دكتوره لو شيخه؟! ( مكتمله)

والتقينا مجددا

طلعت مِہטּ بيتنه
معقول الي صار ؟؟؟
بقه بالي يم امي شلون راح تبقه وحده
بديت امشي وحسيت برجليه اني بدون حذاء حذائي مدري وين امشي حافيه
وينك بابا
انت جنت اذا شوفني حافيه تعصب عليه
هسه اني حافيه اريدك تعصب عليه
اشتاقيت لعصبيتك ، لحنيتك،خوفك عليه
شفت علي شسوه بيه
اخخخ ياربي
ضليت امسح بدموعي بس بدون فائده

امشي بطريق ما اعرف وين راح يوديني
شنو اكول للعالم اني جايه دخيله عدكم
شارده مِہטּ بيتي اني بت الشيخ مِہטּ وره ابن عمي
يا الله ساعدني
كل الاحبهم مو يمي
بس انت موجود واني معتمده عليك
ضليت امشي واني حافيه وماكو ناس بالشارع امشي واتلفت خاف هذاك النذل يجي ورايه
الشارع يخوف كم عمود كهربائي يطفه ويشتعل يشكل
ياربي ساعدني يالله
ياربي رجعلي الاحبهم
احفظ امي مِہטּ هذاك الحقير
رجعلي ابويه
و..
واريد فهد ..
رفعت وجهي واني اريد ادور    ؏ـلۍ بيت خالتي
لاكن ....اجتني صدمه
كلبي طلع مِہטּ مكانه
حسيت كأنو عاصفه وصارت كأنوا طلعت  مِہטּ النار ورحت  للجنه
لساني انربط ..

اني اعلمج انيييي الج
بسيطه
استهزئتي بحبي الج واحترامي شكد حبيتج وقدرتك
شكد صنتج واني مشايف ذرررره حب منج
بس طفح الكيل
اني اعرف شراح اسوي بيج
الا اطلع كل هذا الحب والدلال مِہטּ خشمج
الا اعيشج بجحيم
راح اتزوجج واليوم هم
احجي ويه نفسي واني اسوق بأقسى سرعه اريد اروح للشيخ واجيبه واعقد اله وغصبا ما عليه

ام زهراء
ياربي احميلي بنتي يا اللللله يا ربيييي
ازهار : فدوه اروحلج كافي بجي راح تموتيييين
ولــچ ازهاااار
ولــچ بتي شردت مِہטּ بيت ابوه مِہטּ وره ابنجججج
حقج والله العظيم حقج
مع الاسف هيج طلعت ترباتي هاي السنين كله وهذا ابني هيج يتصرف

حنين
والله اني منصدمه وممصدكه الي صار
اني اتوقعه مِہטּ الكل بس علييي!؟ متطلع منه هيج تصرفات
هو ممعقوله  هيج يتخبل علينه

فهد
اني هسه شعندي رايح
وبعدين حتى اذا تشوفني راح تجيني تركض مثلا ؟
بعدين هي انخطبت وعايشه حياته بسعاده اني ما اريد اخربه
بس اريد اشوفه مِہטּ بعيد ولاخر مره

شفت وحده جايه مِہטּ بعيد وتحجي ويه روحه بس ممبين شي لان الضوه كله عليه عماني وهي بالضلمه هاي شوارع العراق عمود كهرباء واحد يشتغل وعشره ميشتغلن واني يم العمود الي يشتغل
شنو جنيه ؟
اعوذ بالله مِہטּ الشيطان الرجيم
بسم الله الرحمان الرحيم
هاي شبيه وكفت كدامي وصنمت ڪلشـي ممبين منه
فجأه العمود الي ما بي ضوه الي هي واكفه جواه اشتعل ورجع طفه يرمش

اني هنا ما صدكت الي شفته
ע اكيد هاي نفس الحاله انعادت الي هاي مو هي اني اتخيله
فهد؟
سمعت صوته !!!!!!!!
اي صوته صوته هيي نفسه
صوت ممزوج بالخوف والقلق والتساؤل
اريد ارد عليه بس ما كدرت
احس رجليه ولساني اتجمدوا واجتني الرجفه حسيت نفسي طرت اجاني احساس بعمري ما حاس بي كأنو واحد صارله سنين ما شارب مي ومطرت عليه
اتقدمت اله والعمود رجعت بي الكهرباء
شفته هاي زهراء !!