقفلت الباب : مش صباح اللى نسيت نفسها هى عارفه قيمتها هى أم حفيدتي سواء قبلت أو لأ بس هقول ايه الطمع سيطر عليك سلمت نفسك للشيطان اللى وصلك للمستوى ده عندك استعداد تعمل أى شئ مقابل الفلوس ياريتها كانت دائمه بس هتخلص مش هتلاقى حد جنبك وقتها حتى بنتك هربت من العالم بتاعكم والوقتى بدأت اللعبه صدقنى هرجع حق الكل وأولهم ابنى اللى قتلته اللى قدامك الوقت أم خسرت ولادها ايوه واحد مات وواحد عايش لكن ميت بالنسبالي مش هقبل تضيع بناتك ولا مريم أخرج من بيتى ماترجعش هنا تانى
وجدي راح ناحية أوضة خديجة و هيفتحها بعدت أيده بغضب
خديجة : اياك تفكر تدخل أوضتى البيت ده ملك للبنات أما انت خسرت حقك أخرج بره والا هطلب الشرطه
وجدي ببرود : اطلبيها بس قوليلهم أنك خاطفه بنتى
صباح خافت ولسه هتكلم الشرطه وجدى قرب منها واخد التيلفون رماه ووقعها على الأرض وخرج بسرعه لكن ناوى ينتقم من الكل .. صباح وقعت ورأسها جات على طرف الطاوله وبدأت تنزف خرجت مريم اللى وقفت عند الباب لما شافت دم على وجهها لأنها بتخاف من الدم خلود قربت منهم ورفعت ايدها على رأسها كان معاها قماشه كتمت بها الجرح .. فى الوقت ده خرجت جنا اللى كانت نايمه واتصدمت لما شافت صباح لسه هتتكلم لمحت مريم هتقع قربت منها و لحقتها ساعدتها تقعد على كرسى .. خلود كلمت أسر طلبت منه يروح لها علشان يطمن على صباح
عند فرح وصلت الشركة ودخلت عند أمير اللى كان منتظرها ومعاه عمار
عمار بخبث : طمنينى أخبار جنا أيه
فرح بعصبية : تقدر تكلمها وتطمن عليها أنا جاية علشان اعرف لو عرفتوا حاجه عن مريم
أمير : اهدى مريم رجعت البيت المهم عاوز أعرف له طلبتى منى اساعدك
فرح : أعتقد تعرف وجدي صديق واللى عرفته إن فيه بينكم خلافات عاوزه انتقم منه وادفعه تمن كل جريمة ارتكبها
عمار : ايه سبب العداوه بينك وبينه
فرح : أنا مش هقول اسبابى افضل احتفظ بها لنفسى
أسر راح ل خلود وخيط جرح صباح بحيث يكون مخفى وبعد خروجه قرب من والدته
خلود بهدوء : مش عاوز تتعرف على جدتك
خريجة وقفت قربت منه بدموع : إنت حفيدي صح انت ابن ابنى أتكلم
أسر ضمها بحب : أيوه يا ستي أنا حفيدك أسف إتأخرت عليكى بس مش هسيبك تانى بعد كده
بعدت عنه ومسكت وجهه بين أيدها : مش مهم المهم إنك رجعت النهارده بس أقدر أموت وانا مرتاحه ' بصت ل خلود ' كلمى أمير قوليله يجى أن الأوان الحقيقة تظهر
خرجت مريم وملاحظه هدوئهم قربت من جدتها
خديجة : اتصلى على فرح قوليلها تيجى حالا
رغم تعجب مريم من حالتها لكن نفذت رغبتها
وصل أمير ومعاه عمار وبعد فترة وصلت فرح اللى خافت لما شافت صباح
خديجة بتعب : اسمعوني للآخر
مريم : انتى تعبانه ارتاحى شوية الأول
خديجة حضنتها بقوة : خلينى ارتاح بقى عاوزه اروح لجدك و أبوكى اشتقت لهم أوى
مريم باستفهام : ابويا
خديجة : أيوة أبوكى الاول سامحيني إنى سكت زمان بس كنت خايفه اخسرك زيهم
مريم : تيتة انتى بتقولى أيه
خديجة : وجدي مش أبوكى انتى بنت أخوه أمك تبقى خلود
مريم : ____________
يتبع
الجزء الجاى احتمال يكون الأخير أيه رأيكم وتوقعاتكم 😍😍
