علي
كملت سياقه ونتبهت تلفوني يرن اني خاله صامت
شفت المتصل احمد صديقي
رجعت طبكت السياره على جه اليمين ونزلت بهدوء لان زهراء بعده نايمه
الو
-ها احمد
شوف علي اني كدرت اوصل لتسجيلات المكالمات مال فهد عن طريق صديقي
- ايي وشنو فهمت من مكالمته (احجي واني اباوع على السياره واشوف زهراء نايمه ) أتأكد منه انو بعده نايمه ..
والله ياعلي الولد بريئ هو چان بالامام الكاظم وملتقي بصديقه هناك ووقت الحادث الي صار بيكم هو مو بالمحافظه
- (درت وجهي ورجعت احجي وياه ) انت متأكد من هل حجي ؟! شنو بريئ
يابه اني سمعت المكالمه بأذني علي شنو السالفه شبيك
-يله هسه اني راح اروح للمستشفى والصبح جيبلي التسجيلات
لا اني هسه بالمستشفى تعال
اكلك زهراء وينه شو بس امه وامك واختك وين هيه؟؟
اني استغربت ورفعت حاجبي شنو ليش يسأل عليه !
-وياي ليش ؟
لا بس خفت عليه كلت وين راحت
-لا لتخاف وياي هيه
اوك باي
باي
سديت الخط ورجعت للسياره
شفت ساعتي وقت متأخر شعنده هذا باقي بالمستشفى وليش يسأل عليه ..!
وسط هاي افكاري كعدت زهراء وباوعت عليه
ها علي وين وصلنه تحجي وهي بعده بنومه
ابتسمت شكله چان يضحك نايمه وبالكوه تحجي 😂
هسه بعد شويه ونوصل كملي نومتج
رجعت دارت وجه على الجامه وغمضت عيونه الحلوه
ووصلنه للمستشفى
نزلت وفتحت الباب اله هيه فزت وكعدت عدلت شاله وكامت
اووف ياعلي (تحجي وبالكوه مفتحه عيونه )
ها شكو النوبه !
ايي شوف رجلي ما اكدر امشي الي يشوفه يكول مكسوره مو مجروحه جرح بسيط شوف شوف شلون لافه ميه لفه بالباندج
اي على كيفج غير علمود متلتهب وبعدين ليش هل عصبيه فوك ما دمرتي حذائي دم؟
نعم نعم اني دمرت حذائك ؟
انت وديت اختك تركض ورايه وشايله حذائك اني شعليه
اي ديله يله نزلي
...هذا الحجي كله واني واكفه على السياره بعدني منازله وهو فاتح الباب ولازمه بأيده
مد ايده حتى ينزلني لان سيارته عاليه شويه
انطيته ايدي ونزلت واحنه بعدنه نتعارك
شفت ٣ ممرضات كاعدين بالساحه الي مقابيل المستشفى
يباوعون علينه ويضحكن
وعلي شافهن وكام يضحك وياهن
شلت عيوني عليه
نظرلي بعيونه ورجع يباوع عليهن وبعده يضحك وغمز الهن
اني رأسا رفعت حواجبي
ياااء
شكو شبيج
هاي ليش تغمز الهن
شنو غرتي ؟
وكام يضحك
هه اغار شنو شعليه اني
سحبت ايدي منه حيل ورحت امشي صح رجلي متعيني منا طحت عليه من وراه ومجروحه بس مشيت عليه ووجعتني
هو يصيح ورايه ضل
أنت تقرأ
دكتوره لو شيخه؟! ( مكتمله)
غموض / الإثارةعندما تكون وحيدا وكل الانظار موجه اليك ويجبرك القدر على مالاتريد ابن عمي ام حبي الاول ؟
