دكتوره لو شيخه؟! ( مكتمله)

قلبي ام انتقامي

زهراء :
ياربي هسه اني ليش ما كعدت بالسياره ونجبيت

فهد
روحي كعدي بالسياره هنا جلاب وانتن البنات تخافن 😂

زهراء اني ما اخاف بس من ربي واعرف ادافع ع نفسي مو جلب يخوفني هه

فهد
اي شفناج من اتحارش بيج درتي وجهج وردتي تشردين

زهراء:هاا والله يكرم الله ردت انزع الكعب واضربه بعينه

فهد :هلو نوب عينه من حضج ما ضربتي بعينه لو ضاربته جان ملحكت عليه

زهراء :ليش انت مو دكتور
فهد
اي بس اني جراح
زهراء : صفنت وضليت افكر بحلمي اني هم اريد اصير دكتوره هذا حلم طفولتي

فهد ها وين صفنتي
لا هيج بس فكرت بالطب
شنو بس لاتردين تصيرين دكتوره
اي ليش لعد
يمعوده ضيم وتع.. ماكملت لان سمعت عيطت زهراء فجأه
شكوو
التفتت وشفت مجموعه من الجلاب اجن بأتجاهنه يركضن

اني ذبيت كل الي بأيدي ونزعت الحزام الي لابسه ولفيته على ايدي وخليت القطعه الحديديه الي بي بالكاع وشخطت الحزام بالكاع وطلعت شراره وزهراء واكفه ورايه ومبين عليه وصلت اقصى مرحله من الخوف
الجلاب وكفن شويه وراحن لغير اتجاه الحمد لله
التفت عليه وجه صار اصفففر

فهد : لتخافين حبيبتي
احجي وياه واباوع عليه وهي عينه على الجلاب وميته خوف

اني انصدمت من نفسي شلون كلت حبيبتي والله بدون قصد فجأه طلعت من لساني
همزين مجانت منتبه اني شجاني استغفر الله فهد اصحى شبيك

بس والله حلوه وخبله واحسه طفله واحسه عقله يوزن بلد اخخ شسويتي بيه ولج
زهراء :
اي الحمد لله راحن
فهد :
يله خلاص شبيج يمعوده راح تموتين ههههههه
يله يله روحي كعدي بالسياره هسه اكمله وترجعين لبيتكم ان شاء الله
زهراء : اي خويه
فهد : خويه ؟؟ كلته بيني وبين نفسي وانزعجت شويه بس غيرت ملامح الانزعاج الي بينت ع وجهي حتى متنتبه عليه

كملته للسياره وسديت البنيد ورحت يمه

فهد : راح انطيج رقمي دكي عليه حتى انطيج رقم فيتر هنا زين ايسويلج السياره لان لازم يشوفه ترى تسويلج قدر لاسامح الله

زهراء : لاخويه ما كو داعي اخذ رقمك انطيني رقم الفيتر
فهد :اوو لزكت بخويه بس اني اذكه منه

مو خيتي تلفوني مغلق مخلص شحن واني حافظ رقمي مو رقم الفيتر
طبعا كلتله هيج حتى بس اقنعه

اوك بس اني هم تلفوني مخلص شحن ومغلق شلون هسه واني محافظه رقمي ؟

عادي اكتبه بأيدج

شنو انت اتكتبه اني ما اعرف اكتب مثلا !؟

لالا انتي اكتبي قصدي هههههه. على كيفج اعصابة