دكتوره لو شيخه؟! ( مكتمله)

كأنه حلم

فهد
اني مسويله شي وما ادري بروحي ليش هيج متغيره شبيه هاي شوف شلون لابستني
زهراء :
خبال اي والله (اني بداخلي فرحانه لان يباوع عليه😂😂 ) بس اخفي هذا الشي
اتلاكت عيونه بالمرايه
اني رأسا وخرت عيوني ع الجامه كمت اباوع وتنهدت
فتحت الجامه اريد اشم هوه
شو هذا الخبل صعد الجامه
باوعت عليه هو ضحك يعني هاي حركته يريدني اباوع عليه بالمرايه
المهم اني رجعت نزلته للجامه وهو رجع صعده
ضليت خاله ايدي ع زر التحكم هو يصعده واني انزله
اخر شي امي التفتت عليه سمعت صوت الجامه

زهراء شبيج يمه شنو سالفتج تلعبين بالجامه انتي صغيره اني باوعت عليه
ها لا يمه اني شعل.... ماكملت حجايتي باوعت عليه بالمرايه ميت ضحك هو
حتى نظاراته الشمسيه وكعن من عيونه وجه صار احمر هلكد ماضحك
ويباوع عليه واني طاحت براسي لا والحلو يكول لأمي خالتي عوفيه عوفيه هي بعده صغيره شتردين من عده خل تلعب بالجامه

اني من عصبيتي كتله
يااااء اني الألعب بيه ؟؟؟

كلي خلاص بكيفج صعدي نزلي الجامه ع راحتج معليج بأمج
شوف النذاله ذبه براسي
والنوب امي كامت تضحك وخاله ايده ع حلكه
صدك نرفزتني هاي حركته
😂😂
المهم

...
خاله الشارع على ايدك اليسره
اي خالتي تدللين
وصلنه للبيت
ونزلنه من السياره شافتنه حنين بالكامرات واجت تساعدني طلعت هي وامه
ماعرفتكم على ام علي وحنين هي مرت عمي الجبير أمرأه خلوقه وطيبه وحبابه تحبنه كلنه ومن جان زوجه عمي مختار الله يرحمه عايش جان مدلله ويحبه ومن انقتل الله يرحمه اتكأبت وصارت حزينه بس هسه اخر كم سنه صارت زينه ورجعت خاله ازهار الي نعرفه
حنين
ها زهيره شلون صرتي
ولج حنين نطيتي اكل للفرس ومي شلون صارت رجله
اني وين احجي وانتي وين تحجين
نزلت امي وفهد
دخلنه للبيت وضل يباوع ع الحديقه وبيه كل انواع الورود طبعا اني مهتمه اهتمام شخصي بالحديقه مالتنه وازرعه بأيدي وسمع صوت الفرس وراح عنده
واني امشي وره فهد وحنين لازمه ايدي الفرس مكيف بيه وكام يصهل طبيت للحظيرة وطلعته منه بالحديقه الي وره البيت عدنه حديقه وره بيتنه مزارعه بيه شي بس حشيش هاي للخيل واتدرب بيه وامشي جود

ولعبت وياه وبوسته وفهد بس يباوع عليه
امي
ها خاله نكعد بالحديقه
اي والله خاله ياريت تفتح النفس
اي خاله تأمر
ميأمر عليج ظالم ....
شربنه جاي وزهراء ماكعدت بس تلعب ويه الفرس جنه طفله تمنيت اكوم والعب وياه بس ستحيت من امه
ردت اكوم اترخص بس سبقني صوت التلفون علي دك ع ام زهراء
الو
ها خاله عمي يمكم بالمستشفى
؟؟
لا يامستشفى احنه بالبيت
يا
ومنو جابكم
فهد الله يحفظه
اني اباوع عليه وعرفت علي هسه يجي
باوعت على زهراء شو فجأه شفته تعيط وامه شمرت التلفون وكامت اني رأسا ركضت وراه
زهراء
...
واني العب ويه جود شفت شي اسود بالكاع عبالي علاكه منتبهت طلعت حيه اني رأسا عطت وخفت ماعرفت شنو اسوي والحيه قريبه عليه وجود كام يصهل بصوت عالي
بس اجه فهد يركض ولحك عليه ظربه بالكرك جان على صفحه ضربه على راسه اكثر من مره يله ماتت
اجت امي وراه مخروعه شافتني وفهد اجاني كلي لتخافين اني يمج وامي كامت تجيبلي مي فهد لزم ايدي وحنين تباوع من بعيد وخاله ايده على حلكه
خاله ازهار
هاا يمه خومابيج شي خوماكرصتج الحيه
لا لا مابيه شي
فهد يله مصار شي الحمد لله على سلامتج
اهدئي لتخافين يله كومي
كومني فهد بس اني ارجف وكلش خفت
حنين ها يمه مو كتلج اني ذاك اليوم لكيت وكر مال حيه بس انتي ماصدكتيني
ازهار
مو وكت هذا الحجي روحي شوفي بت عمج وجه اصفر راح تموت
باوعت على زهراء صدك وجه اصفر ومخروعه همزين مصار بيه سُكر
فهد يله كعدي هنا
خاله وين المي
اجت ام زهراء جابت المي
وانطته لزهراء بس زهراء ايده ترجف مكدرت تلزم كاسه المي بأيده ففهد شربه المي
بهاي الاثناء
دخل علي يركض
شاف فهد يشرب زهراء مي وزهراء ترجف وخايفه
اجه يركض
ها شكو شبيكم
احجي ليش عيطت زهراء يعيط على حنين
فهد
ماكو شي بس شافت حيه واني كتلته
زهراء
اني اني م..ممنتبهت حيه عبالي جيس اسود
شنو جيس اسود انتي ثوله لو كارصتج الحيه وميته ويعيط زهراء
نزلت دمعه من عيني لان علي يعيط عليه بصوت كلش عالي واني منا مهبوطه وهذا جاي يرزل بيه انقهرت والله
فهد شافه تبجي
كام على حيله
انت هييي انت نصي صوتك ولتعيط عليه
علي
هلوو وانت منو حتى تدخل بيني وبين زهراء

ولك انت تعيط عليه واني واكف
وليش انت منووو عيني
احترم نفسك وتأدب
زهراء
كافيييي بسس شبيكم انتواااا
فهد هذا الحجي احجي للهمجي
علي دفع فهد وطيحه بالكاع
كام فهد وضرب علي بوكس وتكاتلوا وامي وخاله ازهار وحنين واكفين يعيطون اجت امي تريد تفاككهم ماكدرت اني اعيط عليهم بس بدون فائده صار مكاتل بينهم وعلي خشمه كام ينزف وفهد حاجبه كام يطلع منه دم
ماكدرنه نفاككهم بس سمعنه صوت طلقه احنه التفتنه وشفنه ابويه واكف وبيده مسدس بس هذوله هم ماوكفوا بعدهم يتكاتلون ضرب ابويه طلقه ثانيه بالهوا يله استوعبوا و وكفوا قتال بينهم اجه يخلصون ع بعض واحنه نعيط ولا كأنو
ابويه
ولك عليييي عاط بصوت رج البيت
هاي الاصول الي تعلمته تتكاتل ويه الضيف متستحي ولك
احنه هنا من صدك خفنه اول مره بحياتي اشوف ابويه يعيط على علي وامي راحت يم ابويه وكلتله
هيج وهيج
ابويه كال دكتور تفضل جوه وحجه ويه فهد
بعدين صاح علي وكله تعال وهم حجه وياه وصاح زهراء
امي
شنو يربي هذوله صارلهم ساعه يحجون شراح يصير
اجت حنين تصيح
زهراء زهراء ابوج يريدج
زهراء
شكو ياستار شيريد
ما اعرف بس كال صيحولي زهراء اريده
رحت اني وخايفه من علي لا نهه عليه وخايفه والف شغله اجت بالي
ها بابا صحتني ؟
اي بنتي فوتي وسدي الباب وراج
اني فتت وشفت علي خال ايده ع خشمه ينزف
وفهد كذالك خال ايده ع حاجبه وساكتين والكدمات مبينه على وجوهم
بابا كاعد بالصدر مال الديوان وعلي ع اليمين وفهد ع اليسار واني مقابيل بابا
اسمعي بنتي
اني ما اخذ خطوه اذا ما استشيرج مو صح؟؟؟
اي بابا صح احجي بصوت ناصي لان كلبي احسه راح يطلع من مكانه
حجيت ويه فهد وعلي وثنينهم تقدموا لخطوبتج تكدرين تختارين الي تردي وتكدرين ترفضين

ميس
يمه ادك على فهد ميرد
ياربي ساعدني هذا وين اختفى من الصبح وهسه ظهر
ريما
ماما راح ادك ع محمد خاف يمه
اي يمه دكي عليه
....
الو محمد
اي تفضل منو
اني ريما اخذت رقمك من امي
هله ومرحبا والله تفضلي امري
ميأمر عليك ظالم بس فهد ماكو من الصبح وهو اليوم ماعده دوام اليوم استراحه عده وهو كل لامي ساعه وراجع للبيت
والله ما ادري بي
بس انتوا مخابرتوا
شلون مخابرناه ١٠٠ مره دكينه عليه وميرد خاف مسوي حادث يربي
لا لا شنو هل حجي لاسامح الله اني هسه اروح للمستشفى واسأل عنه
اي فدوه امي كلش خايفه عليه

ام زهراء
ياء عزه والله عرفت هذا علي بس لا نهه على بتي
ازهار
ام زهراء شنو هذا الحجي ابني مو متخلف حتى هيج يصرف اني ابني دارس ومثقف ميتصرف هيج واني مربيته ع ايدي
نوره
خيتي عذريني يعني شأسوي اني والله خايفه وكلبي ممطمن اني هم ام
ان شاء الله ميصير غير الخير
امين
رحت وره زهراء اني وازهار وحنين
وسمعت من وره الباب الحجي
وكلنه انصدمنه 😧
.....