ثلاث دمعات

بارت 18

# ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 18 -

لسان حال ناصر...
أسولف بيك ماملّيت ومن وحشة دوربي 
وحزن روحــــي عليك بلا وعي غنيت
جم هلال هلن وإنت ماهليـــــت🖤

لسان حال أمنية...

كلها تحجي بالمحنة ومامش آبنادم يحن
وانة مثل الناي وي كل شهگة نفس لازم أون💔

لسان حال طفوف....
و أگول
أگدر وأذا أجت عيوني بعيونك أضيع أكثر..

أمنية... دنمشي وراد امير يلتااف
ما نحس غير سيارة تدعم بينا
وروسنا تنلطخ بالكشناات
لزمت راسي بأيدي وشفت ايدي
ملياانة دمم ما أدري شنو الصارر
بس كل الاعرفة عطت مفزوعة بكل
علو حسي... آه...
ما ادري شنو الصار بس اسمع
أصوات وهوسة وسمعت صوت عمتي
تگول :- يمة أمنيه تسمعيني
اني بس أگلب بعيوني انهبطت حيل
حتى صوتي مديطلع

استجمعت قواي وحچيت بأحرف مبعثرة
:- شنو الصار عمةة
رحاب :- ما صار شي عمة حادث بسيط
گومي وياي نزلي غسلي
رديت بدوخة :- لا لا عمة ميحتااج
ردت بأصرار :- لا يحتاج گصتج دتنزف دم
گومي غسلي بلكي يوگف النزيف وبعدها
نشوف مستشفى وناخذج سودة عليه يا
يمة دگومي بنيتي شو گومي
نزلت مسطورة عيني راحت ع أمير
شفتة يتقارش وية واحد يمكن هذا
الاصطدمنا  بيه والناس واگفة تهدي النفوس
ويفازعون..

رحت گعدت ع الرصيف
ولسه ممستوعبة الصار اكلت هبطة
مو طبيعية وحسيت بنفسي فگر
خطية بسببي سيارة امير ندعمت
حتى صرت بنص هدومي من الخجل و
الفشلة صح مو اني الدعمتها بس
اني السبب بهالحادث لو لاي
مچان صار كل هذا...

خطية عمتي راحت جابتلي مي
وكلينكس غسلت واخذت صفطة
كلينكس وبقيت خالتها ع گصتي
حتى يتوقف النزيف بس احس راسي
مو مني من الوجع والدوخة وعيوني
گوة مفتحتهن منا نعسانة ومنا منضر الدم
الخرعني والحادث ...!!

أريد أعين نفسي وأگوم ماكو
عمتي گعدت يمي خليت راسي ع كتفها
وبقيت اباوع عليهم امير معصب حيل
وكل شوية يضرب ع السيارة ويزمجر
والعالم تريد تهدي الواضح الصوچ مو
من امير من الثاني....

اباوع للثاني مكتف ايدينة وواگف
يم سيارتة يجري مكالمة وحتى
مباوع ع أمير ولا مهتملة شوية وسدة
وأمير حجة كلمة جبيرة بمعناها وهذا ركض
عليه زنگة من ياختة ونومة ع
بنيد السيارة....

گامت عمتي مفزوعة وگمت وياها
العالم وخرو من امير بس بقة يشمر
بأيدة وبحچي بعصبيه بس ما ركزت
بكلامة لان جنت دايخة... راحت
عمتي ع امير وگالتلة :- يمة امشي
واستهدي بالله هذا مبين شراااني
ما بينا حيل للطلايب وتجر بي تريدة
يصعد بس ماكو ميسمعلها اصلا...

شوية وطبگت سيارة يم هذا الولد
خفت اكثر حسيت المشكلة راح تكبر
نزل ولد منها راح حجة وية اخوة
مدري صديقة مدري شيصير منة
المهم حجو وراح الولد لسيارتة
مدري شطلع واجة شفت بايدة فلوس
اجة وقدمهن لامير وگال :- تفضل اخوية
هذني صلح بيهن سيارتك واعتقد كافيات
وزايدات وما صار شي هو حادث بسيط
اخذهن امير من ايدة وگال :- وعبالكم
تفلتون بعملتكم هذي والله الا اجرجركم بالمراكز
مثل ما تعديتوني وضربتوني بسيطة
انتضرو الجايكم واستعدولة...