It All Started in RPW (Published Under LLP)

CHAPTER 11

CHAPTER 11

KAPWA kami walang imik ni Kimjaze matapos mangyari ang kailan man hindi ko naisip gawin, ang tanggapin ang halik ng isang lalaki.

Nagbaba ako ng tingin ng maramdaman ang paglalagablab ng aking pisngi. Sino ba namang hindi pamumulahan kung hanggang ngayo'y nakatitig siya saakin! Hindi ko rin maintindihan ang aking sarili muntik na akong ma-rape pero ang harot ko pa rin!

Tumayo ako at wala sa sariling kinuha ang helmet na nasa tabi ko.

"Ano.. umuwi na tayo?" Patanong na sabi ko habang ang mga mata ay naglulumikot huwag lamang masalubong ang kaniya.

Hindi siya nagsalita bagkus ay nauna na siya saakin patungo sa motor niya. Napahinga ako ng malalim habang tinititigan ang pag-aayos niya.

Bakit ko ba ginawa 'yon? Bakit ako nagpahalik sakaniya? Bakit masyado akong nagpalamon sa lambot at sarap ng labi niya?

Fuck! Pakiramdam ko'y nagtataksil ako kay Jace!

Tsk bakit ba inaalala ko 'yong lalaking 'yon eh wala naman nang kami! May iba na siya!

"May iba na siya Jairess!" Panggigising ko sa sarili ko at sinampal pa ang pisngi.

"Sakay na." Nakatingin sa kung saan na sabi ni Kimjaze.

Napatikhim pa ako bago sumakay ng tuluyan sa motor niya. Buong biyahe ay kung saan-saan napadpad ang isip ko. Paano ko nang haharapin ang step-father ko kung siya mismo ay gusto akong gawing parausan?

Hindi ko namalayang nasa harap na kami ng bahay. Kaagad nanginig ang kamay ko ng maalala ang mga nangyari kani-kanina lang.

Napaigtad ako ng may humawak sa kamay ko. Mainit ito at mas malaki ang kamay kaysa saakin dahilan para matabunan ang kamay ko.

"Huwag kang mag-alala. Nandito lang ako." Aniya at ng lingunin ko ay nakangiti na saakin.

Bumuntong hininga ako at ngumiti ng bahagya. Sabay kaming pumasok sa bahay. Kasabay ng pagharap ko sa sala ay ang pagdapo ng malakas na pwersa sa pisngi ko.

Kaagad kong naramdaman ang pagdalo ni Kimjaze sa tabi ko. Napahawak ako sa pisngi ko at lumingon sa taong sumampal saakin.

"M-Mom.." nanunubig ang mga matang tawag ko.

Ngunit purong galit at poot ang nakikita ko sakaniyang mga mata.

"How could you be like this, Jairess! Binigay ko naman lahat sa'yo 'di ba?! Pinalaki ka namin ng Daddy mo nang maayos and yet, malalaman kong inakit mo ang asawa ko't sinaktan?! Hindi mo pa pinatawad pati si Sam sinaktan mo!" aniya at ang matalim na tingin ay nasa akin.

Napatingin ako kay Sam na ngayon ay may kung ano-anong sugat sa mukha at braso! Maging ang tatay niya. Sa kabila no'n ay pawang nakangisi ang dalawa saakin na tila natutuwa sa nakikita.

Umawang ang labi ko at natatarantang lumapit kay Mommy. Hinawakan ko ang kaniyang kamay ngunit kaagad niya itong iwinasiwas!

"Mommy... Pakinggan mo naman ako. Anak mo 'ko 'di ba— 'di ba dapat mas kilala mo ako kaysa sa kanila?" humihikbing ani ko.

Hindi ko alam pero bakit parang ang bilis malason ng isip ngayon ni Mommy. Hindi na niya ako pinakikinggan.

"Kilala? Hindi na kita kilala Jairess. Hindi na ikaw 'yung Jairess na anak ko!" sigaw niya at dinuro pa ako.

Tumayo ako at nanggagalaiti sa galit na nilapitan si Sam ng marinig ko ang mahina niyang pagtawa.

Kaagad kong nakita kung paano siyang tumingin ng nagpapaawa sa sarili kong ina. Bago ko pa man mahablot ang kaniyang buhok ay may yumakap na mula saaking likuran at inalayo ako kay Sam.