#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 29 -
"الجزء الثاني "
مجَربها من تتناسىٰ بَس ما تنسىٰ؟
من تحاچي روحَك بس دمعتك خرسه..🖤
رجف كل جسمي وهوا الله كلة
نفذ حيلي رجليني بادت مشيت خليت صينية الجاي
ع الميز وگعدت ع ركبي اجر النفس بـ الگوة
مديت ايديني اباوعلهن شلون يرجفن
اريد استوعب السمعتة بس البيني ميخليني..!!
دخلت جنان شافتني هيج ارجف وبهالوضعية
رفعت حاجبها وكالت بخبث :- ها سمعتي
طفوف :- فضحتني شهگتي الما رضت تسترني
وتغطي ع حزني شهگت بوجع كلبي وگتلها
بهمس وتوسل :- كولي السمعتة مو صح
جنان بتأكيد :- لا صح وعمامي وافقو وحضري روحج لعرس بابا ان شاء الله قريبا
سحبت صينية الجاي اخذتها و ابتسمت بتشمت
وخلتني وطلعت ... لزمت راسي حيل وأگول
لا مهران ما يسويها بيه ما يسويها هو صح ما يحچي هواي بس والله يحبني اي يحبني هو گالي انتي مثل الوردة البيضة طول ما اني عايش ما اخلي واحد يعكر نقائج..... لعدددددددد وين راح وعده حسيت
النفس سجاجين تدخل وتجرح ريتي نار جهنم تمشي
بشرايني احس مو دم ..!!
اشتعلت نار الدموع بعيوني كمت مثل الما مصدگة
او ماريد اصدگ ... طلعت من المطبخ للصالة
باوعتلهم سكتو وبعضهم گامو يحجون بخفوت
وخنساء مدنگة راسها وتفرك بايدينها خجلانة
باوعتلة بنظرة خاطفة وجهة غادي دم ويهز برجلة
بوكتها ماأدري شلون منهاريت وصرخت بوجهم
ومنين اجتني القوة واني القوتي مهزوزة.. باوعت
لعمتي وگلت بهدوء :- عمة كملت كل العلية عن اذنج صاعدة ارتاح...!!
خليت و صعدت لغرفتي بدون ما التفتلهم ...
حتىٰ صوتهم ماريد اسمعة بودي اموتهم اموت روحي
دخلت للغرفة قفلت الباب اطلقت العنان لسيل الدموع وشمرت نفسي ع الجرباية ودفنت راسي
وابجي وانااشع وصوت شهگاتي المكتومة ملة ارجاء الغرفة ...!!
اضرب ع المخدة بايدي وأهمس ليش ليش
هيج تسوي بية شنو القصرت بيه...
ع بجي وونيني ضليت والشهگة ما فارگتني
وبجيت وبجيت وما جني بجيت لا شبعت
ولا رويت ...
مر مدري شگد وكت وهو حتى ما كلف نفسة
وصعد فرحان بعروستة الجديدة يمكن
شوية وسمعت صوت صياحة جوا عرفت راحو
طلعت بسرعة من الغرفة وعيوني مورمة من
كثر البجي وگفت ع الدرج اباوعلهم واسمع..
يشمر بيدة ويحچي بعصبية وصياح اول مرة
اشوفة هيج بس ما اهتميت ولا حتى خفت
بطبعي اخاف من الصياح بسرعة ارجف بس بوكتها
فاصلة ع الدنيا كلها اصلا
مهران :- بيا حق تخطبيلي بكيفج ومن راسج
شايفتني جاهل گدامج وتقررين عني وتخليني بهيج
موقف وية عمااااااامي حااااجي كااايل رايد بنت عمي لو رايدهاااا انا اخطبها ما انتضرج تخبيطها اليه ووين ببيتي وع بساطي صارلها سنين گدام عينييييي ما فكرت بيها تجين هسه انتي تخطبيهااا الي من كيفج امشييي بكيفكم رجال ابني بطولي شلون تتجرأين تتصرفين هيج وياااي؟
طرطور انة هنا؟؟
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
