#Unicode
" Min အရှေ့မှာ လူတစ်ယောက် ကားတားနေတယ်"
Jimin ပြောရုံရှိသေး လဲကျသွားသောထိုလူကြောင့် ကားကိုအလျင်အမြန်ရပ်ကာ နှစ်ယောက်သားဆင်းကြည့်မိသည်။
" Min သူဘာဖြစ်သွားတာလဲ မသိဘူး "
ခင်ပွန်းဖြစ်သူ Yoongiရဲ့လက်မောင်းကို အားကိုးတကြီးဆုတ်ကိုင်ထားမိသည်။
Yoongi အရှေ့တွင် မှောက်ယက်အနေအထားနဲ့လဲကျနေသော လူအားအသာတွန်းလိုက်တော့ မြင်လိုက်ရသည့် မျက်နှာလေးကြောင့် ထိတ်လန့်သွားရသည်။
" Taehyung ! "
ဘယ်လိုဖြစ်ပြီး Taehyung ကဒီပုံစံနဲ့ ဒီလိုနေရာမှရှိနေရသနည်း။
" Chim ဒါ Jungkook ရဲ့ကောင်လေး
ဆေးရုံပို့မှဖြစ်မယ် ကိုယ့်ကိုကူပါဦး "Taehyung ရဲ့အသိမဲ့နေသော ခန္ဓာကိုယ်အား ဂရုတစိုက်တွဲကာ Seoulသို့ အလျင်အမြန်ပြန်လာခဲ့သည်။
Chim မိဘဆွေရှိသော Busan ကိုအလည်သွားရာမှ အပြန်တွင် ကြုံရခြင်းဖြစ်သည်။
Taehyung ဒီကလေးဘယ်လို အခက်အခဲမျိုးတွေကြုံတွေ့လာရတာလဲ။
ဆေးရုံသို့ရောက်သည်နှင့် Jungkook ကိုဆက်သွယ်လိုက်သည်။
ဆရာဝန်ကြီးတွေပြောပုံအရ အားနည်းနေသည့်အတွက်ကြောင့် သတိလစ်သွားရပြီး စိုးရိမ်စရာမရှိဟုပြောသည်။
ကုတင်ပေါ်တွင် ဆေးအရှိန်ဖြင့်အနားယူနေသော Taehyung ကို Jiminက ရေပတ်တိုက်သန့်စင်ပေးနေသည်။
" Min "
Jimin ခေါ်သံကြောင့် အနားကိုသွားလိုက်တော့ လက်ကောက်ဝတ်က အညိုမဲစွဲနေသည့် ဒဏ်ရာများကိုတွေ့ရသည်။တကယ်ပဲ ဒီကလေးက ဘယ်လိုအန္တာရယ်မျိုးတွေနဲ့ ကြုံလာရသည်လဲ။
ခဏကြာတော့ အလောတကြီးရောက်လာသည့် Jungkook ပုံစံက အသိစိတ်လွတ်နေသူပမာပင်
အိပ်ယာပေါ်က Taehyung ကိုယ်လေးကို ဖက်ကာတောင်းပန်စကား တဖွဖွပြောနေသည်။
" Jungkook စိတ်ကို ငြိမ်ငြိမ်ထား မင်းတို့ဘာတွေဖြစ်ကြတာလဲ Hyung ကိုပြောပြပါဦး "
အစအဆုံးပြောပြသည့် Jungkook ရဲ့စကားသံတွေအဆုံး ထင်ရှားသည့်တရားခံမှာ Choi Yunna အပြင်မရှိပေ။
YOU ARE READING
ℝ𝔼𝕄𝔼𝕄𝔹𝔼ℝ 𝕄𝔼 { TAEKOOK }
Romanceသက္ဆံုးတိုင္ ကိုကို႔တစ္ေယာက္တည္းကိုပဲခ်စ္ေနပါ့မယ္ မပိုင္ဆိုင္ရေပမဲ့ေပါ့ #Kim Taehyung ကိုယ့္အမွားတစ္ခုေၾကာင့္ နာက်င္ေစခဲ့တဲ့အတြက္ ခြင့္မလႊတ္ပါနဲ႔ ငယ္ # Jeon Jungkook သက်ဆုံးတိုင် ကိုကို့တစ်ယောက်တည်းကိုပဲချစ်နေပါ့မယ် မပိုင်ဆိုင်ရပေမဲ့ပေါ့ #Kim T...