ثلاث دمعات

بارت 52

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 52 -

شبيها عيونج تريدين تبچين؟
سواد بعيونچ وبالگوة تحچين
شبيج أحچيلي لتخافين
ليش هواي ذبلانة
شنو متعب معانيج
أول مرة أشوفج حيل كبرانة
أول مرة أحس مكسورة تمشين
وأني الأعرفج اقوة أنسانة 🖤

أمنية :- دنگ راسة واخذ شفايفي بقبلة أكثر من عميقة كلبي وعقلي وروحي كلهم مسوين أجماع
ويريدونة أحاسيسي مهلكة لأختلاجات روحي
أبتعد مني صرت ألتقط انفاسي المسحوبة سحبني
من خصري الة صار وجهي بوجهة أباوعلة وعيوني
ذبلت

عصرني بحضنة حيل ورفع فكي بأيدة ودنگ
خلة گصتة ع گصتي غمضت وصرت اتنفس
من حلگي وحرارة ورجفة سرت بكل مساحة
بجسمي أنفاسة حارة مجمرة تضرب بوجهي وتزلزل
كياني مشاعري حلقت لسابع سما من فرط جمالها..

كل ذرة بية فرحانة بقربة أبتعد عني بهدوء وجر
نفس قوي سحبني من أيدي وگعدني ع السرير
أحس أنتهيت وذبت كلياً بين ايدينة وهسه يلا
صحيت احس جنت بعالم ثاني..

مااصدگ اني هسه بقربة صرت الة وصار ألية
انجمعنا بعدما فقدت الضنا والأمل برجعتنا
وجمعتنا رددت بگلبي شكري لرب العباد الرحيم
بعبادة وميضلم احد الف الحمد لله والشكر...!!

راح طفا الأضوية وأخذ ملابس من الكنتور
ودخل للحمام الضوا خفيف أراقب تحركاته
وأحس بحلم مو بعلم أبسط التفاصيل جنت اتخيلها
ويا وهسه دتتحقق شگد حلوة لذة تحقيق الحلم

تمددت ع السرير وجريت الغطا تغطيت نصي
وگعدت أفكر بعدم تركيز طلع من الحمام
شعرة ينقط مي وماكو منشفة ولا لابس تشيرت
بطرگ البجامة بالبداية خجلت بعدين خفت عليه
الجو بارد وهو ولا يمة گمت من مكاني مدنگة
هو گعد كدام المرايا يمشط دخلت للحمام جريت منشفة واجيت..

وگفت ورا رفع راسه عليه يباوعلي من المرايا
واني اباوعله بعصبية خليت المنشفة ع شعرة
وصرت أنشف بيه بهدوء وتدقيق، حتى ميبقا بيه
مي وهو ماحجة شي بس أنفاسة عالية ومسموعة
اخير شي لزم ايدي ودارني الة صرت گدامة
باوعتلة بأستغراب وگلت بتساؤول :- ليش متخليني
انشفة هسه تتمرض

غمار :- باوعلي وجر نفس بهدوء مد ايدة وسحب
باكيتة من وراي ع الميز شغل جگارة وبقة يدخن
ويباوعلي أرتبكت وتوترت بنفس الوقت كتفت ايديني دنگت راسي ونبضات
گلبي زادت عن النبض الطبيعي

گام من مكانة وگف گدامي لزم وجهي بتك ايد
ورفع راسي تلاگت عيوني وية عيونة رجع شعري
ليورة رجفت وبقوة باوعلي بأستغراب وغمض عيونة ورجع فتحهن بمعرفة وزفر بتعب اصبعة الابهام صار يتحرك ع شفايفي وية حركة اصبعة
احس گلبي يريد يقفز من مكانة ورجفة تتغلغل بكل خلية بية..

سحب نفس من الجگارة ونفخة بوجهي كحيت بسرعة وباوعتلة بعتب بس حسيتة ضايج عكس
قبل شوي جان مزاجة حلو حسيت مزاجة انقلب
فجأة صح غمار ميحجي هواية وكلامة قليل من شفتة وشافني ميحجي هوايه بس حسيت عليه
فركت ايديني ببعض وهمست بخفوت
أمنية :- غمار بيك شي گلتها بقلق وتساؤول