ချစ်ခြင်းသက်​သေ ဉာဏ်ကလိမ် | ခ်စ္ျခင္းသက္ေသ ဉာဏ္ကလိမ္

Tasaungtine Special🥳

Unicode...

တင် တင်း...

>> အခန်းထဲမှာ ​စောင့်​နေ

အို...လာကြ​တော့မယ်ထင်တယ်။ စိတ်လှုပ်ရှားလိုက်တာ။ တန်​ဆောင်မုန်းလပြည့်​ညမှာ ကျွန်​​တော့်ဆီလာမယ်လို့ ​သော်ကြီးက​ပြောပြီးသား။ ကျွန်​တော့်အိမ်​တောင် မဟုတ်ဘူး။ အခန်းထဲထိတဲ့။ အဟိ။ အစကစိုးရိမ်​နေ​သေးတယ်။ အ​မေနဲ့ ဦးလှ​ဆွေကြီးလည်းရှိတယ်။ ရပ်ကွက်ထဲလည်း လူ​တွေအဲ​လောက်များတာ။ ဘယ်လိုလာမလဲ​ပေါ့။ ပြီး​တော့မှ သတိရတယ်။

ကျုပ်ချစ်သူက ရိုးရိုးမှ မဟုတ်တာ။ ဂျီးနီးယက်စ်သူခိုး​လေ။ ဒီ​လောက်က​တော့ သူတို့ဖို့ အ​ပျော့ပဲ​နေမှာ။ ည​နေက​ပဲ အသည်းပုံ မီးခွက်​လေး​တွေ ဝယ်ထားတယ်။ ​သော်ကြီးမလာခင် ​ကြိုပြီး ​နေရာချထားလိုက်ဦးမှ။ မီးခွက်​​​လေး​တွေနဲ့ အသည်းပုံ​လေး​ဖော်လိုက်ပြီး အလယ်မှာက ဦးလှ​ဆွေ​ရဲ့ သူမသိလိုက်တဲ့ကောင်းမှု တဖြစ်လဲ အရက်ဖြူပုလင်း​လေးရယ် ဖန်ခွက်​လေးနှစ်လုံးရယ် ချထားလိုက်တယ်။

ဟီးဟီး တအားရိုသွားလား။ ​မီးက​တော့ ​သော်ကြီးလာမှ ထွန်း​တော့မယ်။ ​တော်ကြာ ​ရောက်မလာ​သေးခင် ကုန်သွားရင် ထပ်ထွန်းစရာမရှိ​တော့ဘူး။ ခဏကြာ​တော့ ​အောက်ထပ်က အသံ​တွေကြားလာရတယ်။ ကျွန်​တော်ထင်တဲ့အတိုင်း ကျုပ်သူခိုး​လေး ​ရောက်ပါပြီ။

သူတစ်​ယောက်တည်းလည်း ဟုတ်မယ်မထင်။ အင်း...ဆက်ပြီး ​​စောင့်လိုက်ဦးမှ...

........................

"အိမ်ရှင်တို့...အိမ်ရှင်တို့"

"ဘယ်သူ​တွေများလဲကွယ်"

"ကျွန်​တော်တို့က တန်​ဆောင်တိုင်ညမှာ ပံ့သကူပစ်မဲ့ အဖွဲ့ပါ...ရပ်ကွက်တစ်ခုလုံး တက်တက်ကြွကြွပါဝင်​စေချင်တာမို့ စိတ်ဝင်စားရင် အ​သေးစိတ်​ပြောပြ​ပေးပါ့မယ်ဗျ"

"ရှုပ်ရှုပ်ယှက်ယှက်တွေ မြတ်ရယ်...ဒီမှာ ငါ့တူတို့ ဦး​လေးတို့လည်း မငယ်​တော့ဘူး...မင်းတို့လူငယ်​တွေ ကိုယ့်ဘာသာ ​အေး​​အေး​ဆေး​ဆေး​​ပျော်ကြပါ"

"ပံ့သကူက အသက်အရွယ် ကျားမ မ​ရွေးပါဝင်နိုင်​အောင် ပစ္စည်းစုံ ပစ်မှာပါ... ဟိုအန်တီတို့ဖို့ဆိုလေ အင်ဒိုနီးရှားပါတိတ်တို့၊ စပန့်သားအစတို့လည်း ပါတယ်ဗျ...ပြီး​တော့ မေမြို့က တိုက်ရိုက်လာတဲ့ မက်မန်းဝိုင်စစ်စစ်​တွေလည်းပါတယ်...ဂရန်းရွိုင်ရယ် ဝီစကီ​တွေ...မြန်မာ ဘီယာဘူး​​တွေ အို စုံလို့ပါပဲ"