دكتوره لو شيخه؟! ( مكتمله)

ماذنبنا ؟

ماذنبنا؟

الحمد لله اجوا الشيوخ وحلوا السالفه
زين يمه خاف هذوله هم يجون مره ثانيه
يمه ان شاء الله ميجون خل يولون هذوله جهال ميسون شي بس الي يسوي شي هو الشيخ سلطان الي دز هذوله الجهال حتى يسوون بلبله
المهم يمه اريد اصعد ابدل وارتاح تعبت اليوم
يله يمه روحي

‏صعدت  لغرفتي وأنا افكر شلون طريقة اللي تخلي  الشيخ سلطان ينضم اليه
ويقبل مثل باقي الشيوخ
المهم الله يحله ان شاء الله

....
انت متأكد هي هيج كلتلك
اي والله يا شيخنا
ههه عده عتب ويه جبيركم يعني اني !!

اي شيخنا
روح واخذ من قاسم فلوسك
تعال تعال
مشكوررر شيخنا ماقصرت الله يبارك بيك

هاك هذني خليهم بجيبك وهذني وزعهم على جماعتك
مشكور خويه قاسم
يلا روح
بأمرك

..

شفت هه مره تريد تحكمنه يقاسم

والله بويه تريد الصراحه اشو كل الشيوخ منضمين وياه واحنه وحدنه بالساحه

اني افكر اعزمه ونشوفه ونشوف اسلوبه وكلامه

لابويه على بختك هسه يكولون خوفتهم مره وعزموه بيتهم حتى يصالحوه وبعدين راح تثبت هذا الشي عليك اكثر انو انت الي وديت الزلم عليه

لا هذا افضل حل اريد اشوفه يكولون ذكيه واسلوبه مقنع بالكلام اريد اناقشه واشوفه

بكيفك بويه بس اني ما انصحك
ولك شنو انت جاي تعلمني شغلي
لا بويه اعتذر
امشي اطلع
بويه اسف والله مقصدت
بررره

قاسم
قاااسم ؟!!
هاا شبيج رُسل شتردين
هاي شبيك شو انت مثل ابن عمك قيس كلما صحت عليه وكلي شبيج
ليش معصب ووين رايح
انتي معليج رايح لفاتحه تجين وياي ؟؟
روحي ادرسي مو حضرتج راح صيرين دكتوره
اي وانت شغاثك لو لان عدت السادس مرتين كسوووول
ديله ولي منا امشي

الو  قيس
هلا هلا بالضلع بأبن العم شلونك
خايب انجب
هاا شبيك
تعاركت ويه ابويه

والله الله يساعدك على عمي سلطان اعصاب هو
اكلك ماتجي للكليه تغير جو
شوف هاي المزز الحلوه الصاكات هنا يخبللللن

خايب شو دنجب اني اروح لفاتحه وانت بين البنات
فاتحةمنوو؟؟
واحد من العشيره وين تعرفه
ديلا روح
الله وياك
اكلك اوكف
ها
اليوم ابويه راح يعزم بت الشيخ على العشه
يا شيخ ؟
ولك كم شيخ شيخ العشيره عبد الرحمان
اهااا
وليش عازمه
تعال انت واني افهمك
واني شعندي جاي
اني مراح احضر العزيمه اريدك بمكاني تسمع وتحفظ حجيهم
اها قصدك اصير البلبل الفتان
قيس تجي لا اجي اني اسحلك كدام البنات
ديلا لك شو انت ماخذ عليه وليه
يلا اجي روح
وسديت الخط
متعجرف شايف نفسه لوماعايد السادس مرتين
لو سمحت
انداريت على صوت البنيه
نعم تفضلي ؟
ممكن اعرف هاي سيارتك
امم سيارتي
والله صدك كلش حلوه ممكن اخذ صوره وياه
اي ليش موممكن كلشي ممكن للحلوين
ههههه تسلم
بس لتنسين تصورين يوزر الانستا خاله وره السياره
يوزرك؟
اي
ماشي تمام
دك التلفون والمتصل رُسل
هااا
هاي شبيك
لج بابا انتي شبيج ترى موتيني !!!