Teenage Love Story / Love of My Life SAMPLE

7

"I'M INTRODUCING you to my parents tomorrow night."

Mabuti na lang at nalunok na ni Jucylle ang kinakain kung hindi ay baka nabulunan siya sa sinabi ni Arkin. Nagtatanghalian sila sa cafeteria nang mga sandaling iyon.

"Ha?"

"Dapat matagal na kitang naipakilala sa kanila. Lagi lang silang busy. Bukas sila libre. Naipagpaalam na kita kina Tito William at Tita Eve. We're having dinner at a restaurant. Inayos ko na ang lahat."

Napalunok siya. "Where?"

Sinabi ni Arkin ang pangalan ng restaurant. Muntik nang mapaungol nang malakas si Jucylle. The restaurant he mentioned was known for having a strict dress code. No jeans allowed.

"Bakit doon?"

"It's my mom's favorite restaurant."

"Bakit mo ako ipapakilala sa kanila?"

"Dahil gusto kong magkakilala kayo," kaswal na sagot ni Arkin. "Dahil kilala na ako ng mga magulang mo. Para fair."

"Uhm, Arkin, I don't think I can—"

"Come on, Jucylle. It's not as if you're meeting your boyfriend's parents."

Napakurap-kurap si Jucylle. Tama naman si Arkin. Bakit kabadong-kabado siya? Simple lang naman ang mangyayari. Makikilala lang niya ang mga magulang nito. Ipakikilala siya ni Arkin bilang isang kaibigan. No big deal.

Pero bakit hirap siyang huminga sa sobrang kaba? Why did it feel like it was such a big deal?

"Will they like me?" hindi niya naiwasang itanong. Unti-unting lumalabas ang kanyang insecurities.

Naging banayad ang ekspresyon ng mukha ni Arkin habang nakatingin sa kanya. "They will love you," he assured her. "You're the most beautiful thing in this world."

Kahit gusto ni Jucylle ay hindi niya magawang paniwalaan ang sinabi ni Arkin. Ano ang gagawin niya para magmukhang normal na babae bukas? Kailangan ba niyang bumili ng bagong bestida? Paano niya aayusin ang kanyang buhok at mukha? Paano kung maipahiya niya ang sarili? Ano ang gagawin niya kung hindi siya magustuhan ng mga magulang ng lalaki?

Agad niyang hinanap si Charlotte pagkatapos ng tanghalian. "I need your help," sabi niya.

"Sure. What is it?"

"Make me beautiful."

"You are already beautiful. Nahumaling nga sa ganda mo si Arkin."

Naitirik ni Jucylle ang mga mata. "Fine. Make me presentable."

Kumunot ang noo ng kaibigan. "What is wrong with you? Why are you so tensed?"

"I'm meeting Arkin's parents tomorrow night. Be a fairy godmother and turn me into a fabulous Cinderella."

"Oh, my God," manghang sabi ni Charlotte. "Arkin is so in love with you."

Kahit alam ni Jucylle na hindi iyon totoo ay napuno pa rin ng kaligayahan ang puso niya. Bakit parang ang sarap marinig? Ang sarap ding paniwalaan sana.

"And I think you are falling for him, too," dagdag ni Charlotte.

Natulala si Jucylle. Was she?

TINULUNGAN si Jucylle ni Charlotte sa pagpili ng magandang damit para sa dinner. Maghapon din ang kaibigan sa kanilang bahay para pagandahin siya.

She smiled in satisfaction when Charlotte was done. She looked pretty enough.

She was wearing a pale pink, lacy tube style minidress. Her hair was intricately braided. May inilagay si Charlotte na magandang bejeweled headband sa kanyang ulo. Her makeup was artfully done. Kahit paano ay nagmukha siyang prinsesa.