دكتوره لو شيخه؟! ( مكتمله)

احاسيس هجمت على قلبي ❤️

ام زهراء :

حجي انت شلون تخلي و تسمحله هيج يحجي وياه ويجره  كدامك
الشيخ عبد الرحمان :

عيني انتي علي مو غريب عليه ترى أني المربي واعرفه رجال شهم وشريف وماكو انسب منه لزهراء

اي ادري شريف بس لو زهراء اتحبه اني ماعندي مشكله بس بتي متحبه
اي اعرف متحبه

الشيخ : واني اريده تحبه وتتزوجه لان هو من بعدي راح ياخذ المشيخه
علمود اثنينهم يقودون العشيره
هي تاخذ القرارات  وهو ينفذه لان بالعشائر ماكو شيخه تحكم زلم اريدهم ثنينهم يتعاونون

ام زهراء
ليش يمه هي هاي هي من وراك بتي اربعه وعشرين ساعه سويجه بأيده لا والحلو نوب تركب فرس صايره ولد حتى مكياج متخلي مثل البنات عودته تصير ولد ليش هيج اسوي مو هاي هم بنتك
واي احد يتقدمله تكله لا بعده اصغيره وبعدين منو يكول تقبل تتزوج علي  ها؟؟؟

الشيخ عبد الرحمان
😂😂 اعصابج عليه علويه
ام زهراء
يا عزه يمعود نصي صوتك لحد يسمعك
ماصدكت السالفه تموت نوب تجي انت هيج تحجي
ددك ع زهراء لو على عليوي شوفهم وين
الشيخ ؛
لا لا عوفيهم
ما ازعجهم خل نطيهم وقت يتفاهمون بي
وقت شنو ؟
ترى زهراء تعتبره مثل اخوه
وبعدين هاي شنو مال يقودون العشيرة؟؟

الشيخ
اي لعد شلون اني شيخ بعد اخويه الله يرحمه
وماعندي بس زهراء
وتعرفين احنا اطورنه وبتي راح اصير دكتوره ان شاء الله بس بنفس الوقت ما اخليه تعوف العشيره
راح اخليه هي تاخذ القرارات المهمه لان اعرفه لبتي حكيمه مو مثل علي متهور

ام زهراء :
اي صح بس لو الله يرحمه اخوك جان عايش وباقي هو يحكم العشيره جان انت كملت طب وماصرت الشيخ وعشنه حياه طبيعيه لاكن للاسف انت الي طاحت عليك المسؤليه

الشيخ ؛

اي جنت ثاني سنه اليه من مات المرحوم وتركت الطب لان صرت اني المسؤل عن البيت وخواتي والعشيرة مالكيت وكت ادرس بي وانظم وكتي اكثر حلم حبيته ضاع مني واريد الله يعوضني بزهراء

ام زهراء
اي ادري بيك لذلك تريد تخلي زهراء تدرس طب

زهراء :
اني انصدمت من تصرف علي وضليت صافنه وفاتحه حلكي

علي:  من بست ايده هي رأسا سحبت ايده وصار وجه احمر وخجلت الصراحه اني ما اشوفه تخجل هواي بس هل مره حسيته خجلت مني صدك

زهراء :
ااا ههههه ههه علي.. علي   علي اخويه الجبير وباس ..ايدي لان يعتبرني اخته الصغيره... مو؟ هههه

علي ؛
سمعت زهراء هيج حجت واني كلبي حسيته جمد وصار بارد وانقهرت من هذا تصرفه
فهد : اها ؟
الله يديم خوتكم
علي دير بالك ع اختك الصغيره
زهراء
علي طلع من الغرفه وماحجه اي شي بس اني ليش ضليت ابرر لفهد بالعاده اني ما ابرر الاحد غير امي وابويه وبس
فهد
اني من اول لحظه شفته حسيت يحب زهراء
بس همزين زهراء متحبه
علي
اني ليش سويت هذا التصرف الغبي ولا وذاك الدكتور النوب مسوي روحه لطيف وحباب شكد كرهته شنو اخوه الجبير هو كله فرق سنتين شكد وياي بنات بالكليه (كليه الهندسه ) وحلوات ويتمنون نظره مني بس ولا وحده لعبت بكلبي مثلج يزهراء
اوف اوف ضربت ايدي بالحايط
فتحت التلفون ولكيت مكالمه فائته من عمي .. دكيت عليه وطمنته ع زهراء
وكتله باجر نجي تعالوا للمستشفى
كال هسه شويه ونجي دير بالك ع زهراء...عمي صدك تحجي اخليه بعيونه