#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 8 -
والما ينحچــن مرات مرات… 🖤
* فتحت عيوني ببطئ
باوعت بالفراش ماكو احد بس اني نايمة
ماأدري الساعة شگد ومأدري شگد نمت
دخلت دارين شافتني گاعدة
گالت :- صح النوم
ابتسمت وگتلها :- ساعة شگد؟
دارين :- بـ ١١
باوعتلها بصدمة :- حيل هلگد نمت
دارين :- چان بالدفرات گومتج بس غير عروسة
لعريس الغفلة هيرو
ضحكت وگتلها :- قصدچ اني عروسة الغفلة
ورجعت حچيت :- لعد أمنية وعمتي وين
گالت دارين وهي تلملم بالفراش :- راحن للسوگ
رديت :- ها شعجب !!
دارين :- لان يردن يجيبن ملابس الج
ما رديت خليت ورحت سبحت
صرت اشيل الماي بالطاسة واذبة
ع راسي اريد انفض كولشي من بالي
بس هيهاات ما بعدلي الا ساعات
قليلة لازم افارگ خواتي واواجه مصيري
المجهول!!
كملت وطلعت لگيت امنية وعمتي جايات
من السوگ
أشرتلي امنية اجي رحت گعدت يمها
صارت تطلعلي بالملابس وتشوفهن الي
وتحجي بلهفة هيج جبتلج وهذ يلوگلج
طفوف شوفي هاللون يگعد عليچ
طفوف جربي هذا…!!!
بس اي لهفة اي فرحة
ماكو بداخلي وبالي مو يم شي أصلا
جانت جايبتلي نفنوف نازك مرتب
وتراكسودات ثنين ودشاديش ثنين
حذاء وشالات شفتهن هواي
گلت :- أمنية منيلج فلوس؟
أمنية :- اني مجمعة كم فلس وعمتي
هم ما قصرت گالت هذني هدية زواجج
رحاب :- لبس العافيه عمة
رديت بشبح ابتسامة :- الله يعافيج عمة مقصرتي
يگولولي عروسة اي عروسة
هذي اليحجون عنها الفرحة بداخلي مقتولة
والله والله الخوف الي بداخلي مو طبيعي
چنت أشتغل الهم وهسا ح أصير مرت الشيخ
هاي اذا تقبلني ونصفني
زين واهله شوون ح يعاملوني معقولة
راح يحتووني لا لا اني شداحجي اني
خلگ هدية… ما أريد احلم احلام وردية
وبعدين تصبح سودة مصخمة
مثل حضي....
مرت الوقت بسرعة خواتي وعمتي
مفارگني… صارت الساعة ٤ العصر
دخلت حمدية وگالت :- ابوج يگول خلي تحضر
روحها ساعة وتروح لبيت الشيخ
هزيت راسي بأي
باوعت ع أمنية عيونها مدمعة ودارين
كذلك…
گالت عمتي رحاب :- يلا يمة بدلي ورتبي
نفسچ
گمت اخذت الفستان دخلت سبحت
مرة ثانية ولبست الفستان وطلعت
اشرتلي امنية اجي اكعد يمها رحت
صارت تمشطلي بشعري…
وكل شوية تجر النفس بنشلة آدري
بيها دتبچي…!!
انداريت عليها جرتني لحضنها حيل
وبجت بجيت وياها بهضم
گلت بمرارة :- أمنيه لا تنسيني
لزمت وجهي بأدينها وگالت :- شوون انسة روحي من الدنيا اني يمج ووياج قريبة عليج
من تحتاجيني تلاگيني حداج مو بعيدة
صيري قوية تشجعي ولتخافين
لتخلين الدنيا تكسرج انتي كسريها
انتي بنتي مو بس اختي گلبي وعقلي
وكل حواسي ويااج تأكدي حتى لو ما جنت
يمج بس انتي اقربلي من حبل الوريد !!
JE LEEST
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
