دكتوره لو شيخه؟! ( مكتمله)

انتي لي

الو خالو كاظم
ها فهودي هلا حبيبي
هلا بيك خالي شلونك
والله الحمد لله انت وين صرت هسه ؟
خالو اني بالفرع مال شارعنه القديم وتيهت ماتطلعلي براس الشارع ؟
اي اي خالو يله طالعلك
ام فهد !!!
امم فهد وينج! ابنج اجه فهد وصل وصل

اي الف الحمد لله والشكر واخيرا وينه هسه ؟؟

وصل بس متيه الشارع خطيه راح اطلعله

خوش خوش يله خويه اطلعله
ميس ريما ! وينجن اجه فهد
ميس :ياااصدك فهد وينه نزلت اركض من الدرج
وكفت على اخر بايه وصحت على ريما نزلت هي هم
نزلنه سويه وامي واكفه وره باب البيت واني وريما بالحديقه ننتضره

هله هله بفهودي
هله بيك خالي نزلت من التكسي وسديت الباب وخالي حضني ويبوس بيه واني هم حضنته وشفت امي وره الباب واكفه وتبجي رحت اركض اله شبكته وهي بس تبجي خطيه مسحت دموعه وبست ايده وراسه وهي تبوس بيه

هله بيك يمه نورت بيتك وين هالغيبه واخيرا اجيت وشفناك
يمه اروحلج فدوه لتبجين والله اني مشتاقلكم واجيت افرح بشوفتكم لتبجيني
اخخخ يايمه اخ ولك شلون ما ابجي واني ابني بعيد عني
من تصير اب وابنك يعوفك ويسافر راح تحس باللوعه
مسحت دموعه ورجعت بسته من گصته

فهددد فهد !!
رفعت عيني واني دكات گلبي تسارعت واجاني احساس غريب
شفته كاعده بالحديقه وتأشرلي من باوعت عليه نزلت ايده وابتسمتلي رمشت مرتين واني مو مصدك عيوني
زهراء!!
امي :شنو يمه شكلت
باوعت على امي ورجعت باوعت للمكان الي شفته بي كاعده بالحديقه ماكو راحت
ضليت ادور بعيوني وين اختفت معقوله اني اتخيله بس شلون ؟؟؟؟

فهد حبيبي نورت البيت اجتني ريما وميس يركضون وحضنني اني عيوني دمعت وضليت بغير عالم شلون اني شفته شفته اي هي ومتأكد واختفت كأنو سحر لا اله الا الله
بوست البنات وريما زعلانه مني لان تأخرت هههههه

دخلنه للبيت وكلنه نبجي وخالي كاظم هم كام يبجي
وامي فرحانه بيه ودموعه ما وكفن
كعدنه وسولفنه شويه

امي:يعني يايمه ليش هلعناد اني مو كلتلك تعال قبل الخطبه بيومين هيج ليش اجيت بنفس اليوم
فهد:
يمه اني اصلا ما اريد اجي للعراق بس اطريت علمود ريما وصديقي طالب اليوم خطوبتهم
امي :
يعني لو ما ريما انت متجي واني امك اكلك تعال تعاند
فهد:
يايمه والله مو هيج بعدين تعرفين اني ليش ما اريد اجي

اي اي يايمه اعرف اعرف المصايب من وره نوره اتزوجت وماخلصنا وخلفت وماخلصنا والنوبه بته راح تزوج وهم ماخلصنا
ريما :
ياا عزه حجيت وباوعت على ميس
ضلينه وحده تباوع على اللخ
فهد :
شنو يمه ؟
زهراء ؟! شنو شكلتي
اي يمه لعد ماكلتلك ريما مو يوميه تخابرهه انت ؟
يمه لحضه ههه هدي شويه لحضه زهراء تتزوج ؟تتزوج منوووو
يمه شبيك نزيت انت ماتدري ؟؟؟
ريما :يمه اسكتي انتي شحجاج متكليلي
يايمه انتي ماكلتيلي اني شمدريني ماحاجيتله
متحجون شبيكم تتزوج منو !؟
كاظم؛
ابن عمه
فهد ؛عليييي؟؟!!!