ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 47 -
شجاني وماحضنتك قبل متروح
عفتني وغيبتك صارت طويله
شجاني وماگلتلك الله وياك
وبقيت اتانيك ليله بااثر ليله
رحت بس من رحت خلصت الدموع
وشلت الروح بيدي فرد شيله
ونسيت الابتسامه وفرحة العيد
لان ضحكاتي بغيبتك صارت قليله
بعد هم عيني تفرح يوم ملگاك
لوجمعتنه صارت مستحيله 💔
( تنويه :- رجاءا بدون تجاوز ع امنيه وبقية الابطال
يعني فوگ كل ضيم أمنية تجون تحجون عليها وتتجاوزون بكلام بذيئ ارجوكم اقدر انفعالكم
بس بدون نجاوز... اقتضى التنويه)
أمير :- راح توافقين أمنية راح توافقين واذا مو طيب غصب
گالها بثقة ووعيد طلع موبايله فتحة ووجهلي
الشاشة وگال بمكر وخبث :- هاي الروح ثمن رفضج
وانتي بكيفج بعد..
امنية :- باوعت للشاشة لو حسيت كياني كلة تزلزل واطرافي بردت من شفت !!؟
انصقعت واني اشوف صورة سما وهي مدنگة ع كتبها
تگلب بيهم بالجامعة وماخذيلها الصورة بلا متدري
رفعت راسي بسرعة وعيوني مفتوحة ع أوسعهن من الصدمة
أمنية :- حچيت بهمس وصوت مرتجف.. شنو هاي
أمير :- باوعلي بمكر وگال بحيلة.. ثمن رفضج روحها
أمنية :- ردت اعيط بسرعة خلة ايدة ع حلگي،
وتقرب من وجهي وهمس باذني وانفاسة القذرة
تلفح بشرتي ويكزبر جلدي بأشمئزاز فضيع
أمير :- اذا حاولتي تحجين لو تبلغين ناصر أو غمار
صدگيني ساعتها مراح اتردد لحظة وحدة بقتلها واذا
مو اني ف عندي هواي بأشارة ياخذون روحهاا هي
وطالعة لجامعتها
وانتي اختاري نفسج لو صديقتج الساعدتج وجانت
واگفة وياج ع الحلوة والمرة ومساندتج وماعافتج
اني مو مجرم بس من توصل يمج لو اخذ ١٠ أرواح
عادي عندي وطبيعي اهم شي تصيرين الية..
ردفها بـ :- واني احبج وشاريج والحب يجي ورة الزواج
ارضي بيه وبدون مشاكل خل نجدد العقد صدگيني
يا أمنية اقل حركة منج اوديج بستين داهية ومراح أكتفي
بصديقتج بس راح أذيج باعزاز گلبج
واخليج ترجعين لجامعتج وتكملين دراستج واني
بنفسي ادورلج ع شغل بصيدلية واشغلج والله لدللج
دلال ومااخلي شي يأذيج اخليج بعيوني واقفل عليهن
وهسه يلا نرجعلهم واذا سالتج موافقة نجدد العقد
متنطقين بغير موافقة.. والا... تعرفين الباقي
وهذا ناصر انتي تسكتينة مالي خلگ تمسلتة
وقبل ماتحجين اي كلمة خلي صديقتج ووگفاتها
بين عيونج ولا تخلينها تروح ضحية انانيتج وسعادتج
گالها وراح أحس الگاع صارت تدور بيه
اريد احجي كلمة افتح حلگي وارجع اسده
مااعرف شنطق بس الأعرفة انه مستحيل اضحي
بصديقتي وأمير مو بس، يهدد لا من نبرتة وثقتة مبين
يگدر يسويها الگدر يسوي هيج ما يصعب عليه شي!!
ΔΙΑΒΑΖΕΙΣ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
