Unicode...
သော်ကြီးတို့လက်ချက်က သတင်းစာခေါင်းကြီးပိုင်းမှာ နေရာယူထားကြတာ။ တစ်ပတ်လောက်အထိ သူတို့အကြောင်းက ပြောမပြီးကြဘူး။ ကြားထဲက အကုန်သိနေတဲ့ကျွန်တော်က မျက်နှာပူလာရပြီ။ နောက်ဆို သတင်းထဲမပါနိုင်တဲ့ပစ်မှတ်တွေကို ရွေးဖို့အကြံပေးဦးမှ။ မိုးကုတ်သွားတာလည်း ကြာလိုက်တာ။ တစ်ပတ်တောင်ပြည့်ပြီ။ ပေါ်မလာသေးဘူး။ စိတ်တောင်ပူလာပြီ။ ဖုန်းဆက်တော့လည်း အဆင်ပြေတယ်ပဲပြောတယ်။ ကျန်တာမပြော။
ဒီနေ့လည်းအဆင်ပြေလား မေးဦးမှ...
Dialing~~~
"ဟေ့ကောင် မန်းလေးပြန်မလာသေးဘူးလား"
"အွန်း ရောက်ပြီလေ"
"ခွေးကောင်...ပြန်ရောက်တာကို အသိမပေးဘူး"
"ဟီးဟီး...မီးတောက်လေးကို စပရိုက်လုပ်မလို့"
"အေး အခုဖြစ်သွားပြီလေ...ဘယ်အိမ်မှာလဲ ငါလွမ်းနေပြီ"
"အလုပ်မသွားဘူးလား"
"ဒီနေ့ ပိတ်ရက်ကွ...လျှာမရှည်နဲ့ မြန်မြန်ပြော"
"ပုသိမ်ကြီးအိမ်မှာမို့ ငါလာ"
"လာမခေါ်နဲ့ ငါအခုလာပြီ"
ခွေးကောင်က ပြန်ရောက်တာကိုမပြောဘူး ကြည့်စမ်း။ ကျွန်တော့်မှာတော့ လွမ်းနာကျနေရတာကို။ ရေမိုးချိုး အပြတ်ရွှိုင်းပြီး သွားရမှာပေါ့ ဟဲဟဲ။
"သား...ဘယ်သွားမှာလဲ"
အမေက ဘာစိတ်ကူးပေါက်တယ်မသိဘူး။ ဒီနေ့မှ အိမ်ရှေ့မှာ ဦးလှဆွေနဲ့အတူတူ ထိုင်နေလေရဲ့။ အရင်ကဆို ဒီအချိန်ဟင်းချက်နေတာပါ။
"အဲ...ဟို သူငယ်ချင်းနဲ့ အပြင်သွားမလို့"
"သူငယ်ချင်းနဲ့ဟုတ်လို့လား...ကြည့်ပါဦး ဝတ်ကောင်းစားလှတွေနဲ့ကို...ကောင်မလေးနဲ့ မဟုတ်ဘူးလား"
ဒုက္ခပါပဲ။ ဒီကိစ္စက ပြန်စလာပြန်ပြီ။
"မဟုတ်ပါဘူး...အမေကလည်း"
"ရှက်မနေပါနဲ့သားရယ်...ဒီနေ့အမေတို့လည်း အားနေတာပဲ...သားကောင်မလေး အဆင်ပြေရင် အိမ်ခေါ်လာခဲ့လေ"
YOU ARE READING
ချစ်ခြင်းသက်သေ ဉာဏ်ကလိမ် | ခ်စ္ျခင္းသက္ေသ ဉာဏ္ကလိမ္
General FictionFirst Chapter Published : Nov 19 2020 Last Chapter Published : Dec 29 2020💌 စိန်ပလိန်တိန် မုန့်လင်မယား မှားနေတယ် မုန့်လင်လင်ကွ... ဪအေး ဟုတ်သား...ဟေ့ကောင်တွေ ပြန်အော်မယ်... စိန်ပလိန်တိန် မုန့်လင်လင်!!!! မုန့်လင်လင်!!!! ~~~~~~~~~~~~~~~~~~~...
