#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 21 -
شايف من تضل تنعاد الايام
نفسها وماكو شي بيها يتجدد
يجي شچم باجر وما يختلف شي
نفس البارحة بس عمرك ازيد
ساعتها العمر مستعمل يصير
واحلامك شوية شوية تنهد
صح ينكتب عايش بالسجلات
بس انت مجرد رقم ينعد.. 🖤
دارين... حرقة ووجع حقير ألم مينحمل
كل مرة توجعني بطني وتصير عندي
حرقة بالمعدة بس مو مثل هلمرة ابد
احس الألم مزقني بحيث من فرط
الوجع حتى من نومتي گعدت
باوعت للساعة بـ ٦ الصبح
بقيت اتلاوة وية الوجع أريد
بس يهيد ماكو حتى علاج ما عندي حتى
اخذ وبسبب الالم الماگدرت أتحملة
جريت الموبايل وخابرتة وهاي چانت أول
مرة أخابرة طول يلا رد
اجاني صوتة الخافت وواضح عليه
القلق :- هاا حبيبي بيچ شي
اني دموعي مثل المطر يهطلن
وبصوت مبحوح من الألم
دارين :- الحگلي راااح أموت
بنبرة شديدة القلق وخوف
وبصوت مفزوع :- اسم الله عليچ يگلبي
كليلي شبيج شنو المأذيچ
عضيت شفتي بألم وگلت :- بطني راح تموتني
موجوعة..
ناصر :- طلعت من البيت بس مسافة الطريق
تحملي گلبي انتي تحملي
سكتت ما رديت بس اگلب بعيوني من الوجع
تخلل اسماعي صوتة وهو يگول بنبرة حنينة
خائفة :- داريني يا بعد عمر ناصر انتي
تحملي راح أوصل
شهگت بوجع... سمعت طگة الجداحة
وتنهيدة طويلة
ناصر :- بية ولا بيچ
اني فاصلة من الوجع بس اشهگ بقيت فاتحة خط ما سديتة خليت الموبايل ع المخدة وبقيت لازمة
بطني بوجع وصوت شهگاتي مسموع
فاتحة حاكية وسمعت صوت شخطة
السيارة بقوة فزيت مرعوبة وگلت :- الو ناصر
ناصر :- ها كلبي
دارين :- شنو هذا الصوت
ناصر :- لتخلين بالج هيج
دارين :- أحچي
ناصر :- ردت اسوي حادث لو ما الله ستر
دارين :- ناصر
ناصر :- يروحلج فدوة
دارين :- لتمشي سريع.
ناصر :- تخافين عليه؟
دارين :- لا
ناصر :- لعد شلج دخل بيه المشيت سريع والمامشيت
دارين :- مو اخاف تسوي حادث وتموت وضميري
يأنبني لان بسببي هالحادث
ناصر :- هاي عود مريضة ولسانچ يرمي صلي
دارين :- يلا تعال راح اموت
ناصر :- اسم الله عليج شعندج وية الموت
كل شوية جايبة طارية اتحملي
وبعدين وصلت دقيقتين وطلعيلي
دارين :- شنو شبسرعة وصلت
ناصر :- تگدرين تطلعين لو ادخل اشيلچ
دارين :- ناااصر كم مرة اكلك لتغلس عليه
ناصر :- چا عمي وينة عنج خل اشوفج بالاول
والي كلام ثاني وياا بسيطة.
دارين :- باااي
ناصر :- تحملي كلبي وصلت يلا طلعي
دارين :- اوك
خليت و كمت بية ما بية بدلت ولبست شالي
وعبايتي وطلعت حتى بلا مااكول لابوية
ولا انطي علم نايم هو وحمدية دنيا
شتا البرد ازرگ وصبح محد يگعد هيج وقت
فتحت الباب لفحني الهوا البارد
باوعت شفتة گاعد بالسيارة بس
شافني نزل بسرعة واجة حضن اكتافي
ومشاني وهو يگول :- شلون هسة شتحسين؟
YOU ARE READING
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
