دكتوره لو شيخه؟! ( مكتمله)

لم تغب لحضه عن بالي

اسسسسفه جدا ع التأخير بس اخر كم يوم شويه تمرضت ورمضان كريم عليكم حبايب 💕

زهراااااء
يله يله كومي

هااا يمه اووف
احجي واني بالكوه افتح عيوني

شوفي الساعه بيش ولج كومي راح تروح المحاضره عليج

يمه اليوم ثاني يوم الي بالكليه يعني ماكو محاضرات بعدنه بسم الله

وبعدين وياج كومي
زهراءءء
كمنه كمنه اووه

روحي بسرعه حتى علي يوصلج يله

كمت وخرت تلفوني من الشحن اشحنه بالليل حتى الصبح الكاه شاحن
فتحته وشفت صوره ابويه خالته خلفيه بتلفوني حتى ما انسه بيوم من الايام الي صار بينه
رحت للحمامات وغسلت وجهي وسبحت وبدلت نزلت اركض لان تأخرت
هاا مو كتلج تتأخرين
اي يمه شأسوي غير البارحه تأخرنه بالمستشفى
بالليل
صباااح الخير شلونه الحلو
التفتت
علي !!
اي علي شنو
ههه هاي شلابس
اول شي ردي كولي صباح النور
صباااح النور
والله يازهوره اليوم صديقنه رجع من تركيا ونريد نسويله حفله بالكليه 

اي اوك بس الي يشوفك يكول رايح بعرس

اي عيني شعبالج لعد اخويه يخبل وحلو والبدله الرسميه تلوك بس اله فديته

هه سبحان الله اي طبعا اخوج مراح تكولين غير هلحجي وتمدحي اكييد

الكل كام يضحك

حنين حبيبتي عوفيه هاي مضغوطه من اخوج
لا والله
زهراء علي اسكتوا كافي عرايك من الصبح
اوك ماما اني رايحه
راح ترحين بسيارتج ؟
اي
ليش ما اوصلج مو احسن
لا ماكو داعي اني اروح بسيارتي
طلعت واني اكل بالتفاحه مالحكت اتريك
اليوم الثاني الي بالكليه كلش حلوه وحياه جديده ومميزه الكليه الي حلمت بيه كليه الطب

طلعت السويج من جنطتي وفتحت السياره وصعدت بيه شغلته شو وحده طفت
لا اله الا الله شبيه هاي هسه وكتج
شغلته مره ثانيه ورجعت طفت
اوهوووو
نزلت اشوف شبيه

هااااا
سمعت صوت علي من بعيد 
علي متجي تشوفه شبيه
اجيت اجيت
روحي صعدي شغليه
رحت شغلته هم طفت
ها شبيه شطلع ؟
اوكفي لحضه
نزلت واجيت وكفت يمه
فجأه اجه على بالي هذاك الموقف من عطلت السياره بيه وفهد ساعدني
تقريبا صار سنه ونص  على الحادثه الي صارت واني لحضه وحده فهد مراح من بالي
اكلج زهراء
زهرااء
هاا
هاي وين صفنتي
شوفي هاي سيارتج يرادله شغل واني مبدل واحنه متأخرين تعاي اوصلج احسن

اي ماشي تمام
نزل البنيد وقفلت السياره وصعدنه بسيارته
واني بعدني اذكر الموقف وشريط الذكريات مر كدام  عيني
ما انسه هذيج الليله الي فهد راح وعافني
اني المفروض اصدكه وما احجي هيج بذاك اليوم
اووف اني صرت متأكده انو خالي وابنه مراد وره الي صار بسببهم همه اني افترقت عن الي حبيته
وابويه بغيبوبه
بس يصحه ابويه وياخذون افادته واعرف منو الي سوه هيج بينه راح ،..
زهراء
شبيج اليوم شو مو على بعضج
علي اشتاقيت لابويه
مو البارحه بالليل جنه يمه
اني اشتاقيت لصوت ضحكته ولنظرته اليه لهتمامه بيه
نزلت دمعتي
خلاص حبيبتي مسحي دموعج
هلوجه الحلو ميلوكله بس الفرح
ههه
بعدين صدك لحضه
وكف السياره
ها شكو ليش وكفت السياره ؟!
مد ايده على جيبه
وطلع شي بأيده
هاي شنو
باوعت عليه
احجي شبيج شنو هاي
هاي حلقتي
اي وشنو تسوي بالحمام
اي غسلت ونزعته ونسيته
المفروض حبيبتي متنسه حلقته لان خطيبه يزعل منه بعد ماشي؟؟
اي ماشي
انطيني ايدج
مديت ايدي اله ولبسني الحلقه وباس ايدي اني سحبت ايدي رأسا
صح هو خطيبي بس اني ما اتقبل تقربه مني
اني ما احب علي وجبرت نفسي علي ومفاد
كلشي اسوي اتصنع انو احبه بس ياناس ما اكدر اني گلبي لفهد لحبي الاول
زهراء !
انتي مجبوره عليه ؟
لا انت تعرف كلش زين محد يكدر يجبرني على شي
اي حبيبتي اعرف واعرف كلش زين
بس سؤالي افتهمتي غلط
شلون يعني ؟
اقصد انو انتي انتي نفسج جابره نفسج عليه مو احد ثاني جابرج ؟
علي تأخرنه على الكليه لو سمحت خل نروح
تمام براحتج
نزل الجامه
ادللي من عيوني
نزل الجامه واشتميت شويه هوى
احس روحي مخنوكه وماعشت يوم واحد مرتاحه او سعيده من غمضت عين ابويه
اكلك علي ؟
كولي عمره لعلي