ثلاث دمعات

البارت 43

.#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 43 -

مـا مشيـت بـدرب صـافي أبـدون عــثــرة
گـلبي لو يكـسرني.... لو واحـد يـكســره 🖤

متت بدمي لمن من شفت امير واگف دامي حسست رجليني بادت واحس ذكرت كل شي صار بهذيج
الليله البشعه بنفس الوقت خفت يكون سمعني ويسويلي سالفة حاولت اتماسك گد مااگدر واخفي
ضعفي وابين القوة... باوعلي بنظرات غاضبة
وهو يگول :- منو غماار التشتغلين ويا ؟

أمنية :- حجيت بقوة معليك امير ووخر من طريقي
خل افوت جوة
امير :- رمقني بنظرات شيطانية وهو يتوعد
بسيطة يا أمنية تفضلين هذا عليه وترفضيني
لخاطرة
أمنية :- لأن هذا رجال تعرف معنى هالكلمة؟

أمير :- سهلة دتلعبين بالنار بعدج متعرفيني
منو وفري عليج مصاعب وقبلي بيه من هسه
قبل لا ينشلع گلبج
أمنية :- اني حرة بنفسي ومااقبل لو يصبوك
ذهب ابتعد عني وعوفني بحالي

گلتها ودخلت جوة بسرعة وعفت عيونة ينقطن
دم بسرعة دخلت مخطوف لوني وريگي ناشف
احس شوفتة عادت علية كابوس الليلة المشؤمة
وكلامة لقى الرعب بگلبي.. وكلامة يقلقني..

ترخصت من عمتي وگتلها تعبت مارضت گالت
باتي رفضت رفض قاطع واحس روحي توترت
ومااتحمل ابقا ثانية بعد وعمتي حست بيه من دخل
أمير وگابلني بالگعدة.. عاد گامو عمتي وزوجها
حتىٰ يوصلوني..!!

اخذت جنطتي وباوعت للساعة ب ١٠ ونص
سلمت ع زينب وأثير وطلعنا طول الطريق
وصلت من أباوع ع بيت اهل سما غمار وسجاد
واخو سما گاعدين بالباب ويشربون أرگيلا
أحس مغصتني بطني من الخوف لا يا الله
مستحيل شهالحظ العلية مستحيل ماكو هيج
حظ فگر!!

طبگو گدام البيت واني حتى ماريد اباوع بأتجاهم
نزلت بعدما كتلهم تصبحون على خير.. رفعت راسي
خزرني خزرة وگعت گلبي ابطني من الهبطة
عرفت حتصير مشكلة بينا الها اول ما الها تالي..
دخلت بسرعة وسديت الباب ولازمة گلبي بأيدي
دگ موبايلي طلعتة بارتباك باوعت للأسم
"غمار"

گلت جائك الموت يا تارك الصلاة فتحت باب
المطبخ دخلت ذبيت الشال والجنطة وقفلت
الباب وگعدت بالصالة أحس حيلي گام يرجف
مو قصة خوف وبس لا
احترام ألة ولنفسي..
ما ردت اطلع بنظرة كذابة
واصلا جنت ناوية بس احجيلة
بس هو الحظ فگر شتحطلة ويطيب..

فصل الخط ورجع أتصل رديت بسرعة
مااحس الا عيطة زرفت طبلة أذني
غمار :- وين جنتييييييي بهالليل؟
أمنية :- ييم بيت عمتي
گلتها وفركت اذني بوجع گطيعة صوتة العالي
مزق أوتاري السمعية..

غمار :- ما احجي يابة التردينة سوي بصفتي شنو
واحجي
أمنية :- لتگول هيج
غمار :- الحجيت او ما حجيت البراسج تسوينة
أمنية :- والله مو كتلك شوية واخابرك جنت ناوية
بس ارجع اگلك وداعت عافيتي
غمار :- زمجر بغضب اويلي يالكعبة لو يمي
هسه شسوي بيج