ثلاث دمعات

بارت 23

# ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 23-

شسولف والعمر ما جاي سد بسد
دنيا وطشرتني بين جزر ومد
نذرت شگد.. دعيت شگد
چم طارش ادز لله
وأتاني وما يجيني الرد.. 🖤

سما :- تعالي عندي موضوع مهم  وياج
رحنا كعدنا بالنادي وفاجأتني من فتحت وياي
اخر موضوع جنت اتوقع اسمعة منها
موضوع لا ع البال ولا ع الخاطر
گالت :- أمنية لگيتلچ شغلة راح توفر عليچ
هواية تعب ومصاعب ومشقات
أمنية :- شغلة؟ وشنو هالشغلة
سما :- شوفي هم تستفادين وهم وارد زين وبمكان أمين
أمنية :- خلصتي صبري اي داحجي عاد
سما :- تشتغلين بصيدلية أم غمار وغمار...
أمنية :- ششنو سما هاي صدگ تحچين؟

سما :- اي لعد مجذبة عليج سمعيني زين شغلة
تخبل ومريحة بالصيدلية من ترجعين من دوامج
تروحين ترتاحين بالبيت ساعة ساعتين وتروحين للصيدلية وهم عمتي ام غمار تعبت ومحتاجة احد
يوگف بالصيدلية وية غمار هي ما بيها تكول كليوم
اروح ساعتين اكثر وارجع ما بيه ابقى نهار كامل ونص ليل فمن حجيت وياها عليج كولش رحبت بالفكرة وكالت رحمة ونزلتلي من السما وهم
مكان أمين وشغلة زينة ووارد حلو وهم تستفادين خبرة
أمنية :-فاجأتيني سما

سما :- لو بكيفي والله مااخليج تشتغلين انتي صديقتي وشتحتاجين ميردج غير لسانج
بس شسويلج اذا انتي نفسج هلكد عزيزة
عزيمة متخليني اعزمج
أمنية :- ابد لتگولين هيج بس والله هذا طبعي
سما :- المهم شگلتي هسه ؟؟
أمنية :- خليني أفكر شون الحگ ودراستنا صعبه
وبنفس الوقت اني بعازة الفلس وهم ماالكة هي شغلة زينة اسمعي

سما :- كولي عيني
أمنية :-  غماار
سما :- ههههه بس لا تخافين منة
أمنية :- لا بس خاف ميقبل يعني
سما :- مو بكيفة عمتي وافقت بعد قابل يكسر كلمتها
ميگدر يسويها وشرايد منج قابل انتي بس توكلي 
وها خليني من هسه اوصيج التزمي بالمواعيد
وكل عقلج صبي يم الشغل لكي تتفادين السحل والكتل والشعل
أمنية :- يا لتخوفيني وتخليني اشيل ام الفكرة
من بالي

سما :- هههههه ولج لا مو لهاي الدرجة وانتي لتصيرين فطيرة وتخلينة يرزل بيج اذا مغلطانة
بشي فوتي بعينة وكوليله
أمنية :- اي صح اكيد اصلا
سما :- بس ما اضمنلج بعدها تنامين بيا ردهة
الكسور الفطور
أمنية :- لج سماااااااااا

سما :- ههههه يلا راح اسكت وانتي فكري
زين باجر اريد منج الجواب
أمنية :- ان شاء الله راح اصلي استخارة واشوف
سما :- تمام امشي هسه اعزمج ع لفة فلافل
ام الخمسمية
أمنية :- مااريد مشكورة
سما :- الببسي عليچ

أمنية :- اذا هيج تمام
سما :- ديلا امشي لا بالشوز
وصدگ ترا مستحيل تشتغلين وية غمار
اذا ميسحلج
أمنية :- ولجج كافي راح تخليني اشيل الفكرة
كلها من بالي
سما :- يااا داشاقة
أمنية :- امشي خل ندخل للمحاضرة
وسحبتها من ايدها
عاطت :- يااا والفلافل
أمنية :- اشش امشي عوفي الاكل ام بطن
سما :- امنياااااااااااااااا اللفة
أمنية :- جريتها حيل لج د امشي عاد...