دكتوره لو شيخه؟! ( مكتمله)

حكايتي العجيبه

.

ياربي شنو هاي هذوله ثنينهم متقدميله شنو السالفه
ام زهراء :
حنين اششش ليسمعون اسكتي
ازهار : يمه اسكتي خل نفتهم

..
زهراء
بابا من رخصتك يعني اني فهد ما اعرفه ومابينه كلام ويعني ههه شنو ديصير احنه متفقين اصير دكتوره لو لا وين راحت احلامي وطموحي
فهد
افا عليج اني ما اخليج تكملين اخليج درسين بالخارج اذا تردين واوفرلج كلشي بس كولي اي
علي
اني ضد الدراسه بالخارج ما اجذب عليج واكلج بس اكيد اخليج تكملين بالعراق وثنينه ندرس بنفس الجامعه
واني وياج نفس العمر (اني اعرف علي حجه هيج حتى يضرب فهد بسمار وانوا هو اكبر مني بهواي )

لو سمحتوا اني بعدني ممكمله كلامي
انتوا دتحرجوني وانتوا متحسون يعني حاليا اني صرت سلعه وما ادري بروحي هذا الشي ممقبول واني اعتذر منكم ومن ابويه من رخصتكم
كمت واني معصبه صدك ضوجوني شنو هذا الشي يجون خطابه ثنين بنفس اليوم
زهراء اوكفي
صاح بابا عليه
وين رايحه
بابا اني حجيت الي عندي اني هذا الشي ما ارضى بي يا أما يتقدمولي مثل العالم والناس او اني ما اقبل اختار هيج شنو هذا بابا هاي مهزله انت شون تقبل
علي
زهراء اسمعي احنه ثنين هنا ماكو غيرنه انتي يا اما تختاريني اني لو تختارين هذاك ولتفكرين اني انهي عليج انتي حبي وحياتي انتي حلمي وطموحي انتي صديقتي وحبيبتي اني احبج
فهد
زهراء اني اعرف الي ديصير احراج واني مستحي منج بس صدكي واعتقدي اني حبيتج من اول نظره انتي سرقتي قلبي واريدج ترجعي اليه وانتي وياه واني اسف اذا سويتلج احراج
الشيخ
شوفوا انتوا الاثنين ترى زوتها لو واحد غيري جان كتلكم بس اني فاهم ومكبر عقلي حمدوا ربكم  اني راح احجي حجايتي واطلع وانتي خاف تستحين مني تكدرين تحجين من اطلع
اسمعوا عدل
هاي بنتي وحيدتي وطفلتي
علي انت ابن عمه واوله بيه بس هذا ميعني انو فهد ما اله فرصه
بنتي هي الي تختار بس اني اذا تريد شوري اني اريد علي لان انت تحبه من الصغر وعايشين سوه
مع احترامي لفهد عمو احنه منعرفك ومنعرف عشيرتك
حتى وانت تسرعت بس هم شنو انسوي انتوا بعدكم شباب وطايشين وتره اني متفهم ودارس ومنطقي  عموما اني طالع
والكم ٥ دقايق اني انتضر بالباب بره واول واحد يطلع من الباب يعني ماله النصيب اذا علي او فهد
وطلع ابويه واني كلش مستحيه من عنده
الي احسه انو اني بحلم ياربي شنو ديصير وياي
اسمعوني انتوا الاثنين
اني محترمتكم كدام ابويه بالله علي اعرفه ويعرفني
بس فهد انت اني ما اعرفك شلون تجي تخطبني

... اني مناوي اخطبج هسه بس اني كلت لابوج اني احبج واريد نتعرف ع بعض وبعدين اخطبج
...
المهم هذا الكلام ميهمني ولا راح يهمني فهد وعلي انتوا غلطتوا اعتذروا من بعض
ثنينهم داروا وجهم

اقسم بمن خلق الكون اذا متعتذرون من بعض ثنينكم ما الكم حجايه وياي

علي وفهد
لا اوكي
علي اني اعتذر منك انت ضيفنا واني غلطت بحقك
فهد اني اسف تسرعت وضربتك
وتصافحوا بس الحقد بعده بعيونهم ع بعض
المهم هسه اني مراح اختار احد من عدكم اريد افكر شلون اطلع نفسي من هاي الورطه
علي
يعني هسه منو يطلع من الباب عمي كال الي مااله نصيب هو يطلع
زهراء
لا انت ولا هو يطلع اني راح اطلع واحجي ويه ابويه
الشيخ عبدالرحمان